احمد ندیم قاسمی غزل: میں حقائق میں گرفتار ہوں، وہموں میں نہیں

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏نومبر 21, 2020

  1. محمد تابش صدیقی

    محمد تابش صدیقی منتظم

    مراسلے:
    26,346
    جھنڈا:
    Pakistan
    موڈ:
    Breezy
    میں حقائق میں گرفتار ہوں، وہموں میں نہیں
    کوئی نغمہ مری زنجیر کی کڑیوں میں نہیں

    ٹخنوں ٹخنوں میں پتاور میں کھڑا سوچتا ہوں
    جتنے پتّے ہیں یہاں، اُتنے درختوں میں نہیں

    شہر والو! یہ گھروندے ہیں، یہ گلیاں ہیں، یہ کھیت
    گاؤں والوں کی جو پوچھو تو وہ گاؤں میں نہیں

    غیر محسوس بہاروں کا وہ دَور آیا ہے
    رنگ غنچوں میں نہیں، نگہتیں پھوُلوں میں نہیں

    میں جو روؤں، کوئی ہوتا نہیں ہنسنے والا
    جو سکوں دشت میں دیکھا ہے، وہ شہروں میں نہیں

    گرد کیسی، کہ کوئی قافلہ آیا نہ گیا
    نقشِ پا کیسے، کوئی گونج بھی رستوں میں نہیں

    اس زمانے کے جو دُکھ ہیں، وہ نرالے دُکھ ہیں
    کچھ علاج ان کا، بزرگوں کی بیاضوں میں نہیں

    صرف دہقان کے خرمن کو بھلا کیوں تاکے
    برق حالات میں ہوتی ہے، گھٹاؤں میں نہیں

    پَل گزُرتا ہے کہ جل جاتا ہے اِک سیّارہ
    وقت کا راز جو لمحوں میں ہے، صدیوں میں نہیں

    رہنماؤں سے بس اِتنا سا گلِہ ہے مُجھ کو
    ان کے ہونٹوں پہ جو باتیں ہیں، وہ ذہنوں میں نہیں

    پاؤں مٹی نے وہ پکڑے ہیں کہ ہلنا ہے محال
    اب کوئی لطف خیالوں کی اُڑانوں میں نہیں

    شعر میں بات چھُپانے کی روِش ترک کرو
    اب تو افلاک کے اسرار بھی پردوں میں نہیں

    ٭٭٭
    احمد ندیم قاسمی
     
    • پسندیدہ پسندیدہ × 2
    • زبردست زبردست × 1
  2. اکمل زیدی

    اکمل زیدی محفلین

    مراسلے:
    4,470
    جھنڈا:
    Pakistan
    موڈ:
    Busy
    اوئے ہوئے کیا ہی انتخاب ہے تابش بھائی خاص کر۔۔۔
     
    • دوستانہ دوستانہ × 1
  3. الف نظامی

    الف نظامی لائبریرین

    مراسلے:
    17,143
    جھنڈا:
    Pakistan
    موڈ:
    Amused
    شعر میں بات چھُپانے کی روِش ترک کرو
    اب تو افلاک کے اسرار بھی پردوں میں نہیں​
     
    • دوستانہ دوستانہ × 1
  4. ظہیراحمدظہیر

    ظہیراحمدظہیر محفلین

    مراسلے:
    3,746
    جھنڈا:
    Pakistan
    موڈ:
    Busy
    اس زمانے کے جو دُکھ ہیں، وہ نرالے دُکھ ہیں
    کچھ علاج ان کا، بزرگوں کی بیاضوں میں نہیں

    بہت خوب!
     
    • دوستانہ دوستانہ × 1

اس صفحے کی تشہیر