محبت کے موضوع پر اشعار!

[جاسمن]

اس نے پوچھا ہے کیا محبت ہے
اب بھلا کیا جواب دوں اس کو
ابھیشک کمار امبر

 

[طاہر شیخ]

زندگی یوں بھی کم ہے محبت کے لیے
روٹھ کر وقت گنوانے کی ضرورت کیا ہے

 

[طاہر شیخ]

زندگی کس طرح بسر ہو گی
دل نہیں لگ رہا محبت میں

جون ایلیا

 

[جاسمن]

مجھے رونا نہیں آواز بھی بھاری نہیں کرنی
محبت کی کہانی میں اداکاری نہیں کرنی
افضل خان

 

[جاسمن]

تحمل اے محبت ہجر پتھریلا علاقہ ہے
تجھے اس راستے پر تیز رفتاری نہیں کرنی
افضل خان

 

[جاسمن]

تختِ شاہی ہیچ ہو کر رہ گیا
پیار کے بندھن مگر ٹوٹے نہیں

 

[طاہر شیخ]

تمہیں اس سے محبت ہے تو ہمت کیوں نہیں کرتے
کسی دن اس کے در پہ رقص وحشت کیوں نہیں کرتے
علاج اپنا کراتے پھر رہے ہو جانے کس کس سے
محبت کر کے دیکھو نا محبت کیوں نہیں کرتے

فرحت احساس