غزل - ملتے ہی خود کو آپ سے وابستہ کہہ دیا - مرتضٰی برلاس

[محمد وارث]

ملتے ہی خود کو آپ سے وابستہ کہہ دیا
محسوس جو کیا وہی برجستہ کہہ دیا​

میں چپ ہُوا تو زخم مرے بولنے لگے
سب کچھ زبانِ حال سے لب بستہ کہہ دیا​

خورشیدِ صبحِ نو کو شکایت ہے دوستو
کیوں شب سے ہم نے صبح کو پیوستہ کہہ دیا​

چلتا رہا تو دشت نوردی کا طنز تھا
ٹھرا ذرا تو آپ نے پا بستہ کہہ دیا​

دیکھا تو ایک آگ کا دریا تھا موجزن
اس دورِ نا سزا نے جسے رستہ کہہ دیا​

دیکھی گئی نہ آپ کی آزردہ خاطری
کانٹے ملے تو ان کو بھی گلدستہ کہہ دیا​

(مرتضٰی برلاس)​

۔​

 

[فاتح]

بہت خوب وارث صاحب!
مطلع کی خوبصورتی اور "برجستگی" کی داد تو میں اس سے قبل ذپ میں دے چکا ہوں۔ یہ شعر بھی انتہائی اعلٰی ہے:
چلتا رہا تو دشت نوردی کا طنز تھا
ٹھہرا ذرا تو آپ نے پا بستہ کہہ دیا

 

[محمد وارث]

بہت شکریہ فاتح صاحب آپ کا، واقعی اچھی غزل ہے۔ مطلع تو بس بیت الغزل ہے۔

۔

 

[فرحت کیانی]

ملتے ہی خود کو آپ سے وابستہ کہہ دیا
محسوس جو کیا وہی برجستہ کہہ دیا​

میں چپ ہُوا تو زخم مرے بولنے لگے
سب کچھ زبانِ حال سے لب بستہ کہہ دیا​

خورشیدِ صبحِ نو کو شکایت ہے دوستو
کیوں شب سے ہم نے صبح کو پیوستہ کہہ دیا​

چلتا رہا تو دشت نوردی کا طنز تھا
ٹھرا ذرا تو آپ نے پا بستہ کہہ دیا​

دیکھا تو ایک آگ کا دریا تھا موجزن
اس دورِ نا سزا نے جسے رستہ کہہ دیا​

دیکھی گئی نہ آپ کی آزردہ خاطری
کانٹے ملے تو ان کو بھی گلدستہ کہہ دیا​

(مرتضٰی برلاس)​

۔​

بہت خوب وارث۔۔۔اس غزل کے تمام اشعار ایک سے بڑھ کر ایک ہیں بہت شکریہ

 

[محب علوی]

وارث خوب انتخاب ہے اور ایک سے بڑھ کر ایک غزل پیش کی جارہی ہے۔

 

[محمد وارث]

بہت خوب وارث۔۔۔اس غزل کے تمام اشعار ایک سے بڑھ کر ایک ہیں بہت شکریہ

پسندیدگی کیلیے آپ کا بھی شکریہ۔

۔

 

[محمد وارث]

وارث خوب انتخاب ہے اور ایک سے بڑھ کر ایک غزل پیش کی جارہی ہے۔

شکریہ محب۔

۔

 

[تلمیذ]

واہ وارث صاحب ! ان اچھے وقتوں کے کیسے خوش گو شاعر کو ڈھونڈھ نکالا ہے اور انتخاب بھی کیسی عمدہ غزل کا کیا ہے ، جس نے ماضی کا وہ حسین وقت ذہن کے نہاں خانوں میں سے نکال کر سامنے رکھ دیا ہے جب مرحوم میرے شہرمیں اسسٹنٹ کمشنر تعینات تھے اور ادبی محفلوں کی جان تھے ، جو ان دنوں ؔؔآج سے کہیں زیادہ ہوا کرتی تھیں۔


مقدور ہو تو خاک سے پُوچھوں کہ اے لئیم
تو نے وہ گنج ہائے گراں مایہ کیا کیے؟

آپ کے ذوقِ لطیف کی داد دٕیے بغیر نہیں رہا جا سکتا ۔ جزاک اللہ !!!

 

[محمد وارث]

بہت شکریہ محترم آپ کا۔

ایک انتخاب میں تھی یہ غزل اور بہت اچھی لگی مجھے سو پوسٹ کردی۔

کیا آپ مزید کچھ تفصیلات بتا سکتے ہیں برلاس صاحب کے بارے میں، کچھ انکی شاعری، یا واقعہ یا کوئی یاد۔

۔

 

[تلمیذ]

بہت شکریہ محترم آپ کا۔

ایک انتخاب میں تھی یہ غزل اور بہت اچھی لگی مجھے سو پوسٹ کردی۔

کیا آپ مزید کچھ تفصیلات بتا سکتے ہیں برلاس صاحب کے بارے میں، کچھ انکی شاعری، یا واقعہ یا کوئی یاد۔

۔

نہیں وارث صاحب ۔۔۔۔ ان کے بارے میں کچھ زیادہ نہیں جانتا فقط ایک ؔؔؔآدھ بار انہیں مقامی محفلوں میں سننے کا اتفاق ہوا تھا لیکن صغر سنی کے باعث اس قابل شخصیت کی قدر شناسی سے محروم تھا اس لئے کچھ زیادہ یاد نہیں۔

بہر حال وہ ایک اچھے شاعر تھے ۔۔

 

[عمر سیف]

دیکھا تو ایک آگ کا دریا تھا موجزن
اس دورِ نا سزا نے جسے رستہ کہہ دیا

بہت خوب ۔۔۔۔

 

[محمد وارث]

بہت شکریہ آپ کا۔

۔

 

[شیزان]

دیکھا تو ایک آگ کا دریا تھا موجزن​

اس دورِ نا سزا نے جسے رستہ کہہ دیا​

عمدہ انتخاب۔۔ شکریہ قبول کیجئے
​

 

[لاریب مرزا]

ملتے ہی خود کو آپ سے وابستہ کہہ دیا
محسوس جو کیا وہی برجستہ کہہ دیا​

میں چپ ہُوا تو زخم مرے بولنے لگے
سب کچھ زبانِ حال سے لب بستہ کہہ دیا​

​

​

واہ واہ، بہت خوبصورت انتخاب!!

 

[محمد وارث]

شکریہ شیزان صاحب اور لاریب انتخاب پسند فرمانے کے لیے۔

(اپنا انتخاب دیکھ کر خوشی سی ہوئی کہ کبھی میں بھی اردو شاعری پوسٹ کیا کرتا تھا)

 

[لاریب مرزا]

(اپنا انتخاب دیکھ کر خوشی سی ہوئی کہ کبھی میں بھی اردو شاعری پوسٹ کیا کرتا تھا)

وقت کے ساتھ ساتھ ترجیحات بدل جاتی ہیں۔

 

[صفی حیدر]

لاجواب ۔۔۔ ذوقِ انتخاب کی داد قبول کیجئے ۔۔۔۔

 

[محمد وارث]

لاجواب ۔۔۔ ذوقِ انتخاب کی داد قبول کیجئے ۔۔۔۔

شکریہ محترم۔

 

[غدیر زھرا]

چلتارہا تو دشت نوردی کا طنز تھا
ٹھہرا ذرا تو آپ نے پا بستہ کہہ دیا

کیا کہنے لاجواب..

 

[غدیر زھرا]

مقدور ہو تو خاک سے پُوچھوں کہ اے لئیم
تو نے وہ گنج ہائے گراں مایہ کیا کیے؟

سر : (