حسرت موہانی غزل: نہ ہوئے آپ آشنائے خلوص

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏ستمبر 25, 2019

  1. محمد تابش صدیقی

    محمد تابش صدیقی منتظم

    مراسلے:
    26,625
    جھنڈا:
    Pakistan
    موڈ:
    Breezy
    نہ ہوئے آپ آشنائے خلوص
    نہ سنی میری التجائے خلوص

    ہم ہیں بیمارِ کبر و عجب و ریا
    کیوں نہ درکار ہو دوائے خلوص

    طے کر اے دل بہ زورِ علم و عمل
    راہِ بیم و رجا بپائے خلوص

    زہد، حیرانِ کارِ عشق ہوا
    ہم میں پا کر نہ کچھ سوائے خلوص

    بڑھ چلی ان کی بے رخی گویا
    تھی سزائے ہوس، جزائے خلوص

    تم دعا کو بھی التجا سمجھے
    تھی وہ حالانکہ اک صدائے خلوص

    ق
    زہد و تقویٰ، ریاضت و عزت
    بن گئے جبکہ دست و پائے خلوص

    نفس، شیطان و خلقت و دنیا
    سب پہ غالب ہوئی دعائے خلوص

    دل کا تقویٰ ہے خیر خواہیِ خلق
    ہو بشرطیکہ بربنائے خلوص

    ق
    فکرِ رزق و مصائبِ تقدیر
    عارضِ حال تھے بجائے خلوص

    سو بہ صبر و توکل و تفویض
    بن گئے شیوۂ رضائے خلوص

    توبہ و علم و حمد و شکر ہیں باب
    شہر ہے شہرِ پُر فضائے خلوص

    ذکر و فکر و ریاض و صوم و صلوٰۃ
    سارے جھگڑے ہیں اک برائے خلوص

    اور حقیقت میں ان کے سب کے سوا
    عشق ہے اصل مدعائے خلوص

    ان کو اب ضد یہ ہے کہ حسرتؔ بھی
    شوق ظاہر کرے بجائے خلوص

    ٭٭٭
    حسرت موہانی
     
    • پسندیدہ پسندیدہ × 5
    • زبردست زبردست × 2
  2. محمد خلیل الرحمٰن

    محمد خلیل الرحمٰن مدیر

    مراسلے:
    11,626
    جھنڈا:
    Pakistan
    موڈ:
    Festive
    خوبصورت شراکت
     
    • دوستانہ دوستانہ × 1
    • متفق متفق × 1
  3. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    19,142
    جھنڈا:
    Pakistan
    موڈ:
    Cheerful
    بہت عمدہ غزل ،
    شریک محفل کرنے کا شکریہ ۔
     
    • دوستانہ دوستانہ × 1
  4. سید عاطف علی

    سید عاطف علی لائبریرین

    مراسلے:
    12,730
    جھنڈا:
    SaudiArabia
    موڈ:
    Cheerful
    گورِ فضل الحسن کشادہ ہو
    اردو محفل کرےدعائے خلوص
     
    • دوستانہ دوستانہ × 2
  5. سید شہزاد ناصر

    سید شہزاد ناصر محفلین

    مراسلے:
    9,593
    جھنڈا:
    Pakistan
    موڈ:
    Relaxed
    بہت خوب شراکت
    سلامت رہیں
     
    • دوستانہ دوستانہ × 1

اس صفحے کی تشہیر