تیرہویں سالگرہ محفلین کے لئے اشعار

[جاسمن]

آئیے محفین ایک دوسرے کے اُن کی شخصیت کے حساب سے اشعار پیش کریں۔
زیک کے لئے لازمی ہے کہ وہ کم از کم پانچ محفلین کے لئے اشعار بھیجیں گے۔

 

[جاسمن]

@اے خان کے لئے

بی.اے. بھی پاس ہوں ملے بی بی بھی دل پسند

محنت کی ہے وہ بات یہ قسمت کی بات ہے

اکبر الہ آبادی

 

[جاسمن]

@وارث کے لئے


ہے کامیابیٔ مرداں میں ہاتھ عورت کا

مگر تو ایک ہی عورت پہ انحصار نہ کر

عزیز فیصل

 

[زیک]

زیک کے لئے لازمی ہے کہ وہ کم از کم پانچ محفلین کے لئے اشعار بھیجیں گے۔

مجھے جو شاعری یاد ہے وہ محفلین پر فٹ نہیں بیٹھے گی

 

[محمد تابش صدیقی]

مجھے جو شاعری یاد ہے وہ محفلین پر فٹ نہیں بیٹھے گی

انتظامیہ پر ہی فٹ کر دیں۔

 

[زیک]

انتظامیہ پر ہی فٹ کر دیں۔

محفل کی فکر کر ناداں مصیبت آنے والی ہے
تری بربادیوں کے مشورے ہیں آسمانوں میں

 

[جاسمن]

نیرنگ خیال
آنکھوں کو کیسے مل سکے خوابوں پہ اختیار
قوسِ قزح کے رنگ کہیں ٹھہرتے نہیں
منظر بدلتے جاتے ہیں نظروں کے ساتھ ساتھ
جیسے کہ ایک دشت میں لاکھوں سراب ہوں
جیسے کہ اک خیال کی شکلیں ہوں بے شمار
امجد اسلام امجد

 

[جاسمن]

فرقان احمد
مجھے اچھانہیں لگتاہے نمایاں ہونا
ورنہ شہرت تو کئی دن سے مر ی تاک میں ہے

 

[زیک]

اور یہ کسی کے نام:

سب خلقِ خدا سے بیگانہ، وہ مست قلندر دیوانہ
بیٹھا تھا جوگی مستانہ، آنکھوں میں مستی چھائی تھی

 

[نور وجدان]

اور یہ کسی کے نام:

سب خلقِ خدا سے بیگانہ، وہ مست قلندر دیوانہ
بیٹھا تھا جوگی مستانہ، آنکھوں میں مستی چھائی تھی

نام کے بنا کیا ڈیڈیکیشن ہے واہ واہ

 

[جاسمن]

اور یہ کسی کے نام:

سب خلقِ خدا سے بیگانہ، وہ مست قلندر دیوانہ
بیٹھا تھا جوگی مستانہ، آنکھوں میں مستی چھائی تھی

زیک ! مجھے خوشی ہوئی کہ آپ نے ایک شعر بھیجا۔ اور بہت خوبصورت شعر ہے۔
خوش رہیں!

 

[زیک]

زیک ! مجھے خوشی ہوئی کہ آپ نے ایک شعر بھیجا۔ اور بہت خوبصورت شعر ہے۔
خوش رہیں!

لیکن میں نے تو دو شعر پوسٹ کئے

 

[محمد تابش صدیقی]

تمام محفلین بہنوں کے نام

اے ماؤ! بہنو! بیٹیو! دنیا کی عزت تم سے ہے
ملکوں کی بستی ہو تمہی، قوموں کی عزت تم سے ہے​

 

[جاسمن]

لیکن میں نے تو دو شعر پوسٹ کئے

دوسرا اب پڑھا ہے۔

 

[زیک]

دوسرا اب پڑھا ہے۔

یعنی علامہ کے شعر کو لفٹ ہی نہیں

 

[جاسمن]

جیہ کے لئے
جو بات نہیں کرتے
اُن بولتے رنگوں میں
میں نے تمہیں سوچا ہے
جو دِل سے گذرتے ہیں
اُن اجنبی رستوں میں
میں نے تمہیں دیکھا ہے


کہنے کے لئے تم سے
باتیں تو بہت سی ہیں
الفاظ نہیں ملتے
جو میری نظر میں ہیں
اس شہر کے باغوں میں
وہ پھول نہیں کھلتے


میں نے تمہیں جانا ہے
اِظہار کے رشتوں سے
اس طرح جدا ہوکے
جس طرح کوئی بندہ
دھرتی پہ نظر ڈالے
اک بار فدا ہوکے

 

[مریم افتخار]

محفل کی فکر کر ناداں مصیبت آنے والی ہے
تری بربادیوں کے چرچے ہیں آسمانوں میں

آپ کی طرف سے شعر آیا، خوشی آئی!
مگر خاصا ان فٹ ہے، ورک آؤٹ کروا کے وزن کم کروائیں اس کا!

 

[زیک]

آپ کی طرف سے شعر آیا، خوشی آئی!
مگر خاصا ان فٹ ہے، ورک آؤٹ کروا کے وزن کم کروائیں اس کا!

ایک لفظ ٹھیک کر دیا ہے۔ ایک جان بوجھ کر بدلا ہے۔ مزید کوئی گڑبڑ ہے تو علامہ سے رابطہ کریں

 

[جاسمن]

نایاب بھائی کے لئے
ہر لفظ میں محبت،ہر لفظ میں دعا
مقروض کردیا ہمیں تیرے خلوص نے

 

[جاسمن]

بھائی@محمد خلیل الرحمٰن کے لئے
کہیں خلوص کہیں دوستی کہیں پہ وفا
بڑے قرینے سے گھر کو سجا کے رکھتے ہیں