عید اور چاند رات کے موضوعات پر اشعار!

فرقان احمد

محفلین
لیجیے صاحب!

ابتدا ہم کیے دیتے ہیں ۔۔۔!!!


کتنی پلکوں سے فضاؤں میں ستارے ٹوٹے
کتنے افسانوں کا عنوان بنا ۔۔۔۔۔ عید کا چاند
 

فرقان احمد

محفلین
چاند دیکھا تری آنکھوں میں، نہ ہونٹوں پہ شفق
ملتی جلتی ہے شبِ غم سے تری دید اب کے

دل دُکھا ہے نہ وہ پہلا سا، نہ جاں تڑپی ہے
ہم ہی غافل تھے کہ آئی ہی نہیں عید اب کے
 
عیدگاہِ ما غریباں روئے تو
انبساطِ عید دیدن روئے تو
صد ہزاراں عید قربانت کنم
اے ہلالِ ما خمِ ابروئے تو
(نامعلوم)​
ترجمہ:
ہم غریبوں کی عیدگاہ تیرا چہرہ ہے۔ عید کی مسرت تجھے دیکھنا ہے۔ اے میرے چاند، لاکھوں عیدیں تیرے ابروؤں کے خم پر قربان کر دوں!
 

غدیر زھرا

لائبریرین
آئی عید و دل میں نہیں کچھ ہوائے عید
اے کاش میرے پاس تو آتا بجائے عید

قربان سو طرح سے کیا تجھ پر آپ کو
تو بھی کبھو تو جان نہ آیا بجائے عید

جتنے ہیں جامہ زیب جہاں میں سبھوں کے بیچ
سجتی ہے تیرے بر میں سراپا قبائے عید

(حاتم، شیخ ظہور الدین)
 

غدیر زھرا

لائبریرین
عیدگاہِ ما غریباں روئے تو
انبساطِ عید دیدن روئے تو
صد ہزاراں عید قربانت کنم
اے ہلالِ ما خمِ ابروئے تو
(نامعلوم)​
ترجمہ:
ہم غریبوں کی عیدگاہ تیرا چہرہ ہے۔ عید کی مسرت تجھے دیکھنا ہے۔ اے میرے چاند، لاکھوں عیدیں تیرے ابروؤں کے خم پر قربان کر دوں!
سر یہ اشعار امداد اللہ مہاجر مکی (رح) کے ہیں..
 

الشفاء

لائبریرین
اُدھر سے چاند تم دیکھو ادھر سے چاند ہم دیکھیں
نگاہیں جونہی ٹکرائیں ہماری عید ہو جائے ۔۔۔:)
 
Top