غم حسین علیہ السلام پر اشعار

[سیما علی]

ُدُر ِ نجف ہر اشک ِ عزائے حسینؑ ہے
‏شاہ ِ نجف کے شیعوں کا یہ نور ِ عین ہے
‏یہ گریہ عین فرض ہے اور فرض ِ عین ہے
‏ہر دُر ِ اشک نذر ِ شہؑ مشرقین ہے
‏پہنچے نہ لعل اس گُہر ِ بے مثال کو
‏موتی یہی پسند ہیں زہراؑ کے لال کو
‏مرزا دبیرؔ✍️

 

[سیما علی]

بس اک مقتلِ شبیرؑ کی زمیں ہے جہاں
‏بُجھے چراغ بتاتے ہیں روشنی کیا ہے

‏✍🏻وحید الحسن ہاشمیؔ

 

[سیما علی]

ادراک تھا امام کو کیا ہے مقامِ عشق
‏سب کچھ نثار کر دیا اپنا بنامِ عشق
‏لے جا کے کربلا میں بھرا گھر لٹا دیا
‏حقا حسینؓ ابنِ علیؓ ہیں امام عشق

 

[فاخر رضا]

آنکھوں کے ساحلوں پہ ہے اشکوں کا اک ہجوم
شاید غم حسین (ع) کا موسم قریب ہے
بازگشت

 

[اکمل زیدی]

اتنا نہ آسمان و زمیں پر لکھا گیا
جتنا حُسینؑ تیری ’نہیںِ پر لکھا گیا

 

[سیما علی]

السلام اے جان سرور یاحسین ابن علی
آپ ہیں زہرا کے دلبر یاحسین ابن علی

کیا بیاں میں کر سکوں گا آپ کی رفعت شہا
آپ ہیں سبط پیمبر یا حسین ابن علی

الحسین منی سے ظاہر ہے رتبہ آپ کا
آپ ہیں اعلیٰ و برتر یا حسین ابن علی

 

[سیما علی]

جہاں میں جس طرح جدِ حسین ؑ سب کے ہیں
جہاں میں اس طرح آقا حسین سب کے ہیں​

وہ خانوادہ جسے منتخب کیا ربّ نے
کسی کے کم نہ زیادہ حسین ؑ سب کے ہیں​

اے ایچ خانزادہ

 

[سیما علی]

دشمن جو ہو حسین علیہ السلام کا
آتشؔ نہ کم سمجھ اسے ابنِ زیاد سے

(آتش)

 

[فاخر رضا]

جہاں میں جس طرح جدِ حسین ؑ سب کے ہیں​

جہاں میں اس طرح آقا حسین سب کے ہیں​

وہ خانوادہ جسے منتخب کیا ربّ نے​

کسی کے کم نہ زیادہ حسین ؑ سب کے ہیں​

اے ایچ خانزادہ

یہ شعر نہیں لگتا

 

[سیما علی]

عباسؑ نامور کا علم لے کے جائیں گے
ہم چاند پر حسینؑ کا غم لے کے جائیں گے

(نجم آفندی)

 

[سیما علی]

مٹتے ہوئے اسلام کا پھر نام جلی ہو
لازم ہے کہ ہر فرد حسینؑ ابنِ علیؑ ہو

(جوشؔ ملیح آبادی)

 

[سیما علی]

یہ شعر نہیں لگتا

آخر ی مصرع بہت اچھا لگا اسلئے لکھا ؀
حسین علیہ السلام سب کے ہیں۔۔

 

[سیما علی]

جد و پدر کی طرح جری ہیں ، دلیر ہیں
بچے ہیں یوں ، پہ غیظ جب آئے تو شیر ہیں
(حضرت عون و محمد کی مدح۔ انیس)

 

[سیما علی]

کربلا سامنے آتی جو وہ لاشے لے کر
آنکھ تو آنکھ ہے پتھر سے بھی رستا پانی
مظفر وارثی

 

[سیما علی]

مرے مدّ وجزر کی خیر ہو کہ سفر ہے دجلۂ دہر کا
کہیں مثلِ نامِ حسینؑ بھی، کوئی بادباں ہو تو لیکے آ

نہ انیس ہوں نہ دبیر ہوں، میں نصیر صرف نصیر ہوں
مرے حرفِ ظرف کو جانچنے، کوئی نکتہ داں ہو تو لے کے آ
نصیر ترابی

 

[نیرنگ خیال]

میریاں راتاں چانن چانن، نھیرے اوہناں ملے نیں
نسبت میری نال حسین دے، شمر اوہناں دے ولے نیں

نیرنگ خیال

 

[فاخر رضا]

کربلا آج بھی زندہ ہے مثالِ حمزہ
یہ حقیقت کسی ہندہ سے چبائی نہ گئی

 

[سیما علی]

جو کربلا میں شاہِ شہیداں سے پھِر گئے
کعبہ سے منحرف ہوئے قرآں سے پھِر گئے

(امیر مینائی)

 

[سیما علی]

دشت میں خونِ حسین ابن علی بہہ جائے
بیعتِ حاکمِ کفار نہ ہونے پائے

(مصطفی زیدی)

 

[سیما علی]

انیس عمر بسر کر دو خاکساری میں
کہے نہ کوئی غلامِ ابوتراب نہیں

(میر انیس)