جوش مجھے تیری نعمتوں کی خواہش نہیں ۔ ۔ ۔ جوش ملیح آبادی

[شاہ حسین]

مجھے تیری نعمتوں کی خواہش نہیں


بے تعلق ہوں دین و دنیا سے
حُبِّ ثروت نہ فکرِ جنت ہے

نہ مجھے شوق صبح آسائش
نہ مجھے ذوقِ شامِ عشرت ہے

نہ تو حور و قصور پر مائل
نہ تو ساقی و مے سے رغبت ہے

نہ تقاضائے منصب و جاگیر
نہ تمنائے شان و شوکت ہے

"کچھ مجھے تیرے در سے مل جائے"
کسی منافق کو اس کی حدّت ہے

کیا کروں گا میں نعمتیں لے کر
میری ہر سانس ایک نعمت ہے

تجھ پہ روشن ہے مرے مولا
کہ مرے دل میں سوزِ وحدت ہے

"تیرے انعام " کی نہیں خوہش
بلکہ مجھ کو "تری " ضرورت ہے !!!

جوش ملیح آبادی

رُوحِ ادب




45

 

[فاتح]

"تیرے انعام " کی نہیں خواہش
بلکہ مجھ کو "تری " ضرورت ہے !​

سبحان اللہ! سبحان اللہ! یہ خوبصورت کلام شریک محفل کرنے پر بے حد شکریہ! ایک آدھ مقام پر ٹائپنگ کی اغلاط پر نظر ثانی درکار ہے۔ مثلاً

کسی منافق کو اس کی حدّت ہے
اور
تجھ پہ روشن ہے مرے مولا​

 

[محمد وارث]

شکریہ شاہ صاحب خوبصورت کلام شیئر کرنے کیلیے!

 

[فرخ منظور]

بہت خوب! شکریہ شاہ جی!

 

[حسان خان]

بے تعلق ہوں دین و دنیا سے​

حبِّ ثروت نہ فکرِ جنت ہے​

​

نہ مجھے شوقِ صبحِ آسائش​

نہ مجھے ذوقِ شامِ عشرت ہے​

​

نہ تو حور و قصور پر مائل​

نہ تو ساقی و مے سے رغبت ہے​

​

نہ تقاضائے منصب و جاگیر​

نہ تمنائے شان و شوکت ہے​

​

"کچھ مجھے تیرے در سے مل جائے"​

کس منافق کو اس کی حسرت ہے​

​

کیا کروں گا میں نعمتیں لے کر​

میری ہر سانس ایک نعمت ہے​

​

تجھ پہ روشن ہے اے مرے مولا​

کہ مرے دل میں سوزِ وحدت ہے​

​

"تیرے انعام" کی نہیں خواہش​

بلکہ مجھ کو 'تری' ضرورت ہے!!!​

​

(جوش ملیح آبادی)​

 

[ام نور العين]

اس انتخاب اور شراکت کے لیے شکریہ ، لیکن جوش کا یہ فلسفہ تحقیق کا محتاج ہے

"کچھ مجھے تیرے در سے مل جائے"
کس منافق کو اس کی حسرت ہے

جس ذات باری نے خود ہمیں مانگنا سکھایا ہے اس نے دعا کو نفاق کی بجائے ایمان کی علامت بتایا ہے ۔

کیا کروں گا میں نعمتیں لے کر
میری ہر سانس ایک نعمت ہے

بلاشک ، ایسی نعمت جس کا شکر ممکن نہیں ۔