نظر لکھنوی غزل: بہ ہر صورت یہ دیکھا ہے کسی صورت زیاں پہنچا ٭ نظرؔ لکھنوی

[محمد تابش صدیقی]

بہ ہر صورت یہ دیکھا ہے کسی صورت زیاں پہنچا
نشیمن پایۂ تکمیل تک میرا کہاں پہنچا

پئے سجدہ جھکی جاتی ہے کیوں لوحِ جبیں اپنی
یہیں نزدیک اب شاید مقامِ آستاں پہنچا

ہمارے چار تنکوں کے نشیمن کا خدا حافظ
کہ اب صحنِ چمن تک شعلۂ برقِ تپاں پہنچا

سمجھ لے گا حقیقت سوزِ دل کی اے جفا پیشہ
کوئی نالہ جو تا حدِ فرازِ آسماں پہنچا

محمد عبد الحمید صدیقی نظرؔ لکھنوی​

 

[فاتح]

سبحان اللہ کیا کہنے۔ خوبصورت انتخاب

 

[محمد تابش صدیقی]

سبحان اللہ کیا کہنے۔ خوبصورت انتخاب

شکریہ جناب