1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

غزل: نشانِ گلشن کی جستجو میں نسیمِ خانہ خراب گم ہے ٭ نعیم صدیقی

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏اکتوبر 6, 2019

  1. محمد تابش صدیقی

    محمد تابش صدیقی منتظم

    مراسلے:
    24,012
    جھنڈا:
    Pakistan
    موڈ:
    Breezy
    نشانِ گلشن کی جستجو میں نسیمِ خانہ خراب گم ہے
    کہیں ہے بلبل نہ کوئی قمری کہ سرو گم ہے، گلاب گم ہے

    تمہارے اس چہرۂ کتابی کی روشنی میں کئی شبوں تک
    کتابِ الفت کو ہم نے دیکھا، وفا کا پہلا ہی باب گم ہے

    یہ انتظارِ سحر کہاں تک، بناؤ تم اپنے چاند سورج
    ستارے بجھ بجھ کے گر چکے ہیں مدار سے آفتاب گم ہے

    اگرچہ ساقی غنی ہے دل کا، مگر جو تشنہ تھے تشنہ تر ہیں
    شراب کے دور چل رہے ہیں، مگر وہ کیفِ شراب گم ہے

    تری وفا پر، تری جفا پر، ترے کرم پر، ترے ستم پر
    سوال ہیں بے شمار دل میں، سوال ہیں اور جواب گم ہے

    میں ذرے ذرے کو دیکھتا ہوں، کہیں تو کوئی دھڑکتا دل ہو
    جو دل بناتی تھی آب و گِل سے، وہ روحِ پُر اضطراب گم ہے

    سنا ہے صحرا سے آ کے لیلیٰ تلاش کرتی ہے بستیوں میں
    کہاں پہ کھویا وہ قیسِ عامر؟ کہاں وہ عشقِ خراب گم ہے؟

    بہم کیے ہم نے کفر و ایماں، ملا دیے ہم نے زہد و عصیاں
    عجیب ہے یہ مقامِ عرفاں، ثواب گم ہے، عذاب گم ہے

    حضورِ رحمت میں لائے مجرم، مگر فرشتوں نے معذرت کی
    رقم تھے جس میں گناہ اس کے، وہ ساری فرد حساب گم ہے

    ٭٭٭
    نعیم صدیقی
     
    • پسندیدہ پسندیدہ × 4
    • زبردست زبردست × 3
  2. ظہیراحمدظہیر

    ظہیراحمدظہیر محفلین

    مراسلے:
    2,382
    جھنڈا:
    Pakistan
    موڈ:
    Busy
    بہم کیے ہم نے کفر و ایماں، ملا دیے ہم نے زہد و عصیاں
    عجیب ہے یہ مقامِ عرفاں، ثواب گم ہے، عذاب گم ہے

    واہ ! کیا بات ہے ! حقیقت ہے!
     
    • پسندیدہ پسندیدہ × 2
  3. احمد محمد

    احمد محمد محفلین

    مراسلے:
    318
    جھنڈا:
    Pakistan
    موڈ:
    Breezy
    واہ۔۔ بہت عمدہ۔ شکریہ
     
    • دوستانہ دوستانہ × 1
  4. فاخر رضا

    فاخر رضا محفلین

    مراسلے:
    2,723
    کیا بات ہے
     
    • پسندیدہ پسندیدہ × 1

اس صفحے کی تشہیر