شکیل بدایونی غزل ۔ برائے نام جہاں دورِ بے سرور چلیں ۔ شکیل بدایونی

[محمداحمد]

غزل ​

​

برائے نام جہاں دورِ بے سرور چلیں​

شکیل کیوں نہ ہم اُس میکدے سے دور چلیں​

​

نہ سمتِ وادئ ایمن، نہ سوئے طُور چلیں​

نگاہ دل پر جمائیں، ترے حُضور چلیں​

​

اس انجمن میں ریاکاریاں ہیں شاملِ عجز​

چلو یہاں سے بصد نخوت و غرور چلیں​

​

نسیمِ صبح میں نکہت نہ پھول میں خوشبو​

یہی چمن ہے تو ایسے چمن سے دور چلیں​

​

ہمارے سائے پہ بھی رشک تھا شکیلؔ جنہیں​

خدا کی شان! وہ اب ہم سے دُور دُور چلیں​

​

شکیل بدایونی​

 

[صائمہ شاہ]

اس انجمن میں ریاکاریاں ہیں شاملِ عجز
چلو یہاں سے بصد نخوت و غرور چلیں
عمدہ شراکت

 

[مدیحہ گیلانی]

نہ سمتِ وادئ ایمن، نہ سوئے طُور چلیں​

نگاہ دل پر جمائیں، ترے حُضور چلیں
واہ بہت خوب ۔۔۔!​