محبتوں میں نظر سے سلام ہوتے ہیں ۔۔۔

[الشفاء]

​

خاموش لب ہیں دلوں سے کلام ہوتے ہیں​

محبتوں میں نظر سے سلام ہوتے ہیں​

​

میں تیرے در سے ذرا دور بھی نہیں جاتا​

تری گلی میں مرے صبح و شام ہوتے ہیں​

​

زباں پہ لا نہ سکیں ذکر جن کا "محفل" میں​

کچھ ایسے لوگ دلوں میں دوام ہوتے ہیں​

​

نماز روزے سے جاں جاتی ہے مگر یہ لوگ​

افطار بوفے میں حاضر تمام ہوتے ہیں​

​

تُساں کی پوسٹ میں ہوتے ہیں تیر طنزوں کے​

اساں کی پوسٹ میں لکھے سلام ہوتے ہیں​

​

تو دیکھتا ہے حقارت سے جن فقیروں کو​

انہی میں خشکی و تر کے امام ہوتے ہیں​

​

ملا لباس شرف جن سے نوع انساں کو​

وہی تو خیر بشر خیرالانام ہوتے ہیں​

​

کتاب عشق حقیقی کی لُغتیں ہیں دگر​

نہ مے یہ مے ہے نہ دراصل جام ہوتے ہیں​

​

بھرا کچھ اور ہی ہوتا ہے ان پیالوں میں​

چھُپا کے رکھنے کو اوپر یہ نام ہوتے ہیں​

​

کچھ ایسے الجھے ہیں لائف کی کشمکش میں شفا​

جو ختم کرتے ہیں دس، دس اور کام ہوتے ہیں​

​

۔۔۔​

 

[الشفاء]

اساتذہ کرام و جملہ ارباب سخن کی توجہ درکار ہے۔۔۔

 

[شوکت پرویز]

ًالسّلام علیکم الشفاء، میری کم فہمی کے مطابق میرا تجزیہ، امید ہے آپ برا نہیں مانیں گے۔

​

خاموش لب ہیں دلوں سے کلام ہوتے ہیں​

محبتوں میں نظر سے سلام ہوتے ہیں​

(خاموش کی "الف" گرا دیں تو مصرعہ وزن میں آجاتا ہے)​

​

میں تیرے در سے ذرا دور بھی نہیں جاتا​

تری گلی میں مرے صبح و شام ہوتے ہیں​

​

زباں پہ لا نہ سکیں ذکر جن کا "محفل" میں​

کچھ ایسے لوگ دلوں میں دوام ہوتے ہیں​

​

نماز روزے سے جاں جاتی ہے مگر یہ لوگ​

افطار بوفے میں حاضر تمام ہوتے ہیں​

(دوسرا مصرعہ وزن میں نہیں)​

​

تُساں کی پوسٹ میں ہوتے ہیں تیر طنزوں کے​

اساں کی پوسٹ میں لکھے سلام ہوتے ہیں​

(شاید یہ الفاظ پنجابی ہیں)​

​

تو دیکھتا ہے حقارت سے جن فقیروں کو​

انہی میں خشکی و تر کے امام ہوتے ہیں​

​

ملا لباس شرف جن سے نوع انساں کو​

وہی تو خیر بشر خیرالانام ہوتے ہیں​

(شرف کا تلفّظ "شر+ف" ہے http://www.urduencyclopedia.org/urdudictionary/index.php?title=شرف)​

​

کتاب عشق حقیقی کی لُغتیں ہیں دگر​

نہ مے یہ مے ہے نہ دراصل جام ہوتے ہیں​

(پہلا مصرعہ وزن سے باہر ہے)​

​

بھرا کچھ اور ہی ہوتا ہے ان پیالوں میں​

چھُپا کے رکھنے کو اوپر یہ نام ہوتے ہیں​

​

کچھ ایسے الجھے ہیں لائف کی کشمکش میں شفا​

جو ختم کرتے ہیں دس، دس اور کام ہوتے ہیں​

(دوسرا مصرعہ وزن میں نہیں)​

۔۔۔ ​

 

[شوکت پرویز]

ملا لباس شرف جن سے نوع انساں کو
وہی تو خیر بشر خیرالانام ہوتے ہیں

(دوسرا مصرعہ بھی وزن سے خارج ہے، یہ پچھلی پوسٹ میں چھٹ گیا تھا، معذرت خواہ ہوں)​

 

[امجد علی راجا]

واہ، بہت خوب غزل ہے،
چھوٹی موٹی غلطیاں درست ہو جاتی ہیں، اساتذہ اکرام تشریف لا رہے ہوں گے۔
میری طرف بھپور داد قبول فرمائیں۔
اگر مزاحیہ اشعار اس غزل سے نکال کر الگ مزاحیہ غزل لکھ لیں تو ہم محفلین کو ایک مزید اچھی غزل نصیب ہو جائے گی

 

[الشفاء]

ًالسّلام علیکم الشفاء، میری کم فہمی کے مطابق میرا تجزیہ، امید ہے آپ برا نہیں مانیں گے۔

شوکت بھائی ۔ آپ نے اپنا پہلا مراسلہ اس دھاگے کی نذر کیا، جس کے لئے بندہ بے حد مشکور ہے۔۔۔
خاموش کا الف گرانے کا خیال آیا تھا لیکن احباب کا مشورہ حاصل کرنا ضروری تھا۔۔۔
باقی اشعار کی نشاندھی پر شکرگزار ہوں۔ کچھ تجویز بھی فرما دیتے تو بہت ہی اچھا ہوتا۔۔۔
آپ کی توجہ کے لئے شکریہ۔ امید ہے کرم نوازی فرماتے رہیں گے۔۔۔

 

[الشفاء]

واہ، بہت خوب غزل ہے،
چھوٹی موٹی غلطیاں درست ہو جاتی ہیں، اساتذہ اکرام تشریف لا رہے ہوں گے۔
میری طرف بھپور داد قبول فرمائیں۔
اگر مزاحیہ اشعار اس غزل سے نکال کر الگ مزاحیہ غزل لکھ لیں تو ہم محفلین کو ایک مزید اچھی غزل نصیب ہو جائے گی

حوصلہ افزائی کے لئے بھپور شکریہ راجا صاحب۔۔۔

جی بہت اچھی تجویز ہے۔ آپ ان مزاحیہ اشعار پر ایک عدد غزل "جڑ" دیں۔ کہ آپ تو فی البدیہہ کہتے ہیں۔۔۔
جی ہاں۔ دیکھتے ہیں اساتذہ کرام کیا کہتے ہیں۔۔۔

 

[سید شہزاد ناصر]

غزل اچھی ہے
مشق اور وقت کے ساتھ ساتھ پختگی خودبخود آ جاتی ہے
باقی میں محترم شوکت پرویز اور محترم امجد علی راجا سے متفق ہوں
اللہ کرے زورِ قلم زیادہ

 

[الشفاء]

غزل اچھی ہے
مشق اور وقت کے ساتھ ساتھ پختگی خودبخود آ جاتی ہے
باقی میں محترم شوکت پرویز اور محترم امجد علی راجا سے متفق ہوں
اللہ کرے زورِ قلم زیادہ

بہت بہت شکریہ محترم شہزاد صاحب۔۔۔
خوش رہیں۔۔۔

 

[مغزل]

اچھی کاوش ہے اللہ برکتیں عطا فرمائے ، اللہ کرے زورِ قلم اور زیادہ

 

[الشفاء]

اچھی کاوش ہے اللہ برکتیں عطا فرمائے ، اللہ کرے زورِ قلم اور زیادہ

بہت شکریہ بھیا۔۔۔
اللہ عزوجل آپ کو خوش رکھے۔۔۔

 

[مہ جبین]

اساتذہ کرام کی رائے کے بغیر رائے دے رہی ہوں ، گستاخی معاف
غزل اچھی ہے بس کچھ خامیاں ہیں تو وہ اصلاح کے بعد دور ہوجائیں گی

میری ناقص ترین رائے کے مطابق
تساں کی پوسٹ میں ہوتے ہیں تیر طنزوں کے
اساں کی پوسٹ میں لکھے سلام ہوتے ہیں
تساں کی جگہ تمہاری اور اساں کی جگہ ہماری ہو تو شاید کچھ بہتر محسوس ہو
باقی خامیوں کی اصلاح تو استادِ محترم ہی کریں گے
پیشگی داد وصول کریں الشفاء

 

[نایاب]

واہہہہہہہہہ
بہت خوب کلام ہے ۔۔۔۔
زباں پہ لا نہ سکیں ذکر جن کا "محفل" میں
کچھ ایسے لوگ دلوں میں دوام ہوتے ہیں

 

[الشفاء]

اساتذہ کرام کی رائے کے بغیر رائے دے رہی ہوں ، گستاخی معاف
غزل اچھی ہے بس کچھ خامیاں ہیں تو وہ اصلاح کے بعد دور ہوجائیں گی

میری ناقص ترین رائے کے مطابق
تساں کی پوسٹ میں ہوتے ہیں تیر طنزوں کے
اساں کی پوسٹ میں لکھے سلام ہوتے ہیں
تساں کی جگہ تمہاری اور اساں کی جگہ ہماری ہو تو شاید کچھ بہتر محسوس ہو
باقی خامیوں کی اصلاح تو استادِ محترم ہی کریں گے
پیشگی داد وصول کریں الشفاء

بہت بہت شکریہ مہ جبین اپیا۔۔۔
آپ کی اصلاح نوٹ کر لی ہے۔۔۔
جزاک اللہ خیراً کثیرا۔۔۔

 

[الشفاء]

واہہہہہہہہہ
بہت خوب کلام ہے ۔۔۔ ۔
زباں پہ لا نہ سکیں ذکر جن کا "محفل" میں
کچھ ایسے لوگ دلوں میں دوام ہوتے ہیں

نایاب بھیا۔۔۔ آپ نے تبصرہ فرمایا۔جس کے لئے نہائت مشکور ہوں۔۔۔
اللہ عزوجل آپ کو خوش و خرم رکھے۔۔۔

 

[شوکت پرویز]

شوکت بھائی ۔ آپ نے اپنا پہلا مراسلہ اس دھاگے کی نذر کیا، جس کے لئے بندہ بے حد مشکور ہے۔۔۔
خاموش کا الف گرانے کا خیال آیا تھا لیکن احباب کا مشورہ حاصل کرنا ضروری تھا۔۔۔
باقی اشعار کی نشاندھی پر شکرگزار ہوں۔ کچھ تجویز بھی فرما دیتے تو بہت ہی اچھا ہوتا۔۔۔
آپ کی توجہ کے لئے شکریہ۔ امید ہے کرم نوازی فرماتے رہیں گے۔۔۔

مسرّت ہوئی کہ آپ نے مجھ ناچیز کی بات کا برا نہیں مانا۔
کہاں آپ نے مجھ سے یہ امید کر لی کہ میں کچھ "تجویز" کرنے کا اہل ہوں۔
"کہاں اشعار کی تصحیح یارو اور کہاں شوکت"
میری اتنی وقعت اور حیثیت نہیں کہ میں اس سے آگے کچھ کہہ سکوں۔
صرف وزن کی بابت تھوڑا بہت کچھ بتا پایا کونکہ وہ مجھے آسان لگتا ہے۔

مجھے لگتا ہے کو اگر (نئے) شاعر کو وزن بتا دیا جائے اور کسی استاد شاعر کا اسی وزن میں ایک شعر تقطیع کر کے دکھلا دیا جائے تو معاملہ تھوڑا آسان ہو جائے۔

آپ کی غزل کا وزن:
فعول فاعلتن فاعلات مفعولن
121 2112 1212 222

اس وزن میں استاد غالب کا ایک شعر:
ہر ایک بات پہ کہتے ہو تم کہ تو کیا ہے
تمہیں کہو کہ یہ انداذ گفتگو کیا ہے

ہ ر(ا)ی ک با ت پ(ہ) کہہ تے ہ(و) تم ک(ہ) تو ک(ی)ا ہے
ف عو ل فا ع ل تن فا ع لا ت مف عو لن
() کے حروف تقطیع میں شمار نہیں ہو رہے (یا شاعر نے انہیں گرایا ہے)

اب آپ خود اس بنا پر اپنی غزل کی تقطیع کی کوشش کریں۔

شکریہ!!

 

[مہ جبین]

بہت بہت شکریہ مہ جبین اپیا۔۔۔
آپ کی اصلاح نوٹ کر لی ہے۔۔۔
جزاک اللہ خیراً کثیرا۔۔۔

ارے بھائی ناقص رائے کو اصلاح کہہ کر شرمندہ نہ کیا جائے

 

[الشفاء]

ارے بھائی ناقص رائے کو اصلاح کہہ کر شرمندہ نہ کیا جائے

پیاری آپی۔ موزوں الفاظ تجویز کرنے کو ہی تو اصلاح کہتے ہیں۔ جو کہ آپ نے فرمائی۔۔۔

 

[الشفاء]

مسرّت ہوئی کہ آپ نے مجھ ناچیز کی بات کا برا نہیں مانا۔
کہاں آپ نے مجھ سے یہ امید کر لی کہ میں کچھ "تجویز" کرنے کا اہل ہوں۔
"کہاں اشعار کی تصحیح یارو اور کہاں شوکت"
میری اتنی وقعت اور حیثیت نہیں کہ میں اس سے آگے کچھ کہہ سکوں۔
صرف وزن کی بابت تھوڑا بہت کچھ بتا پایا کونکہ وہ مجھے آسان لگتا ہے۔

مجھے لگتا ہے کو اگر (نئے) شاعر کو وزن بتا دیا جائے اور کسی استاد شاعر کا اسی وزن میں ایک شعر تقطیع کر کے دکھلا دیا جائے تو معاملہ تھوڑا آسان ہو جائے۔

آپ کی غزل کا وزن:
فعول فاعلتن فاعلات مفعولن
121 2112 1212 222

اس وزن میں استاد غالب کا ایک شعر:
ہر ایک بات پہ کہتے ہو تم کہ تو کیا ہے
تمہیں کہو کہ یہ انداذ گفتگو کیا ہے

ہ ر(ا)ی ک با ت پ(ہ) کہہ تے ہ(و) تم ک(ہ) تو ک(ی)ا ہے
ف عو ل فا ع ل تن فا ع لا ت مف عو لن
() کے حروف تقطیع میں شمار نہیں ہو رہے (یا شاعر نے انہیں گرایا ہے)

اب آپ خود اس بنا پر اپنی غزل کی تقطیع کی کوشش کریں۔

شکریہ!!

بھائی جان۔۔۔ ہم تو ممنون احسان ہیں بھلا ناراض کیوں ہوں گے۔۔۔
فعل فعلا فعلو کی گردان تو بہت یاد کی تھی اسکول کے زمانے میں۔ لیکن یہ فعول فعلن مفعولن سے جان جاتی ہے اپنی ۔ اور شائد یہی وجہ ہے اپنی نالائقی کی۔۔۔
اب آپ جیسے لوگوں کا ساتھ رہے گا تو شائد کچھ سدھ بدھ آ جائے۔۔۔
نہائت مشکور۔۔۔

 

[شوکت پرویز]

الفاظ خلط ملط ہو گئے ہیں،شاید اس سے کچھ آسانی ہو!!

ہ | ر(ا)ی | ک || با | ت | پ(ہ) || کہہ | تے | ہ(و) | تم | ک(ہ) || تو | ک(ی)ا | ہے
ف | عو | ل || فا | ع | ل | تن || فا | ع | لا | ت || مف | عو | لن
1 | 2 | 1 || 2 | 1 | 1 | 2 || 2 | 1 | 2 | 1 || 2 | 2 | 2
() کے حروف تقطیع میں شمار نہیں ہو رہے (یا شاعر نے انہیں گرایا ہے)


شکریہ!![/quote]