جمال احسانی غزل ۔ ہر قرضِ سفر چُکا دیا ہے ۔ جمالؔ احسانی

[محمداحمد]

غزل ​

​

ہر قرضِ سفر چُکا دیا ہے​

دشت اور نگر ملا دیا ہے​

​

جُز عشق کسے ملی یہ توفیق​

جو پایا اُسے گنوا دیا ہے​

​

پہلے ہی بہت تھا ہجر کا رنج​

اب فاصلوں نے بڑھا دیا ہے​

​

آبادیوں سے گئے ہُوؤں کو​

صحراؤں نے حوصلہ دیا ہے​

​

دیوار بدست راہ رو تھے​

کس نے کسے راستہ دیا ہے​

​

بچھڑا تو تسلی دی ہے اس نے​

کس دھند میں آئینہ دیا ہے​

​

میں بُجھ تو گیا ہوں پھر بھی مجھ میں​

روشن ترے نام کا دیا ہے​

​

جمالؔ احسانی​

 

[مدیحہ گیلانی]

واہ !! بہت خوبصورت پرتاثیر سادہ سی غزل ہے .شریک کرنے کا شکریہ۔

 

[محمداحمد]

واہ !! بہت خوبصورت پرتاثیر سادہ سی غزل ہے .شریک کرنے کا شکریہ۔