تاسف فاتح صاحب کی صحت یابی کے لیے دعا

[فرخ منظور]

اردو محفل کے ہر دل عزیز رکن فاتح صاحب آج کل صاحب فراش ہیں - دعا ہے کہ خدا انہیں جلد صحتِ کاملہ عطا کرے اور وہ جلد سے جلد اپنی روزِ مرّہ کی مصروفیات میں پہلے کی طرح شامل ہو سکیں - آمین!

 

[مون]

خدا انہیں جلد صحت عطا کرے
آمین

 

[محمد وارث]

فاتح صاحب مجھے بہت افسوس ہو رہا ہے آپ کی علالت کا سن کر، میں اللہ تعالٰی سے دعا گو ہوں کہ آپ کو جلد از جلد صحتِ کاملہ عطا فرمائیں، آمین یا رب العالٰمین۔

 

[زینب]

اوہ ہو۔۔۔۔۔۔۔۔۔فاتح بھائی یہاں بھی‌خبر پہنچ گئی۔۔۔۔۔چلیں جلدی سے بخار کو اتار پھینکیں۔۔۔۔۔۔۔۔۔۔۔۔۔

 

[سیدہ شگفتہ]

اوہ نو فاتح بھائی طبیعت کیوں خراب کر لی آپ نے وہ بھی ماہم کے ہوتے ہوئے ، آپ بس زیادہ سے زیادہ وقت ماہم سے باتیں کیا کیجیے بالکل ٹھیک ہو جائیں گے !

 

[خرم شہزاد خرم]

اللہ اللہ فاتح صاحب کیا ہو گیا آپ کو مجھے سن کر تو بہت دکھ ہوا آپ کی طبعیت اب کسی ہے میری دعا ہے اللہ تعالیٰ جان جی آپ ر خاض کرم فرمائیں اور آپ کو جلد صحت عطا فرمائیں تانکہ ہم جلد سے جلد محفل میں آ جائے

 

[الف عین]

اللہ تعالیٰ فاتح کو ان کی بیماری پر جلد فتح یاب کرے۔ آمین
شگف۔۔۔ یہ اندر کی کیا بات ہے؟

 

[سیدہ شگفتہ]

اعجاز انکل ماہم کا پوچھ رہے ہیں ۔ ماہم (اگر میں نام نہیں بھول رہی) فاتح بھائی کی بہت ہی پیاری سی چھوٹی سی بیٹی ہیں اور اتنے مزے سے نظمیں سناتی ہیں فاتح بھائی نے ماہم کی وڈیو بھی محفل پر پوسٹ کی تھی ۔

 

[فاتح]

بہت بہت شکریہ فرخ، مون، وارث، زینب، سیدہ شگفتہ، خرم اور اعجاز صاحبان آپ کی محبت بھری دعاؤں کے لیے۔

 

[سارہ خان]

السلام علیکم فاتح بھائی ۔۔ کیا ہوا طبیعت کو ۔۔ اللہ پاک سے دعا ہے جلدی سے ٹھیک کریں آپ کو ۔۔

 

[فرخ منظور]

فاتح صاحب سے میں نے کچھ دن قبل طبیعت کا پوچھا تو کہنے لگے طبیعت خراب ہے - تو میں نے ازراہِ مذاق کہا "طبیعت خراب ہے یا نیّت خراب ہے" تو کہنے لگے یہ تو اچھی خاصی شعری ترکیب ہے تو میں نے کہا تو پھر اسے مکمّل کیجیے - تو کافی دیر چپ رہے میں نے پھر پوچھا حضرت کہاں غائب ہیں تو کہنے لگے مجھے اچھی خاصی مشقت میں‌ ڈال دیا - مگر حضرت مشقت کرکے ہی ٹلے اور یوں یہ شعر ظہور پذیر ہوا

تیماردار سے یہ قرابت خدایا خیر
نیّت خراب ہے یا طبیعت خراب ہے

 

[محمد وارث]

فاتح صاحب سے میں نے کچھ دن قبل طبیعت کا پوچھا تو کہنے لگے طبیعت خراب ہے - تو میں نے ازراہِ مذاق کہا "طبیعت خراب ہے یا نیّت خراب ہے" تو کہنے لگے یہ تو اچھی خاصی شعری ترکیب ہے تو میں نے کہا تو پھر اسے مکمّل کیجیے - تو کافی دیر چپ رہے میں نے پھر پوچھا حضرت کہاں غائب ہیں تو کہنے لگے مجھے اچھی خاصی مشقت میں‌ ڈال دیا - مگر حضرت مشقت کرکے ہی ٹلے اور یوں یہ شعر ظہور پذیر ہوا

تیماردار سے یہ قرابت خدایا خیر
نیّت خراب ہے یا طبیعت خراب ہے

واہ واہ کیا خوب شعر فرمایا فاتح صاحب۔

فاتح صاحب کی حالت کو اپنی حالت پر قیاس کر کے عرض کیا ہے۔

لگتا ہے شاخسانہ یہ سگرٹ کا ہی اسد
جو سانس لینا بھی بنا مجھ پر عذاب ہے

 

[فاتح]

اوہ نو فاتح بھائی طبیعت کیوں خراب کر لی آپ نے وہ بھی ماہم کے ہوتے ہوئے ، آپ بس زیادہ سے زیادہ وقت ماہم سے باتیں کیا کیجیے بالکل ٹھیک ہو جائیں گے !

شگفتہ بہن! ماہا تو اتنی پیاری ہے کہ جب اپنے چھوٹے چھوٹے ہاتھ سر پر رکھ کر کہتی ہے میں دبا دیتی ہوں تو سارا درد غائب ہو جاتا ہے۔

 

[فاتح]

واہ واہ کیا خوب شعر فرمایا فاتح صاحب۔

فاتح صاحب کی حالت کو اپنی حالت پر قیاس کر کے عرض کیا ہے۔

لگتا ہے شاخسانہ یہ سگرٹ کا ہی اسد
جو سانس لینا بھی بنا مجھ پر عذاب ہے

واہ واہ واہ۔۔۔ کیا خوبصورت تصویر کشی کی ہے جناب۔

 

[محسن حجازی]

فاتح صاحب! اب کیسے مزاج ہیں؟ سگریٹ کو چھوڑ دیجئے ورنہ یہ آپ کو نہیں چھوڑے گی!

 

[محب علوی]

فاتح یار یہ بیمار پڑنے کے دن نہیں میا‌ں اب چارپائی چھوڑو اور کسی اور بیمار پڑنے کا موقع دو۔

ویسے اتنا لمبا بخار تشویشناک ہے دعا ہے کہ جلد از جلد صحت یاب ہو جاؤ اور ان بخاروں سے دور ہی رہو۔

 

[ظفری]

بھئی جلدی سے اپنی طبعیت صحیح کرو ، مجھے تم سے بہت سے کام لینے ہیں ۔ میں اپنی وزیرستان کی قومی اسمبلی والی نشت، خالی کرنے والا ہوں ۔ تم کو وہی سنبھالنی ہے ۔ سو جلدی سے صحت یابی کی نوید سناؤ تو دونوں ملکر مال سمٹیں ۔

 

[محسن حجازی]

ظفری بھائی سیٹ بھی کہاں ہے جہاں بیٹھنے والے حالات ہی نہیں۔۔۔

 

[ظفری]

ظفری بھائی سیٹ بھی کہاں ہے جہاں بیٹھنے والے حالات ہی نہیں۔۔۔

ہاہاہا ۔۔۔۔ محسن بھائی ۔۔۔۔ میں وہاں سے ایسے ہی بلامقابلہ تھوڑی ہی منتخب ہوگیا ہوں ۔ وہاں سے کوئی کھڑا نہیں ہو رہا تھا ۔ لہذا مجھے " یہاں " سے بیٹھ ہوکر " وہاں "کھڑا ہونا پڑا ۔

 

[الف نظامی]

اللہ تعالی فاتح کو صحت کاملہ عطا فرمائیں۔