غزل ۔ خواب اُس کے ہیں جو چُرا لے جائے ۔ رساؔ چغتائی

[محمداحمد]

غزل ​

​

خواب اُس کے ہیں جو چُرا لے جائے​

نیند اُس کی ہے جو اُڑا لے جائے​

​

زُلف اُس کی ہے جو اُسے چھولے​

بات اُس کی ہے جو بنا لے جائے​

​

تیغ اُس کی ہے شاخِ گُل اُس کی​

جو اُسے کھینچتا ہوا لے جائے​

​

یوں تو اُس پاس کیا نہیں پھر بھی​

ایک درویش کی دعا لے جائے​

​

زخم ہو تو کوئی دہائی دے​

تیر ہو تو کوئی اُٹھا لے جائے​

​

قرض ہو تو کوئی ادا کردے​

ہاتھ ہو تو کوئی چُھڑا لے جائے​

​

لَو دیے کی نگاہ میں رکھنا ​

جانے کس سمت راستہ لے جائے​

​

دل میں آباد ہیں جو صدیوں سے ​

ان بُتوں کو کہاں خدا لے جائے​

​

خواب ایسا کہ دیکھتے رہیے​

یاد ایسی کہ حافظہ لے جائے​

​

میں غریب الدّیار، میرا کیا​

موج لے جائے یا ہَوا لے جائے​

​

خاک ہونا ہی جب مقدّر ہے​

اب جہاں بختِ نارسا لے جائے​

​

رسا چغتائی​

 

[محمداحمد]

فارقلیط رحمانی صاحب۔۔۔۔!

غزل کی درجہ بندی کے لئے ممنون ہوں۔۔۔!

 

[مدیحہ گیلانی]

خاک ہونا ہی جب مقدّر ہے​

اب جہاں بختِ نارسا لے جائے
واہ واہ ۔۔۔کیا خوب شعر ہے بھئی ۔​

 

[نیلم]

خاک ہونا ہی جب مقدّر ہے
اب جہاں بختِ نارسا لے جائے
واہ بہت خُوب بھائی

 

[محمداحمد]

خاک ہونا ہی جب مقدّر ہے​

اب جہاں بختِ نارسا لے جائے​

واہ واہ ۔۔۔ کیا خوب شعر ہے بھئی ۔​

خاک ہونا ہی جب مقدّر ہے
اب جہاں بختِ نارسا لے جائے
واہ بہت خُوب بھائی

شکریہ۔۔۔۔!