غزل ۔ برتے کچھ امتیاز تو انسان کم سے کم ۔ سید ضیاءالدین نعیم

[محمداحمد]

غزل

بَرتے کچھ امتیاز تو انسان کم سے کم
ہو اپنے دوستوں کی تو پہچان کم سے کم

اہل ِ غرَض کسی کے ہوۓ ہیں جو ہوں مرے ؟
اِتنا تو سوچ ، اے دل ِ نادان کم سے کم

ہوگا یہی بہت سے بہت ، جاں سے جایٔیں گے
رہ جا ۓ گی وفا کی مگر آن کم سے کم

چلیٔے ، معاملہ یہ کسی سمت تو ہوا
کم تو ہوا یہ روز کا خلجان کم سے کم

ایسا نہیں کہ مایہ ٔ احساس بھی نہ ہو
اِتنے نہیں ہیں بے سرو سامان کم سے کم

ناممکنات میں سے تو شاید نہ ہو نعیم
آمد بہار کی نہیں آسان کم سے کم

سید ضیاءالدین نعیم​

 

[نیرنگ خیال]

ایسا نہیں کہ مایہ ٔ احساس بھی نہ ہو
اِتنے نہیں ہیں بے سرو سامان کم سے کم

بہت اعلیٰ۔ شاندار

 

[محمداحمد]

بہت اعلیٰ۔ شاندار

بہت شکریہ ذوالقرنین بھائی !

جیتے رہیے۔