لفظ الو پر اشعار

[سیما علی]

وہ بوم بھی ہے ایسے ویرانے کا باشندہ
تھا برسوں ھما جس کے ایواں کا پرستندہ

(لبیب تیموری)

 

[سیما علی]

شیر افگنی اثر ہے میری مرز بوم کا
بہر عدو نہنگ ہوں میں بحر روم کا

(شمیم)

 

[سیما علی]

یا علی ، یا ایلیا ، یا بوالحسن ، یا بوتراب
حلّ ِ مشکل ، سرورِ دیں ، شافعِ یوم الحساب

(میر)

 

[سیما علی]

ہاے لینے نہ دیا نام عدو غیرت نے
ورنہ کیا کیا مرے ویرانے میں تھی کثرت بوم

(مومن)

 

[سیما علی]

جو بوم پر نہیں راضی تو کیا ہے مجھکو ڈھیل
میں کاکا کوا اسے کر دوں یا بنا دوں چیل

(سودا)

 

[فاخر رضا]

یاعلی یا ایلیا یا بوالحسن یا بوتراب
حل مشکل سرور دیں شافع بوم الحساب

(میر)

خدا کو مانیں
یہ یوم الحساب ہے

 

[سیما علی]

خدا کو مانیں
یہ یوم الحساب ہے

بہت شکریہ تصیح کر دی ہے

 

[سیما علی]

خدا کو مانیں
یہ یوم الحساب ہے

یہ غلطی سے یہاں لکھ گیا ۔۔۔

 

[شمشاد]

معلوم نہيں ، ہے يہ خوشامد کہ حقيقت
کہہ دے کوئي الو کو اگر 'رات کا شہباز
علامہ اقبال

 

[شمشاد]

اور پولیس کہتے ہی میرے ساتھ آتھانے میں چلی
جیب کہتی ہے ابے الو یہاں سے بھاگ جگا
دلاور فگار

 

[شمشاد]

قدر دانوں کی طبیعت کا عجب رنگ ہے آج
بلبلوں کو ہے یہ حسرت کہ وہ الو نہ ہوئے
عبد الماجد دریابادی

 

[شمشاد]

جگاؤ مت اسے فرحتؔ
یہ الو شب کا جاگا ہے
عمر فرحت

 

[شمشاد]

کس طرح طالع عدو ہو سعد
کس طرح الو ہو ہما ہمدم
حاتم علی مہر

 

[شمشاد]

میں نے یہ کہا کب کہ منانے کے لیے آ
مجھ کاٹھ کے الو کو پھنسانے کے لیے آ
محمد یوسف پاپا

 

[شمشاد]

احمقوں کو اور بھی الو بنانے کے لیے
آئے ہیں دنیا میں جو سٹا بتانے کے لیے
اظہار ملیح آبادی

 

[شمشاد]

ایسے ایسے گل کھلائے اس بت گلفام نے
مرغ کو الو بنا دیتی تھی میرے سامنے
خالد عرفان

 

[شمشاد]

ہم تو الو ہیں تری دھونس میں رہتے ہی رہے
جس طرف تو نے کہا جوش میں بہتے ہی رہے
نظر برنی

 

[شمشاد]

پورا چاند نکلتا ہے تو بھیڑیا اکثر روتا ہے
رات کو کتا بھوں بھوں کرتا دن کو الو سوتا ہے
جمیل عثمان

 

[شمشاد]

گرم لوہے سے تمہارے جسم داغے جائیں گے
تم کو کوڑے مار کر الو بنایا جائے گا
احمق پھپھوندوی

 

[شمشاد]

وہ قلی تھا یا تھا کوئی کاٹھ کا الو مرید
پیٹھ پر لادے ہوئے جو شیخ کا اسباب تھا
ہاشم عظیم آبادی