مجید امجد

شعیب اصغر نے 'پسندیدہ کلام' کی ذیل میں اس موضوع کا آغاز کیا، ‏نومبر 2, 2013

  1. شعیب اصغر

    شعیب اصغر محفلین

    مراسلے:
    41
    جھنڈا:
    Pakistan
    موڈ:
    Relaxed
    جب اک چراغ راہگزار کی کرن پڑے
    ہونٹوں کی لو لطیف حجابوں سے چھن پڑے

    شاخِ ابد سے جھڑتے زمانوں کا روپ ہیں
    یہ لوگ جن کے رخ پہ گمانِ چمن پڑے

    تنہا گلی، ترے مرے قدموں کی چاپ، رات
    ہر سو وہ خامشی کہ نہ تابِ سخن پڑے

    یہ کس دیار کی ٹھنڈی ہوا چلی
    ہر موجہء خیال پہ صد ہا شکن پڑے

    جب دل کی سل پہ بج اٹھے نیندوں کا آبشار
    نادیدہ پائلوں کی جھنک جھن جھنن پڑے

    یہ چاندنی یہ بھولی ہوئی چاہتوں کا دیس
    گزروں تو رشحہء عطرِ سمن پڑے

    یہ کون ہے لبوں میں رسیلی رتیں گھلیں
    پلکوں کی اوٹ نیند میں گلگوں گگن پڑے

    اک پل بھی کوئے دل میں نہ ٹھہرا وہ رہ نورد
    اب جس کے نقشِ کفِ پا ہیں چمن در چمن پڑے

    اک جست اس طرف بھی غزال زمانہ رقص
    رہ تیری دیکھتے ہیں خطا و ختن پڑے

    جب انجمن تموجِ صد گفتگو میں ہو
    میری طرف بھی اک نگہ کم سخن پڑے

    صحرائے زندگی میں جدھر بھی قدم اٹھیں
    رستے میں ایک آرزوؤں کا چمن پڑے

    اس جلتی دھوپ میں یہ گھنے سایہ دار پیڑ
    میں اپنی زندگی انہیں دے دوں جو بن پڑے

    اے شاطرِ ازل ترے ہاتھوں کو چوم لوں
    قرعے میں میرے نام جو دیوانہ پن پڑے

    اے صبح دیر خیز انھیں آواز دے جو ہیں
    اک شام زود خواب کے سکھ میں مگن پڑے

    اک تم کہ مرگ دل کے مسائل میں جی گئے
    اک ہم کہ ہیں بہ کشمکش جان و تن پڑے
    ٴ
    امجد طریق مے میں ہے یہ احتیاط شرط
    اک داغ بھی کہیں نہ سرِ پیرہن پڑے

    مجید امجد
     
    • پسندیدہ پسندیدہ × 3
    • زبردست زبردست × 1
  2. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    بہت عمدہ انتخاب۔۔۔ بہت شکریہ جناب
    جزاکم اللہ خیرا۔:)

    (ٹائپنگ کی کچھ اغلاط ہیں)
     
  3. الف عین

    الف عین لائبریرین

    مراسلے:
    35,863
    جھنڈا:
    India
    موڈ:
    Psychedelic
    مجید امجد کا تو لاحقہ موجود ہے نا؟ کوئی منتظم اس کا اضافہ کر دیں
     
    • پسندیدہ پسندیدہ × 1
  4. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed

اس صفحے کی تشہیر