جمال احسانی غزل ۔ دلِ پژ مُردہ کو ہم رنگِ ابر و باد کردے گا ۔ جمالؔ احسانی

[محمداحمد]

غزل​

​

دلِ پژ مُردہ کو ہم رنگِ ابر و باد کردے گا​

وہ جب بھی آئے گا اس شہر کو آباد کردے گا​

​

کوئی محرابِ دل ہو، طاقِ جاں ہو یا شبِ تیرہ ​

جہاں چاہے گا وہ روشن چراغِ یاد کردے گا​

​

وہ سارے رابطے توڑے گا ہم سے اور اچانک پھر​

تعلق کی نئی صورت کوئی ایجاد کردے گا​

​

گزر جائے گی یہ بھی شام پچھلی شام کی مانند​

کہ میں کچھ عرض کردوں گا، وہ کچھ ارشاد کردے گا​

​

میں اُس سے ملنے کیوں دل کو بھلا ہمراہ لے جاؤں​

کہ یہ اک عمر کی محنت مری برباد کردے گا​

​

جمالؔ احسانی​

 

[مدیحہ گیلانی]

کوئی محرابِ دل ہو، طاقِ جاں ہو یا شبِ تیرہ​

جہاں چاہے گا وہ روشن چراغِ یاد کردے گا۔
واہ واہ لاجواب ۔۔۔ خوبصورت غزل ھے ۔​

​

 

[محمداحمد]

کوئی محرابِ دل ہو، طاقِ جاں ہو یا شبِ تیرہ​

جہاں چاہے گا وہ روشن چراغِ یاد کردے گا۔​

واہ واہ لاجواب ۔۔۔ خوبصورت غزل ھے ۔​

​

شکریہ۔۔۔۔!