لال بجھکڑ از سعید لخت

[فرخ منظور]

لال بجھکڑ​

لال بجھکڑ نام تھا اُن کا
ناچ اور گانا کام تھا اُن کا

اِک دن وہ شامت کے مارے
جاپہنچے اِک جھیل کنارے

سوچا، بیٹھوں، کچھ سستا لوں
تاک دِھنا دِن ٹھمری گا لوں

لمبے لمبے دانتوں والا
ایک مگرمچھ کالا کالا

بڑے بڑے سے جبڑے کھولے
پاس وہ آیا، ہولے ہولے

بولا "آؤ لال بجھکڑ
بیٹھو، کھاؤ گھی اور شکّر"

تھر تھر کانپے، تھر تھر لرزے
لال بجھکڑ خوف سے، ڈر سے

حال جب اُن کا دیکھا پتلا
ہنسا مگرمچھ اور یوں بولا

"جو تُم یوں ہی جھجکے بھائی
کی بس تُم نے خوب کمائی"

"لو اب اپنا ساز اٹھاؤ
کوئی سریلی تان اڑاؤ"

لال بجھکڑ خوف کے مارے
بھول گئے "دھا پا ما گا رے"

ڈرتے ڈرتے ساز اُٹھایا
اور اِک میٹھا راگ بجایا

آئی مگر مچھ کی اب باری
ناچ کی اُس نے کی تیّاری

دُم کو اٹھایا، سر کو جھکایا
ٹھُم مَک ٹھُم مَک ناچ دکھایا

ناچ میں یوں اس کو الجھا کر
لال بجھکڑ موقع پا کر

سَرپٹ، بگ ٹُٹ ایسے بھاگے
سانس لیا گھر پر ہی آ کے

"جان بچی سو لاکھوں پائے
خیر سے بُدّھو گھر کو آئے"​

میری آواز میں نظم لال بجھکڑ

 

[عمار ابن ضیا]

شکریہ فرخ بھائی۔۔۔۔ بہت اچھی اور دلچسپ نظم ہے۔

 

[الف نظامی]

لیجیے عمار!
ایک اور متحرک نظم کے لیے مواد مل گیا آپ کو۔

 

[فرخ منظور]

اگر عمار یا شعیب صاحب اس نظم کو متحرک بنانا چاہتے ہیں تو ان کے آئیڈیے کے لئے اس نظم کی تصویریں بھی پوسٹ کر سکتا ہوں جو کہ مجھے بہت پسند ہیں اور بہت اچھے تخیّل سے بنائی گئی ہیں ۔

 

[فرخ منظور]

میری آواز میں نظم لال بجھکڑ

 

[الف نظامی]

اگر عمار یا شعیب صاحب اس نظم کو متحرک بنانا چاہتے ہیں تو ان کے آئیڈیے کے لئے اس نظم کی تصویریں بھی پوسٹ کر سکتا ہوں جو کہ مجھے بہت پسند ہیں اور بہت اچھے تخیّل سے بنائی گئی ہیں ۔

سخنور آپ وہ تصاویر ضرور پوسٹ کیجیے۔

 

[عمار ابن ضیا]

واہ بھئی واہ فرخ بھائی! آپ کی آواز میں یہ نظم سن کر مزا آگیا۔۔۔ کہانی کے مطابق انداز اور ادائیگی کی ہے۔۔۔ آپ تصاویر ضرور پوسٹ کریں۔۔۔ اینی میشن بنی تو آپ ہی کی آواز میں ساؤنڈ ٹریک لیں گے۔

 

[فرخ منظور]

واہ بھئی واہ فرخ بھائی! آپ کی آواز میں یہ نظم سن کر مزا آگیا۔۔۔ کہانی کے مطابق انداز اور ادائیگی کی ہے۔۔۔ آپ تصاویر ضرور پوسٹ کریں۔۔۔ اینی میشن بنی تو آپ ہی کی آواز میں ساؤنڈ ٹریک لیں گے۔

بہت شکریہ عمار بھائی! میں جلد ہی تصاویر بھی پوسٹ کرتا ہوں۔

 

[محمد نعمان]

بہت خوب!!!!!!!!!!!!!!!!!!!!!!

 

[فرخ منظور]

بہت خوب!!!!!!!!!!!!!!!!!!!!!!

بہت شکریہ! نعمان صاحب۔

 

[الف عین]

بہت خوب۔۔ اچھی نظم ہے، اور اینی میشن بھی بن جائے تو کیا کہنا۔۔

 

[فرخ منظور]

بہت خوب۔۔ اچھی نظم ہے، اور اینی میشن بھی بن جائے تو کیا کہنا۔۔

بہت شکریہ!

 

[محمد وارث]

میری آواز میں نظم لال بجھکڑ

اجی واہ حضرت، بہت خوب! ریڈیو پاکستان کی سہانی یادیں تازہ ہو گئیں

 

[فرخ منظور]

اجی واہ حضرت، بہت خوب! ریڈیو پاکستان کی سہانی یادیں تازہ ہو گئیں

بہت شکریہ ۔ وارث صاحب سوچ رہا ہوں اپنا ریڈیو سٹیشن بھی شروع کرلوں۔

 

[محمد وارث]

ہاں جلد از جلد کریں یہ نیکی کا کام

 

[عمار ابن ضیا]

بہت شکریہ ۔ وارث صاحب سوچ رہا ہوں اپنا ریڈیو سٹیشن بھی شروع کرلوں۔

مجھے اس قافلے میں ضرور ساتھ لیجئے گا۔

 

[فرخ منظور]

مجھے اس قافلے میں ضرور ساتھ لیجئے گا۔

ضرور عمار بھائی آپ تو گوشہء اطفال کے انچارچ ہوں گے۔

 

[فرحت کیانی]

واہ بھئی واہ فرخ بھائی! آپ کی آواز میں یہ نظم سن کر مزا آگیا۔۔۔ کہانی کے مطابق انداز اور ادائیگی کی ہے۔۔۔ آپ تصاویر ضرور پوسٹ کریں۔۔۔ اینی میشن بنی تو آپ ہی کی آواز میں ساؤنڈ ٹریک لیں گے۔

عمار! اگلا پراجیکٹ جلدی شروع کریں

 

[فرحت کیانی]

بہت خوب۔
سخنور! اب حسن کوزہ گر والی آڈیو کا انتظار ہے

 

[فرخ منظور]

بہت خوب۔
سخنور! اب حسن کوزہ گر والی آڈیو کا انتظار ہے

بہت شکریہ فرحت! جلد ہی وہ نظم بھی پیش کرتا ہوں۔