غزل - تیری رحمت اتھاہ! یا اللہ - غالب ایاز

[محمداحمد]

غزل

تیری رحمت اتھاہ! یا اللہ
میں غریقِ گناہ، یا اللہ

دور بینی کے پر بہت چھوٹے
سازشیں بے پناہ! یا اللہ

کتنی آباد ہیں کمیں گاہیں
لُٹ گئی خانقاہ! یا اللہ

کیا کرے اب ترا سپاہ سالار
ڈر گئی ہے سپاہ! یا اللہ

زندگی کتنی جبر ہے پھر بھی
کیوں ہے جینے کی چاہ! یا اللہ

آنسوؤں کی پکار اب سُن لے
کھول بخشش کی راہ! یا اللہ


غالب ایاز

​

 

[مغزل]

بھیا میرے بہت شکریہ
مجھے یہ کلام غزل نہیں حمدیہ مناجات لگ رہا ہے ۔
جانے کیوں ۔۔ ؟؟
مزید یہ کہ اس میں دوہے کا رنگ بھی اغلب ہے ۔۔

 

[محمداحمد]

جی بھائی

یہ کلام دعا کی طرز کا معلوم ہوتا ہے چونکہ غزل کی شکل میں ہے اور شاعر نے خود بھی اسے غزل ہی لکھا ہے۔ غالب ایاز سے انہی دنوں انٹرنیٹ پر شناسائی ہوئی ہے بہت اچھے شاعر ہیں میں نے اُنہیں یہاں آنے کی دعوت دی ہے ۔ انشاءاللہ جلد ہی وہ ہمارے درمیان ہوں گے۔

والسلام

محمد احمد

 

[محمد وارث]

واہ واہ واہ، سبحان اللہ۔

بہت شکریہ احمد صاحب۔

 

[محمداحمد]

farooqi1, جیا راؤ, جیہ, سخنور, محمد وارث, م۔م۔مغل

بہت شکریہ آپ تمام احباب کا

 

[مغزل]

احمد غالب ایاز سے ملاقات کب کروارہے ہو؟؟

 

[محمداحمد]

احمد غالب ایاز سے ملاقات کب کروارہے ہو؟؟

مغل بھائی

غالب ایاز سے آج تک میری بھی ملاقات نہیں ہوئی کہ غالب صاحب نئی دہلی ، بھارت میں مقیم ہیں اور ہم کراچی والوں سے بھی بامشکل ہی مل پاتے ہیں۔

 

[الف عین]

اچھے شاعر ہیں غالب ایاز۔۔ اچھا ہوا کی یہاں آ گئے۔
محمود ان کو خوش آمدید کہہ چکا ہوں میں۔ لیکن اپنی شاعری خود پوسٹ کریں تو اچھا ہو۔