محبت کے موضوع پر اشعار!

[ظفری]

یہ دل کبھی نہ محبت میں کامیاب ہوا
مجھے خراب کیا، آپ بھی خراب ہوا
اجل میں، زیست میں، ترابت میں، حشر میں ظالم
تیرے ستم کے لیئے میں ہی انتخاب ہوا​

 

[عمر سیف]

وہ شخص بچھڑتے ہوئے کم بول رہا تھا
آنکھوں میں مگر ہجر کا غم بول رہا تھا
یہ تیری محبت کی کرامات ہیں فائق
شعروں میں میرے، زُلف کا خم بول رہا تھا
( شہباز رسول فائق )

 

[فرذوق احمد]

محبت کرنے والے کم نہ ہوگے
تیری محفل میں لیکن ہم نہ ہوگے
زمانے بھر کے غم یا اِک تیرا غم
یہ غم ہوگا تو کتنے غم نہ ہوگے
اگر تو اتفاقاََ مِل بھی جائے
تیری فرقت کے صدمے کم نہ ہوگے
دلوں کی اُلجھنیں بڑھتی رہے گی
اگر کچھ مشورے باہم نہ ہوگے
حفیظ اُن سے میں جتنا بدگما ہو
وہ مجھ سے اُس قدر برہم نہ ہوگے

 

[عمر سیف]

الہی زندگی یونہی محبت میں‌گزر جائے
نمازِ فجر پڑھ کر یہ دعا کرتے ہیں ہم دونوں
( حسن عباسی )

 

[نوید ملک]

محبت زندگی ٹھہری تو پھر اس کی ضمانت کیا
سو تم سے عہد کرتے ہیں نہ کچھ پیمان لیتے ہیں

 

[ڈاکٹر عباس]

ہوتي ہے اُسے آپ کي صورت سے محبت
ہو جس نے کبھي ايک نظر آپ کو ديکھا

 

[عمر سیف]

اب تک اس کی محبت کا نشہ طاری ہے
پھول باقی نہیں خشبو کا سفر جاری ہے
سحر لگتا ہے پسینے میں نہایہ ہوا جسم
یہ عجب خواب میں ڈوبی ہوئی بیداری ہے
(شہزاد احمد)

 

[راجہ صاحب]

کسی معصوم لمحے میں کسی معصوم چہرے سے
محبت کی نہیں‌ جاتی محبت ہو ہی جاتی ہے

 

[عمر سیف]

محبت کے ساغر چھلکنے لگے ہیں
وہ دل بن کے دل میں دھڑکنے لگے ہیں
(ابراھیم اشک)

 

[راجہ صاحب]

سنو ، کیسے محبت پر ہوا ایمان پھر قائم ؟
بتایا ، ایک پتھر کو بہت ناشاد دیکھا ہے

 

[تیشہ]

کھوئی کھوئی سی ۔ ۔۔ دھیمی دھیمی سی
تھوڑی انَ کہی ۔ ۔ تھوڑی مسکرُاتی
دو دلوں کی ہے اجازت ۔۔ ۔۔
میرا نام ہے محبت ۔ ۔۔

بھیگے سپنے ۔ ۔ کچی آنکھیں
چھوٹی چھوٹی دل کی باتیں ۔ ۔۔
کہتی ہے یہ زندگی ۔۔۔ کیسی ہے دیوانگی
کوئی رہتا ہے آہٹوں کے سہارے
چھوُ لوں تو سنسناہٹ ۔

سوُکھے لمحوں میں بارشوں کے کنارے
ہونٹوں پر ہے شرارت
میرا نام ہے محبت ۔ ۔۔

 

[عبدالجبار]

مجھے ہے تم سے محبت مجھے ہے تم پہ یقیں
مِری قسم کا تمہیں‌اعتبار ہو کہ نہ ہو​

 

[عمر سیف]

ہو تو کمال ربطِ محّبت کسی کے ساتھ
دل چیز کیا ہے جان بھی دے دوں خوشی کے ساتھ
دراصل آدمی نہ سمجھنا اُسے شکیل
جو آدمی وفا نہ کرے آدمی کے ساتھ
(شکیل بدایونی)

 

[عبدالجبار]

اپنا یہ حال کہ جی ہار چکے لُٹ بھی چُکے
اور محبت وہی انداز پُرانے مانگے​

 

[ڈاکٹر عباس]

دل ميں ہو سوزِ محبت کا وہ چھوٹا سا شرر
نور سے جس کے ملے رازِ حقيقت کي خبر

 

[عبدالجبار]

اے ابرِ محبت! تُو کہیں اور برس جا
میں ریت کا ٹیلا ہوں مِری پیاس بہت ہے​

 

[عمر سیف]

بےخوف و بےخطر ستم بےپناہ سے
اکثر گزر گیا ہوں محّبت کی راہ سے
منزل کی دھن میں منتِ رہبر تو ہو چکی
اب لیجئیے مشورہ کسی گم کردہ راہ سے

 

[عبدالجبار]

مَر مَر کے بنائی ہے یہ تصویرِ محبت
اب اپنے ہی ہاتھوں سے مِٹائی نہیں‌جاتی​

 

[عمر سیف]

اُس نے آنچل سے نکالی میری گُم گشتہ کتاب
اور چپکے سے محبت کا ورق موڑ دیا
ہم کو معلوم تھا انجامِ محبت ہم نے
آخری حرف سے پہلے ہی قلم توڑ دی

 

[عبدالجبار]

محبت تھی اُسے لیکن، مِرا افلاس جب دیکھا
پریشاں سی نظر آئی، وہ نازوں میں پَلی مجھ کو​