غزل

Sabra Amin نے 'اِصلاحِ سخن' کی ذیل میں اس موضوع کا آغاز کیا، ‏مئی 12, 2020

ٹیگ:
  1. Sabra Amin

    Sabra Amin محفلین

    مراسلے:
    104
    محترم محمد خلیل الرحمٰن صاحب,
    شکریہ
    "قوافی کے دو الفاظ"، "درمیانی حرف ساکن"،" درمیانی حرف کو متحرک" کا مطلب ابھی سمجھ نہیں آرہا ۔ ۔ مگر امید ہے تھوڑے دنوں کے بعد آ جائے گا ۔ ۔ تو پھر کوشش کر لوں گی ۔ ۔ ہمت نسواں، مد د خدا:)
     
    • دوستانہ دوستانہ × 1
  2. محمد خلیل الرحمٰن

    محمد خلیل الرحمٰن مدیر

    مراسلے:
    9,223
    جھنڈا:
    Pakistan
    موڈ:
    Festive
    ہم نے تین الفاظ کے ہجے کی بات ہے۔
    شَ ہ ر = شَ ہْ رْ۔ جس میں شین پر زبر ہے جبکہ ہ اور ر پر جزم ہے۔
    لہر= لَ ہْ رْ۔ جس میں لام پر زبر ہے جبکہ ہ اور ر پر جزم ہے۔
    اس کے برعکس سَحَر بمعنی صبح میں س اور ح دونوں پر زبر ہے جبکہ صرف ر پر جزم ہے۔ اس طرح سحر لہر کا ہم قافیہ نہیں ہے۔
     
  3. Sabra Amin

    Sabra Amin محفلین

    مراسلے:
    104
    واہ یہ تو آسان ہے ۔ ۔ آپ ایک اچھے استاد ہیں ۔
    ما شا اللہ
    شکریہ
    :applause::applause::applause:
     
    • دوستانہ دوستانہ × 1
  4. محمد خلیل الرحمٰن

    محمد خلیل الرحمٰن مدیر

    مراسلے:
    9,223
    جھنڈا:
    Pakistan
    موڈ:
    Festive
    جزاک اللہ خیرا۔ خوش رہیے۔
     
  5. شکیب

    شکیب محفلین

    مراسلے:
    1,692
    جھنڈا:
    India
    موڈ:
    Breezy
    اس کے لیے خصوصی مبارکباد قبول کریں، کیونکہ داد کے ڈونگرے کے بعد کم ہی کسی کو یہ توفیق ملتی ہے۔ ہماری نظروں سے آئے روز یہ گزرتے رہتے ہیں، اور ستم یہ کہ کئی ایک تو بالکل تگڑی جان پہچان والے ہیں چنانچہ ان سے کچھ کہا بھی نہیں جا سکتا۔

    بہرحال، اب تو چچا جان (الف عین) کی ہدایت کے مطابق ان لوگوں پر دھیان دینا چھوڑ دیا ہے، پھر بھی دل کی کڑھن تو سدا بہار شے ہے۔

    ویسے کچھ مضامین اسی سلسلے میں اپنے بلاگ پر ہم نے لکھ رکھے ہیں، شاید آپ کے کام آ سکیں۔ "شاعر نہیں اچھے شاعر بنیے"
     
  6. Sabra Amin

    Sabra Amin محفلین

    مراسلے:
    104
    محترم شکیب صاحب ،
    آداب
    بہت شکریہ۔ ۔ آپ نے بڑی عرق ریزی سے مضمون لکھا ہے۔ ایک دفعہ پڑھنا کافی نہیں۔ ۔ بہت سی باتیں سمجھ میں آئیں۔ ۔ جزاک اللہ ۔ ۔
    سب سے شروع میں ہی غالب کی کھنچائ ہوتی دیکھی تو بہت خوشی ہوئ۔ ۔ (کمینی خوشی) غالب کے دونوں اشعار میرے پسندیدہ ہیں پر اتنے عیبی ہونگے معلوم نہ تھا۔ حسرت موہانی کی بات سے بالکل معلوم نہ ہوا ایطاء خفی کر سکتے ہیں یا نہیں ۔ ۔ کہتے ہیں ایطاء خفی سے بچو پھر کہتے ہیں برا نہ سمجھو ۔ ۔ " لیکن آج کل کے نام نہاد ”شاعروں“ کو یہ بتانا ضروری تھا۔ ۔ ۔ ۔ ۔ " پڑھ کردل کو کچھ دھکا سا لگا ۔ ۔ پتہ نہیں کیوں سنبھل کے بیٹھ گئے ۔ ۔ ہماری بات تھوڑی تھی، زمانے کی تھی ۔ ۔ ہماری غزل کا مطلع عیبی نکلا اور تو اور پکا کافربھی ۔ ۔ شکر ہے آپ نے میری تمام شاعری نہیں دیکھی ورنہ دین شاعری سے خارج ہونے کا فتوی لگا دیتے ۔ ۔ کیا کرتے کہاں جاتے ۔ ۔ ۔ مفتئ اعظم بھی چچا جان ۔ ۔ (ویسے دل کہتا ہے وہ ہمیں بچا لیتے، بھلے انسان معلوم ہوتے ہیں۔)
    بحرحال کرم کی امید تو ہر وقت رکھنی چاہیے، اور ہے بھی ۔ ۔ ۔ جب اتنے بڑے بڑے شعرا نے عیوب معلوم ہوتے ہوئے بھی کوئ شعر ضائع نہ کیا تو ہم کیوں کریں ۔ ۔ کسے معلوم کہ ھمارا "کافرانہ" کلام کسی ملک کے قومی گیت کا درجہ پا جائے ۔ ۔ !!!
    کڑھنے کا کوئ فائدہ آج تک تو نوع انسانی نے نہیں دیکھا ۔ ۔ کل کوئ نئ تحقیق آ جائے تو کچھ کہا جا سکتا ہے ۔ ۔ کیونکہ آپ نے اتنی مدد کی تو ایک معصوم سا مشورہ ھے کہ "چار دن کی زندگی ہے کوفت سے کیا فائدہ ۔ ۔ ۔ کھا ڈبل روٹی کلرکی کر خوشی سے پھول جا ۔ ۔ "
     
    آخری تدوین: ‏مئی 14, 2020
    • پسندیدہ پسندیدہ × 1
    • پر مزاح پر مزاح × 1
  7. نور وجدان

    نور وجدان مدیر

    مراسلے:
    5,410
    جھنڈا:
    Pakistan
    موڈ:
    Asleep
    یہ تو پر مزاح نثر ہے:)
     
    • متفق متفق × 2
  8. محمد خلیل الرحمٰن

    محمد خلیل الرحمٰن مدیر

    مراسلے:
    9,223
    جھنڈا:
    Pakistan
    موڈ:
    Festive
    خوبصورت نثر
     
  9. Sabra Amin

    Sabra Amin محفلین

    مراسلے:
    104
    "خوبصورت شاعری" ۔ ۔ کان یہ سننے کو بیتاب ہیں ۔ ۔

    "خوبصورت نثر" ۔ ۔ دل یہ سن کر بھی جھوم ہی رہا ہے۔ ۔
    شکریہ
    :dancing::dancing::dancing:
     
    • دوستانہ دوستانہ × 2
  10. Sabra Amin

    Sabra Amin محفلین

    مراسلے:
    104
    شکریہ ۔ ۔ :rose::rose::rose::rose::rose:
    یہ سب آپ کی نظر

    کاش شاعری کی بھی جلد اسی طرح تعریف ہو ۔ ۔ آمین
     
  11. الف عین

    الف عین لائبریرین

    مراسلے:
    34,535
    جھنڈا:
    India
    موڈ:
    Psychedelic
    بھائی خلیل سے مکمل متفق ہوں، مطلع اور دوسرا شعر بدل دیں، آخری چاروں اشعار تو درست ہو ہی گئے ہیں
     
    • دوستانہ دوستانہ × 1
  12. Sabra Amin

    Sabra Amin محفلین

    مراسلے:
    104
    آداب
    جی بالکل ۔ ۔ کوشش کرتی ہوں۔ شکریہ
     
    • پسندیدہ پسندیدہ × 1
  13. Sabra Amin

    Sabra Amin محفلین

    مراسلے:
    104
    دیکھیئے اب ٹھیک ہے

    مضمون کے بننے میں جو حصہ ہے سطر کا
    سورج کی کرن یوں پتہ دیتی ہے سحر کا



    کردار کو پرکھو گے تو کچھ پل ہی لگیں گے
    گر ہاتھ نہ چھوڑے کبھی دامن جو صبر کا
     
  14. محمد خلیل الرحمٰن

    محمد خلیل الرحمٰن مدیر

    مراسلے:
    9,223
    جھنڈا:
    Pakistan
    موڈ:
    Festive
    صبر میں بھی وہی مسئلہ ہے!
     
  15. Sabra Amin

    Sabra Amin محفلین

    مراسلے:
    104
    دوبارہ شکیب صاحب کا مضمون پڑھا ۔ ۔ ایک دفعہ میں تمام چیزیں یاد رکھنا تھوڑا مشکل لگ رہا ہے۔ ۔ پر کوشش جاری ہے۔

    مضمون کے بننے میں جو حصہ ہے سطر کا
    سورج کی کرن یوں پتہ دیتی ہے سحر کا

    کیا یہ والا ٹھیک ہے؟ میں پھر کوشش کرتی ہوں ۔ ۔ ۔ شکریہ

    ویسے ایک بات پو چھنی تھی کہ وصی شاہ اور کئ ایسے ہی شاعروں کا کلام عوام میں کافی مقبول ہے۔ ۔ بکتا بھی ہے اور زبان زد عام بھی ہے ۔ ۔ عوام اتنی باریکیوں کو سمجھتے نہیں یا سمجھنا چاھتے نہیں ۔ ۔ ۔ اب قافیہ اگر سو فیصد درست نہ ھو مگر الفاظ دل میں آگ لگا دیں تو کیا قافیہ کی کچھ کمی بیشی کو معافی مل سکتی ہے ۔ ۔ قافیہ ملانے میں اگر شعر پھیکا سیٹھا ہو جائے تو خود کو ہی اچھا نہی لگتا کسی اور کو کیا لگے گا ۔ ۔ شاعری تو لوگوں کے لیے کی جاتی ہے ۔ ۔ قوائد کے لحاظ سے سو فیصد درست ہونا کیوں ضروری ہے ۔ ۔ اچھا ہونے کا مطلب قوائد کی بنیاد پر کیوں ہے نفس مضمون ثانوی کیوں ہے ۔ ۔
    یہ سوالات پہلے کبھی ذھن میں نہیں آئے مگر اب جبکہ قافیہ ملانے کی کوشش کر رہی ہوں تو ایسا لگ رہا ہے کہ جو کہنا چاہتی ھوں وہ تو پس پشت چلا جا رہا ہے اور شعر کچھ سے کچھ ہو گیا ہے ۔ ۔ یعنی بنائ تھی کھیر ھو گیا دلیہ
     
  16. الف عین

    الف عین لائبریرین

    مراسلے:
    34,535
    جھنڈا:
    India
    موڈ:
    Psychedelic
    زبردستی کی بات دوسری ہے لیکن کہا تو یہی جائے گا کہ شاعر/شاعرہ کو اردو نہیں آتی! سطر اور سحر دونوں میں وہی مسئلہ ہے، دونوں کے درمیانی حروف پر جزم ہوتی ہے۔
    ایسی بات نہیں ہے کہ اچھی شاعری اسی وقت ممکن ہے جب درست اردو استعمال نہ کی جائے! کوشش کریں کہ اردو کے تلفظ پر ہی غور کیا جائے ۔ عوام تو صبر اور شکر، برف، گرم، درد، نرم ان سب کے درمیانی حروف پر فتحہ یعنی زبر لگا دیتے ہیں، جو غلط ہے۔ کوشش یہ کی جائے کہ آپ کا شمار ان جاہلوں میں نہ ہو
     
    • پسندیدہ پسندیدہ × 2
    • دوستانہ دوستانہ × 1
  17. Sabra Amin

    Sabra Amin محفلین

    مراسلے:
    104
    جی بالکل بجا فرمایا ٰآپ نے ۔ ۔ شکریہ :):):)
     
  18. Sabra Amin

    Sabra Amin محفلین

    مراسلے:
    104
    محترم شکیب صاحب
    آداب
    سمجھ نہیں آتا کہ کس طرح آپ کا شکریہ کروں ۔ آپکا لکھا مضمون محض دو بار ہی پڑھا تھا کہ اندر یہت بڑی تبدیلی آ گئ۔ یہ مضمون تو بلاشبہ کئ کتابوں پر بھاری ہے۔ ابھی جو غزل لکھی تو خودبخود صحیح چیزیں دماغ میں آنے لگیں۔ سوچتی ہوں کہ اب ہر نماز کے بعد وظیفوں کے ساتھ ملا کر پڑھنے لگوں۔ (یہ دماغ کہہ رہا ہے کہ طاق راتوں میں بھی پڑھ لو بہن اچھا رہے گا۔ جلنے والے جلتے رہیں ھمیں کیا پرواہ۔ ایسوں کی کون سنتا ہے۔)

    ان اشعار کو نہ تو تقطیع کے اژدہے نے نگلا اور نہ ہی الفاظ اصلاح کی مشین سے شرم سے سرخ ہوئے۔ آپ بتائیے کیا میں بلا وجہ ہی تو خوش فہمی کا شکار تو نہیں ھو رہی۔ اگر یہ خوش فہمی ہو تو بلا تامل خاک میں ملا دیجیے گا ۔ "کہ دانا خاک میں مل کر گل وگلزار ہوتا ہے۔"


    تمھارے آنے کا موسم بھی آن ہی پہنچا

    اسی خیال کو لے کر یہ دل لہکتا ہے


    گھڑی ہی گذری ہےجو وہ یھاں سے گذرا ھے

    کہ اسکی خوشبو سےآنگن مرا مہکتا ہے


    وہ اجنبی ہے تو پھر کیوں مجھے شناسا لگے

    عجیب دل ہے اسے دیکھ کے بہکتا ہے


    ارے نہ دیکھو مجھے ایسی گہری نظروں سے

    تمہاری چشم سے عارض مرا دہکتا ہے


    مجھے رقیب سے شکوہ ہے تو غلط کیا ہے

    تمھارے آتے ہی آخر کو کیوں چہکتا ہے
     
    آخری تدوین: ‏مئی 18, 2020
    • پسندیدہ پسندیدہ × 1
  19. شکیب

    شکیب محفلین

    مراسلے:
    1,692
    جھنڈا:
    India
    موڈ:
    Breezy
    ماشاء اللہ۔ اچھے اشعار ہیں۔ روانی بھی ٹھیک ہے۔
    کچھ اکا دکا روانی میں جو گڑبڑ بہت زیادہ کھٹکتی ہیں وہ یہ ہیں، یاد کر لیں۔
    گھڑی ہی گذری ہےجو وہ یھاں سے گذرا ھے
    ۔۔۔ "یہ، وہ، نہ" وغیرہ کو دو حرفی باندھنا ٹھیک نہیں۔
    عجیب دل ہے اسے دیکھ کے بہکتا ہے
    ۔۔۔ "کے" جب بھی مکمل ادا ہو (دو حرفی)، اسے "کر" لکھا کریں۔
    تمہاری چشم سے عارض مرا دہکتا ہے
    ۔۔۔ "چشم" کا استعمال فٹ نہیں بیٹھتا۔

    بیانیہ جتنا خوبصورت ہو اتنا اچھا۔ اس کے لیے اساتذہ کا کلام پڑھیے اور خوب پڑھیے۔
    کچھ بھرتی کے الفاظ ہیں اور کچھ جگہوں پر یوں احساس ہوتا ہے کہ جو پہلا لفظ/ترکیب ذہن میں آئی وہی لکھ دیا گیا ہے۔ اس میں کوئی برائی نہیں۔ پہلے فی البدیہ لکھیں، لیکن دوسری نظر میں ان میں مزید جتنی خوبیاں پیدا ہو سکتی ہیں کریں۔

    پہلے مصرعے زیادہ تر چست ہیں، پسند آئے۔ لکھتے رہیں، نکھار آتا جائے گا ان شاء اللہ۔
     
    • متفق متفق × 1
  20. شکیب

    شکیب محفلین

    مراسلے:
    1,692
    جھنڈا:
    India
    موڈ:
    Breezy
    مذکورہ غلطیاں شاعری کی نہیں، زبان کی ہیں۔ اور زبان کی غلطی اسی کی تشہیر کا سبب بھی بنے گی۔
    درست، کہ عوام ان باریکیوں کو نہیں سمجھتی۔
    لیکن یہیں تو آپ پر ذمہ داری آتی ہے۔ جو شاعر کہہ دے، وہ عوام کی زبان پر چڑھ جائے گا۔ صحیح ہو یا غلط۔ پھر وہ غلطی شاعر کے لیے ثوابِ جاریہ ہو جائے گی۔
     

اس صفحے کی تشہیر