محفل فورم پر دس لاکھ پیغامات مکمل ہونےکے موقعے پر۔۔

نبیل نے 'ذکر اردو محفل' کی ذیل میں اس موضوع کا آغاز کیا، ‏اکتوبر 7, 2012

  1. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    عزیز دوستان محفل، السلام علیکم
    آپ سب کو محفل فورم پر ایک ملین پیغامات پیغامات کا سنگ میل عبور ہونے کی بہت مبارکباد قبول ہو۔ محفل فورم پر دس لاکھ پیغامات کا ہدف تقریباً سوا سات سال میں عبور ہوا ہے۔ یہ ساڑھے سات سال کا عرصہ محض ایک فورم کی روداد نہیں بلکہ یہ ایک عہد کی تاریخ ہے۔ اردو محفل فورم صرف ایک فورم نہیں بلکہ ایک تحریک اور ایک ادارہ ہے۔ اردو محفل کا قیام اور اس کا ارتقاء کسی فرد واحد کا کارنامہ نہیں بلکہ یہ اردو سے محبت کرنے والوں اور اردو کی ترویج کا عزم رکھنے والوں کی مشترکہ اور عظیم کاوشوں کا نتیجہ ہے۔ محبان اردو کے اس کاروان میں کچھ لوگ روز اول سے ہمارے ساتھ ہیں، جبکہ کچھ لوگ زندگی کی دیگر مصروفیات میں گھرنے کے باعث اب پہلے جتنا وقت یہاں صرف نہیں کر پاتے ہیں۔ لیکن اردو محفل کی رونق اور اردو کی ترویج کے تمام پراجیکٹس کی پیشرفت کاروان اردو کے انہی مسافروں کے بدولت ممکن ہوئی ہے۔ ہم اگرچہ ان سب دوستوں کا فردا فردا ذکر نہیں کر سکتے، لیکن اس میں کوئی شک نہیں کہ انفارمیشن ٹیکنالوجی کی دنیا میں اردو کی ترویج کے سلسلے میں ان کی کاوشوں کو ہمیشہ یاد رکھا جائے گا۔

    گزشتہ سوا سات سال میں محفل فورم نے کئی نشیب و فراز دیکھے ہیں۔ ایک جانب فورم سوفٹویر کی اپگریڈ سے نئی فیچرز متعارف ہوتی تھیں تو دوسری جانب سرور اور ہوسٹ کے مسائل سے دوچار رہنا پڑتا تھا۔ فورم پر جہاں پررونق دھاگوں میں خوشیاں بکھرتی رہی ہیں، وہاں تنازعات اور ناراضگیوں کا جنم لینا فطرتی بات ہے، اور ناراضگی کے بعد صلح ہونا بھی۔ :) محفل فورم ایک جانب اردو کمپیوٹنگ کی تاریخ رقم ہوتی رہی ہے تو دوسری جانب یہاں شعر و سخن کے میدان میں بھی تشکیل و تکمیل فن ہوتی رہی ہے۔

    اردو محفل فورم نے جہاں اردو کمپیوٹنگ کی تاریخ میں انمٹ نقوش ثبت کیے ہیں، وہاں اس نے شخصیات کو بھی متاثر کیا ہے۔ایسی کئی مثالیں موجود ہیں کہ کچھ لوگ جو ابتداء میں گفتگو میں جارحانہ رویہ رکھتے تھے، وہ بعد میں اعتدال پسند رویہ اختیار کرنے لگے۔ بعض نادر مثالیں ایسی بھی ہیں جہاں معاملہ اس سے برعکس ثابت ہوا ہے۔ :)

    آج سے سوا سات سال قبل اردو محفل فورم کا قیام انٹرنیٹ پر اردو کے متوالوں کے لیے ایک نعمت غیر مترقبہ سے کم نہیں تھا۔ اگر انٹرنیٹ پر ایسی لاتعداد اردو فورمز موجود تھیں جہاں پر رومن اردو اور تصویری شکل میں اردو کا استعمال کیا جاتا تھا، لیکن ایسی کوئی اردو فورم موجود نہیں تھی جہاں اردو کو باقاعدہ اس کی تحریری شکل میں استعمال کیا جا سکتا۔ اردو محفل فورم کا قیام بھی ایک صبر آزما انتظار کے بعد عمل میں آیا اور یہ کئی لوگوں کی محنت شاقہ کا نتیجہ تھا۔

    اردو محفل فورم پر پیغامات کی تعداد نولاکھ سے دس لاکھ تک پہنچنے میں صرف چار مہینے کا وقت لگا ہے، جو کہ بجائے خود ایک ریکارڈ ہے۔ خاص طور پر ستمبر کے بعد سے فورم کی فعالیت میں نمایاں اضافہ دیکھنے میں آیا ہے۔ ذیل کے پلاٹ میں ستمبر 2012 میں پیغامات کی شرح ملاحظہ فرمائیں۔



    اردو محفل فورم کے تکنیکی ارتقاء کی ٹائم لائن کو ذیل میں مختصراً بیان کیا گیا ہے۔

    ۔ 30 جون 2005 کو اردو محفل فورم سیٹ اپ کی جاتی ہے۔ ابتدا میں پی ایچ پی بی بی 2 کا استعمال کیا گیا تھا۔ یہ اس پر پہلی ٹیسٹ پوسٹ کا ربط ہے، اور یہاں اردو محفل فورم کے قیام کا اعلان کیا گیا ہے۔ ذیل میں محفل فورم کی اس ابتدائی شکل کا سکرین شاٹ دیکھا جا سکتا ہے۔

    [​IMG]

    ۔ محفل فورم کے قیام کے قریبا چھ ماہ بعد اسے کٹیگری موڈ فورم 2.1.4 پر مائیگریٹ کر دیا گیا جس کی بدولت محفل فورم بہتر تھیم اور کئی جدید فیچرز سے آراستہ ہوگئی۔
    ۔ محفل فورم کی کٹیگری موڈ 2.1.6 پر اپگریڈ بھی ایک نہایت صبر آزما اور دقت طلب مرحلہ ثابت ہوا تھا لیکن یہ بھی محفل فورم کے تکنیکی ارتقاء میں ایک اہم مرحلہ ثابت ہوا۔
    ۔ سال 2007 میں محفل فورم کی تاریخ میں ایک اہم مرحلہ اس وقت پیش آیا جب اسے وی بلیٹن سوفٹویر پر مائیگریٹ کیا گیا۔ وی بلیٹن پر مائیگریشن سے اردو محفل فورم کے ایک نئے دور کا آغاز ہوا۔ یہ تبدیلی اس اعتبار سے بھی اہم تھی کہ کٹیگری موڈ فورم سے وی بلیٹن پر مائیگریشن کے لیے کوئی باضابطہ سپورٹ دستیاب نہیں تھی لیکن الحمداللہ ہم نے یہ کارنامہ کر دکھایا۔ :) ذیل میں محفل فورم کے وی بلیٹن دور کی ایک تصویر پیش کی جاتی ہے۔

    [​IMG]

    ۔ محفل فورم کی وی بلیٹن ورژن 3.8 سے ورژن 4 پر منتقلی اس اعتبار سے قابل ذکر ہے کہ اس کے بعد محفل فورم مسلسل کئی سال تک فورم سوفٹویر کی کوالٹی اور سرور کے مسائل سے دوچار رہی۔ وی بلیٹن کا ورژن چار کوالٹی کے اعتبار سے ناقص ثابت ہوا اور اس کے استعمال سے محفل فورم پر منفی اثرات مرتب ہوئے۔ دوسری جانب ڈریم ہوسٹ کی ناقص سروس کے باعث بھی سائٹ کے ڈاؤن ٹائم میں اضافہ ہوتا گیا۔
    ۔ ایک طویل اور صبر آزما انتظار کے بعد محفل فورم کو وی بلیٹن سے زین فورو سوفٹویر پر مائیگریٹ کر دیا گیا۔ محفل فورم کی نئے فورم سوفٹویر پر یہ منتقلی اس مرتبہ بھی ایک تاریخی سنگ میل کی حیثیت سے یاد رکھی جائےگی کیونکہ اس مرتبہ بھی کسی باضابطہ امپورٹ سکرپٹ کی عدم موجودگی میں ہمیں خود سے فورم کا ڈیٹا امپورٹ کرنے کے لیے ہیکس کا استعمال کرنا پڑا۔ محفل فورم کی زین فورو سوفٹویر پر منتقلی کے ساتھ ہی ہم نے بالآخر ڈریم ہوسٹ کو بھی خیرباد کہنے کا فیصلہ کر دیا اور اردو ویب کو نئے ہوسٹ پر منتقل کر دیا۔ اس کے بعد سے ہر آنے والا دن اردو ویب اور محفل فورم قوت پکڑتے رہے ہیں۔ اور ہماری دعا ہے کہ محفل فورم یونہی اردو کے متوالوں کے دل کی دھڑکن بنی رہے اور دن دوگنی اور رات چوگنی ترقی کرتی رہے۔
    والسلام
     
    آخری تدوین: ‏جولائی 22, 2013
    • زبردست زبردست × 38
    • پسندیدہ پسندیدہ × 3
    • معلوماتی معلوماتی × 1
  2. نایاب

    نایاب لائبریرین

    مراسلے:
    13,423
    جھنڈا:
    Pakistan
    موڈ:
    Goofy
    سدا آباد و سجی رہے یہ محفل اردو آمین
     
    • پسندیدہ پسندیدہ × 4
    • زبردست زبردست × 2
  3. ابن سعید

    ابن سعید خادم

    مراسلے:
    60,116
    خوب! ہمارے پاس بھی کچھ رپورٹ گراف ہیں جو ہم وقت وقت سے جاری کریں گے، ان شاء اللہ۔ :) :) :)
     
    • پسندیدہ پسندیدہ × 4
    • زبردست زبردست × 3
  4. عثمان

    عثمان محفلین

    مراسلے:
    9,634
    موڈ:
    Cheerful
    یہ ایک اہم نکتہ ہے۔ میں اس میں مزید اضافہ کروں گا کہ میرے جیسے لوگ جو پہلے کارآمد پھڈے بازی میں مصروف رہتے تھے اب مخولیے ہو کر رہ گئے ہیں۔ خدا جانے یہ ترقی ہے یا تنزلی۔ :rolleyes:
     
    • پر مزاح پر مزاح × 4
    • پسندیدہ پسندیدہ × 2
    • زبردست زبردست × 2
  5. محمدصابر

    محمدصابر محفلین

    مراسلے:
    7,124
    جھنڈا:
    Pakistan
    موڈ:
    Brooding
    میری دعا ہے کہ اللہ تعالی محفل کو قائم و دائم رکھیں۔ آمین
     
    • پسندیدہ پسندیدہ × 4
    • زبردست زبردست × 1
  6. اشتیاق علی

    اشتیاق علی لائبریرین

    مراسلے:
    10,994
    جھنڈا:
    Pakistan
    موڈ:
    Breezy
    اردو محفل کی ٹیم کو اور اہل محفل کو ڈھیروں مبارک باد۔
    اللہ پاک سے دعا ہے کہ اردو محفل یونہی مسکراہٹیں بکھیرتی رہے۔ آمین۔
     
    • پسندیدہ پسندیدہ × 3
    • زبردست زبردست × 1
    • متفق متفق × 1
  7. ابن سعید

    ابن سعید خادم

    مراسلے:
    60,116
    مقام فکر ہے!!! :) :) :)
     
    • پسندیدہ پسندیدہ × 2
    • زبردست زبردست × 1
    • دوستانہ دوستانہ × 1
  8. محمد بلال اعظم

    محمد بلال اعظم لائبریرین

    مراسلے:
    10,219
    جھنڈا:
    Pakistan
    موڈ:
    Angelic
    اسی خوشی میں مَیں بغیر جوابات پڑھے سب کو "زبردست" کی ریٹنگ دوں گا آخر کو میں فورم کا سب سے چھوٹا ایکٹو ممبر ہوں۔
    عمر میں چھوٹے اگر ہوں گے تو کیا نام نہ ہو گا
     
    • پسندیدہ پسندیدہ × 4
  9. محمد بلال اعظم

    محمد بلال اعظم لائبریرین

    مراسلے:
    10,219
    جھنڈا:
    Pakistan
    موڈ:
    Angelic
    سب کو بہت بہت مبارک ہوں
     
    • پسندیدہ پسندیدہ × 1
  10. محمد وارث

    محمد وارث لائبریرین

    مراسلے:
    24,761
    جھنڈا:
    Pakistan
    موڈ:
    Depressed
    زندہ باد اے اردو محفل :)
     
    • پسندیدہ پسندیدہ × 1
    • زبردست زبردست × 1
  11. زبیر حسین

    زبیر حسین محفلین

    مراسلے:
    584
    جھنڈا:
    Pakistan
    موڈ:
    Brooding
    ارود محفل تیرا کیا کہنا۔۔:bighug:
     
    • پسندیدہ پسندیدہ × 1
    • زبردست زبردست × 1
    • متفق متفق × 1
  12. محمد بلال اعظم

    محمد بلال اعظم لائبریرین

    مراسلے:
    10,219
    جھنڈا:
    Pakistan
    موڈ:
    Angelic
    تُو چاند ستاروں کا گہنا
     
  13. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    سب تجھ پہ جان چھڑکتے ہیں
    بھیا ہو جو بھی یا بہنا ا
     
    • پسندیدہ پسندیدہ × 1
    • زبردست زبردست × 1
  14. شمشاد

    شمشاد لائبریرین

    مراسلے:
    200,087
    جھنڈا:
    Pakistan
    موڈ:
    Relaxed
    اردو محفل کےسبھی اراکین مبارک باد کے مستحق ہیں۔
     
    • متفق متفق × 2
    • زبردست زبردست × 1
  15. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    ہم سب کو بہت بہت مبارکباد ہو :)
     
    • پسندیدہ پسندیدہ × 1
    • زبردست زبردست × 1
  16. محمد خلیل الرحمٰن

    محمد خلیل الرحمٰن مدیر

    مراسلے:
    7,119
    جھنڈا:
    Pakistan
    موڈ:
    Festive
    بہت خوبصورت نبیل بھائی
    تمام محفلین کو بہت بہت مبارک ہو
     
    • پسندیدہ پسندیدہ × 1
    • زبردست زبردست × 1
  17. عمر سیف

    عمر سیف محفلین

    مراسلے:
    36,606
    جھنڈا:
    Pakistan
    موڈ:
    Where
    مبروک نبیل اینڈ ٹیم ۔۔۔
     
    • زبردست زبردست × 1
  18. حسیب نذیر گِل

    حسیب نذیر گِل محفلین

    مراسلے:
    7,241
    جھنڈا:
    Pakistan
    موڈ:
    Innocent
    :great::good::zabardast1:
     
    • زبردست زبردست × 1
  19. شعیب سعید شوبی

    شعیب سعید شوبی محفلین

    مراسلے:
    2,065
    جھنڈا:
    Pakistan
    موڈ:
    Brooding
    زبردست!۔۔۔۔۔سبھی محفلین کو بہت بہت مبارکباد۔۔۔۔!!! :dancing:
     
    • زبردست زبردست × 1
  20. MughalS

    MughalS محفلین

    مراسلے:
    301
    جھنڈا:
    Pakistan
    موڈ:
    sunshine
    سبھی محفلین کو بہت بہت مبارکباد۔۔۔۔!!!
     
    • زبردست زبردست × 1

اس صفحے کی تشہیر