غزل: آئینہ مجھ کو پس و پیش میں تکتا کیوں ہے

احباب گرامی ، سلام عرض ہے !
صابرہ امین بہن کی ایک حالیہ غزل نے مجھے اپنی ایک غزل کی یاد دلا دی جو میں نے سال ۲۰۰۴ء میں کہی تھی . ان کی فرمائش پر وہ غزل پیش ہے . ملاحظہ فرمائیے اور اپنی رائے سے نوازیے .

آئینہ مجھ کو پس و پیش میں تکتا کیوں ہے
مجھ میں خامی ہے تو کہنے میں جھجکتا کیوں ہے

جستجو جس کی ہو ایسا تو نہیں کچھ مجھ میں
ایک سایہ مرے اطراف بھٹکتا کیوں ہے

تجھ سے کچھ ربط نہیں ہے تو بھلا تیرا خیال
پھول بن کر مری سانسوں میں مہکتا کیوں ہے

تو نے خود راہِ محبت کو چُنا تھا ، اے دِل
اب یہ تنہائی میں راتوں کی سسکتا کیوں ہے

کون آئیگا مرے پاس ، کسے فرصت ہے
دِلِ دیوانہ ہر آہٹ پہ دھڑکتا کیوں ہے

واقفِ عشق نہیں جو وہ بھلا کیا جانے
موت كے منہ میں بھی پروانہ تھرکتا کیوں ہے

بے ضرر ذرّۂ خاشاک سا میرا یہ وجود
جانے احباب کی آنكھوں میں کھٹکتا کیوں ہے

جیتے جی لاش کی مانند کوئی ہو جائے
اِس قدر جسم رہِ دہر میں تھکتا کیوں ہے

کیسے مانوں کہ بہت خوش ہو یہاں تم عابدؔ
غم نہیں ہے تو پِھر آنكھوں سے ٹپکتا کیوں ہے

نیازمند ،
عرفان عابدؔ
 

الف عین

لائبریرین
واہ، کیا اچھی غزل ہے
مطلع پر شہریار یاد آ گئے
کیا کوئی نئی بات نظر آئی ہے مجھ میں
آئینہ مجھے دیکھ کے حیران سا کیوں ہے
 

ظہیراحمدظہیر

لائبریرین
بہت خوب ! اچھے اشعار ہیں ، عرفان بھائی! داد قبول کیجیے۔
مطلع پڑھ کر ایک سوال ذہن میں آتا ہے: "کہنے میں جھجکتا کیوں ہے" کے بجائے "کہنے سے جھجکتا کیوں ہے" بہتر نہیں ہوگا ؟! مقبولِ عام محاورہ تو" کسی چیز سے جھجکنا"ہے ۔
 

صابرہ امین

لائبریرین
احباب گرامی ، سلام عرض ہے !
صابرہ امین بہن کی ایک حالیہ غزل نے مجھے اپنی ایک غزل کی یاد دلا دی جو میں نے سال ۲۰۰۴ء میں کہی تھی . ان کی فرمائش پر وہ غزل پیش ہے . ملاحظہ فرمائیے اور اپنی رائے سے نوازیے .

آئینہ مجھ کو پس و پیش میں تکتا کیوں ہے
مجھ میں خامی ہے تو کہنے میں جھجکتا کیوں ہے

جستجو جس کی ہو ایسا تو نہیں کچھ مجھ میں
ایک سایہ مرے اطراف بھٹکتا کیوں ہے

تجھ سے کچھ ربط نہیں ہے تو بھلا تیرا خیال
پھول بن کر مری سانسوں میں مہکتا کیوں ہے

تو نے خود راہِ محبت کو چُنا تھا ، اے دِل
اب یہ تنہائی میں راتوں کی سسکتا کیوں ہے

کون آئیگا مرے پاس ، کسے فرصت ہے
دِلِ دیوانہ ہر آہٹ پہ دھڑکتا کیوں ہے

واقفِ عشق نہیں جو وہ بھلا کیا جانے
موت كے منہ میں بھی پروانہ تھرکتا کیوں ہے

بے ضرر ذرّۂ خاشاک سا میرا یہ وجود
جانے احباب کی آنكھوں میں کھٹکتا کیوں ہے

جیتے جی لاش کی مانند کوئی ہو جائے
اِس قدر جسم رہِ دہر میں تھکتا کیوں ہے

کیسے مانوں کہ بہت خوش ہو یہاں تم عابدؔ
غم نہیں ہے تو پِھر آنكھوں سے ٹپکتا کیوں ہے

نیازمند ،
عرفان عابدؔ
عمدہ اشعار سے مزین غزل۔
آپ نے قوافی کا استعمال نہایت اچھے انداز سے کیا ہے۔
بیس سال پہلے بھی آپ کی شاعری اتنی ہی متاثر کن تھی جتنی کہ اب ہے۔ ڈھیروں داد قبول کیجیے۔
 
بہت خوب ! اچھے اشعار ہیں ، عرفان بھائی! داد قبول کیجیے۔
مطلع پڑھ کر ایک سوال ذہن میں آتا ہے: "کہنے میں جھجکتا کیوں ہے" کے بجائے "کہنے سے جھجکتا کیوں ہے" بہتر نہیں ہوگا ؟! مقبولِ عام محاورہ تو" کسی چیز سے جھجکنا"ہے ۔
ظہیر بھائی ، آپ کی گراں قدر داد کا دلی شکریہ ! میری نگاہ سے ’میں جھجکنا‘ اور ’سے جھجکنا‘ دونوں گزرے ہیں . ’میں جھجکنا‘ کی ایک مثال دیکھیے :

اسے معلوم تھا اک موج مرے سَر میں ہے
وہ جھجکتا تھا مجھے حکمِ سفر دینے میں ( راجندر منچندا بانیؔ )

لیکن غور کرنے پر احساس ہوا کہ ’سے جھجکنا‘ زیادہ روا ہے . لہٰذا آپ کی بات سے متفق ہوں .
 
عمدہ اشعار سے مزین غزل۔
آپ نے قوافی کا استعمال نہایت اچھے انداز سے کیا ہے۔
بیس سال پہلے بھی آپ کی شاعری اتنی ہی متاثر کن تھی جتنی کہ اب ہے۔ ڈھیروں داد قبول کیجیے۔
صابرہ بہن ، ذرہ نوازی کا بہت بہت شکریہ ! یہ تو آپ جیسے فراخ دِل قارئین ہیں جنہیں میری تکبندیاں پسند آ جاتی ہیں ، ورنہ میں تو احباب کی اعلیٰ شاعری پڑھ کر کبھی کبھی سوچتا ہوں کہ شاعری چھوڑ کر کوئی اور کام کروں . :)
 

صابرہ امین

لائبریرین
صابرہ بہن ، ذرہ نوازی کا بہت بہت شکریہ ! یہ تو آپ جیسے فراخ دِل قارئین ہیں جنہیں میری تکبندیاں پسند آ جاتی ہیں ، ورنہ میں تو احباب کی اعلیٰ شاعری پڑھ کر کبھی کبھی سوچتا ہوں کہ شاعری چھوڑ کر کوئی اور کام کروں . :)
آپ بہت عمدہ شاعری کرتے ہیں جو دل پر اثر کرتی ہے۔ چھوڑنے کا ارادہ ہے تو فورا ترک کر دیجیئے۔ اچھا شاعر ہونا تو خوش نصیبی ہے آپکی۔
 
آپ بہت عمدہ شاعری کرتے ہیں جو دل پر اثر کرتی ہے۔ چھوڑنے کا ارادہ ہے تو فورا ترک کر دیجیئے۔ اچھا شاعر ہونا تو خوش نصیبی ہے آپکی۔
صابرہ بہن ، آپ كے پر محبت کلمات میرے لیے بے حد ہمت افزا اور قیمتی ہیں . جزاک اللہ .
 

محمداحمد

لائبریرین
سبحان اللہ بہت ہی خوب غزل ہے عرفان بھائی

بہت اچھے اشعار ہیں۔ بلکہ سب ایک سے بڑھ کر ایک ہیں۔

بہت داد قبول کیجے۔ :redheart:
 

جاسمن

لائبریرین
صابرہ بہن ، ذرہ نوازی کا بہت بہت شکریہ ! یہ تو آپ جیسے فراخ دِل قارئین ہیں جنہیں میری تکبندیاں پسند آ جاتی ہیں ، ورنہ میں تو احباب کی اعلیٰ شاعری پڑھ کر کبھی کبھی سوچتا ہوں کہ شاعری چھوڑ کر کوئی اور کام کروں . :)

:unsure:
 
Top