کاشفی
محفلین
مجاہدینِ بلوچستان
(مولانا ظفر علی خاں - 1934ء )
مردانِ مجاہد ہیں گردانِ بلوچستان
دبتے نہیں باطل سے شیرانِ بلوچستان
جس وقت سے قاسم نے گاڑا ہے یہاں جھنڈا
لغزش میں نہیں آیا ایمانِ بلوچستان
کیا لائیں گے خاطر میں خُم خانہء لندن کو
مست مَے یثرب ہیں رندانِ بلوچستان
خونِ رگِ بطحا سے پُہنچا جو یہاں بہہ کر
گُل رنگ ابھی تک ہیں میدانِ بلوچستان
ہیں اُس کے زعیموں میں کُرد اور اچک زائی
وہ شانِ بلوچستان یہ آنِ بلوچستان
آزادیء کامل پر حق ہے بدویّت کا
اور یہ بدویّت ہے سامانِ بلوچستان
وہ وقت بھی آتا ہی دیکھو گے ان آنکھوں سے
دارا و سکندر کو دربانِ بلوچستان
اسلام کی عزت پر سو جان سے قرباں ہے
ملّت کو نہ بھولے گا احسانِ بلوچستان
ہے ذوقِ سخن جو کو سن کر اسے کہہ دیں گے
یہ نظم مرصّع تھی شایانِ بلوچستان!
(مولانا ظفر علی خاں - 1934ء )
مردانِ مجاہد ہیں گردانِ بلوچستان
دبتے نہیں باطل سے شیرانِ بلوچستان
جس وقت سے قاسم نے گاڑا ہے یہاں جھنڈا
لغزش میں نہیں آیا ایمانِ بلوچستان
کیا لائیں گے خاطر میں خُم خانہء لندن کو
مست مَے یثرب ہیں رندانِ بلوچستان
خونِ رگِ بطحا سے پُہنچا جو یہاں بہہ کر
گُل رنگ ابھی تک ہیں میدانِ بلوچستان
ہیں اُس کے زعیموں میں کُرد اور اچک زائی
وہ شانِ بلوچستان یہ آنِ بلوچستان
آزادیء کامل پر حق ہے بدویّت کا
اور یہ بدویّت ہے سامانِ بلوچستان
وہ وقت بھی آتا ہی دیکھو گے ان آنکھوں سے
دارا و سکندر کو دربانِ بلوچستان
اسلام کی عزت پر سو جان سے قرباں ہے
ملّت کو نہ بھولے گا احسانِ بلوچستان
ہے ذوقِ سخن جو کو سن کر اسے کہہ دیں گے
یہ نظم مرصّع تھی شایانِ بلوچستان!