غزل: منصفی جب بے حسی بن جائے گی

[ایم اے راجا]

منصفی جب بے حسی بن جائے گی
زندگی پھر موت ہی بن جائے گی

اک دیا مجھمیں کہیں جل جائیگا
تیرگی خود روشنی بن جائے گی

نرگسی آنکھوں میں ڈوبےگا خیال
سوچ، اک تصویر سی بن جائے گی

تازہ دم رکھتی ہے جو اک جستجو
حاصلِ واماندگی بن جائے گی

پھر کسی کا خون بہےگا،اور خبر
دفتری خانہ پری بن جائے گی

بے غرض جس دوستی پر ناز ہے
یہ بھی اِکدن مطلبی بن جائے گی

یاد کی رت گد گدائے گی عبید
وحشتِ دل سرخوشی بن جائےگی​

عبید الرحمٰن عبید کی کتاب " جب زرد ہو موسم اندر کا" سے انتخاب۔​

 

[فرخ منظور]

خوبصورت غزل ہے - شکریہ راجا صاحب!‌

 

[ایم اے راجا]

شکریہ سخنور، اب تو آپ کو شکایت نہیں ہونی چاہیئے کہ میں دوسروں کی شاعری نہیں پڑھتا۔

 

[فرخ منظور]

شکریہ سخنور، اب تو آپ کو شکایت نہیں ہونی چاہیئے کہ میں دوسروں کی شاعری نہیں پڑھتا۔

جی راجا صاحب - آپ نے اچھی شکایت دور کی لیکن خرم سے اب بھی شکایت ہے - خرّم تو کسی غزل کو یہ بھی نہیں‌ کہتے کہ اچھی ہے -

 

[محمد وارث]

بہت اچھی غزل ہے، شکریہ راجا صاحب شیئر کرنے کیلیئے!

 

[محمداحمد]

پھر کسی کا خون بہےگا،اور خبر
دفتری خانہ پری بن جائے گی

واہ! راجا بھیا عبید صاحب کی بہت اچھی غزل کا انتخاب کیا ہے آپ نے۔

خوش رہیے!

 

[ایم اے راجا]

جی راجا صاحب - آپ نے اچھی شکایت دور کی لیکن خرم سے اب بھی شکایت ہے - خرّم تو کسی غزل کو یہ بھی نہیں‌ کہتے کہ اچھی ہے -

بہت شکریہ، امید ہیکہ خرم بھی اب بھی کوشش کرے گا