علوی نستعلیق اور ڈیسک ٹاپ پبلشنگ

نبیل نے 'علوی نستعلیق فونٹ ٹیسٹنگ' کی ذیل میں اس موضوع کا آغاز کیا، ‏نومبر 3, 2008

  1. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    اب جبکہ علوی نستعلیق فونٹ ریلیز ہو چکا ہے تو اب اسے اردو کمپوزنگ اور پبلشنگ کے مقاصد کے لیے بھی استعمال کیا جائے گا۔ عام ورڈپروسیسر جیسے کہ مائیکروسوفٹ ورڈ میں یہ ٹھیک کام کرتا۔ عمومی طور پر مائیکروسوفٹ آفس کی اپلیکیشنز میں یہ فونٹ درست کام کرتا ہے۔ لیکن سوال یہ پیدا ہوتا ہے کہ کیا علوی نستعلیق کو ڈیسک ٹاپ پبلشنگ سوفٹویر میں استعمال کرنا ممکن ہے۔ میرے ذہن میں ذیل کے مشہور ڈیسک ٹاپ پبلشنگ سوفٹویر موجود ہیں:

    - QuarkXpress
    - Adobe InDesign
    -Microsoft Publisher

    میرے اندازے کےمطابق علوی نستعلیق صرف مائیکروسوفٹ پبلشر میں درست کام کرے گا اگرچہ مائیکروسوفٹ پبلشر ایک لوانٹری ڈیسک ٹاپ پبلشنگ پیکج ہے۔ جہاں تک ان ڈیزائن کا تعلق ہے تو اس میں بھی صرف ترسیمہ جات والے الفاظ ٹھیک نظر آئیں گے جبکہ بیس فونٹ میں الفاظ صحیح نظر نہیں آئیں گے۔ بہرحال یہ سب کچھ تو ٹیسٹنگ کے ذریعے ہی پتا چلے گا۔ اگر کوئی علوی نستعلیق کو ڈیسک ٹاپ پبلشنگ سوفٹویر کے ساتھ ٹیسٹ کریں تو وہ یہاں اپنے نتائج ضرور شئیر کریں اور ساتھ یہ بھی بتاتے جائیں کہ ان سوفٹویر کے کس ورژنز کے ساتھ یہ ٹیسٹنگ کی گئی تھی۔
     
    • پسندیدہ پسندیدہ × 7
  2. عارف انجم

    عارف انجم محفلین

    مراسلے:
    143
    جھنڈا:
    Pakistan
    ونڈوز میں مائیکرو سافٹ ورڈ سے بھی زیادہ عمدہ کارکردگی اس نے اوپن آفس(ونڈوز ورژن) میں دکھائی ہے۔ درحقیقت ونڈوز پر اوپن آفس میں یہ اردو کا تیز ترین فونٹ ہے۔ ایشیا ٹائپ بھی اوپن آفس میں اتنی اچھی کارکردگی کا مظاہرہ نہیں کر پاتا۔ ایم ایس ورڈ میں ٹائپ کرتے ہوئے الفاظ تھوڑے بہت آگے پیچھے ہوتے رہے ہیں جس سے اگرچہ رفتار پر اثرنہیں پڑتا لیکن الجھن ہوتی ہے۔ اوپن آفس میں یہ مسئلہ نہیں۔
     
    • پسندیدہ پسندیدہ × 5
  3. ساجداقبال

    ساجداقبال محفلین

    مراسلے:
    2,018
    میں Illustrator پر چیک کرکے لکھتا ہوں کچھ دیر میں۔
     
    • پسندیدہ پسندیدہ × 1
  4. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    میری گزارش ہے کہ اس تھریڈ پر صرف ڈیسک ٹاپ پبلشنگ سوفٹویر پر علوی نستعلیق کے استعمال کے نتائج پر گفتگو کی جائے۔
     
    • پسندیدہ پسندیدہ × 2
  5. ساجداقبال

    ساجداقبال محفلین

    مراسلے:
    2,018
    مائیکروسافٹ پبلشر چونکہ آفس کا ہی حصہ ہے تو آفس کے دوسرے پروگراموں کیطرح اس میں بھی علوی نستعلیق کی سپورٹ بہترین ہے۔ یہ ہے آفس 2007 پبلشر:
    [​IMG]
    کیا مزید پیچیدہ کوئی ٹیسٹنگ کرنی ہے اسکی؟
     
    • پسندیدہ پسندیدہ × 6
  6. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    شکریہ ساجد، مجھے توقع تھی کہ مائیکروسوفٹ پبلشر میں علوی نستعلیق فونٹ درست کام کرےگا۔ اس کی کافی ٹیسٹنگ کرنی چاہیے۔ میرے خیال میں ابھی ایڈوبی کی پراڈکٹس پر علوی نستعلیق کے نان لگیچر الفاظ صحیح نہیں لکھے جائیں گے۔

    پیچیدہ ٹیسٹنگ اگر کر سکتے ہو تو ایک اخبار کا لے آؤٹ بنا کر دیکھو۔ :)
     
    • پسندیدہ پسندیدہ × 4
  7. ساجداقبال

    ساجداقبال محفلین

    مراسلے:
    2,018
    یہ لیجیے لیکن زیادہ پیچیدہ یہ بھی نہیں:
    [​IMG]
     
    • پسندیدہ پسندیدہ × 7
  8. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    نبیل بھائی یہ مسئلہ کوئی لاکھ بار ڈسکس ہو چکا ہے کہ اڈوبی پراڈکٹس وولٹ کے cursive attachment فنکشن کو اسپورٹ نہیں کرتے۔ اسی لئے نان لگیچر الفاظ توڑ پھوڑ کا شکار ہو جاتے ہیں۔ quarkxpress میں اردو اسپورٹ کیلئے پلگ انز درکار ہیں جو مفت میں ملتے نہیں۔۔۔۔
     
    • پسندیدہ پسندیدہ × 1
  9. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    ہا ہا ہا۔۔
    زبردست لے آؤٹ ہے اور کیا خوب اخبار ہے۔ :)
    کیا تم ہی اس اخبار کے مدیر ہو؟
    مجھے لگتا ہے کہ آنے والے دنوں میں مائیکروسوفٹ پبلشر کا استعمال بہت پھیلنے والا ہے کیونکہ یہ اس وقت واحد ڈی ٹی پی پیکج ہے جوعلوی نستعلیق کو سپورٹ کر رہا ہے۔ اور میرے خیال میں مائیکروسوفٹ پبلشر انپیج سے کئی نوری سال (light years) آگے ہوگا۔ مستقبل کا نقشہ آپ خود کھینچ سکتے ہیں۔ :)
     
    • پسندیدہ پسندیدہ × 11
  10. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    بالکل ٹھیک ہے، میں سوچا کہ ایک لاکھ ایک ویں مرتبہ اس مسئلے کا ذکر کر دوں۔
    ان مسائل کا ذکر کرنے کا مقصد اپنے تجربات شیئر کرنا ہوتا کہ شاید کسی کو اس کا حل معلوم ہو۔ ہو سکتا ہے کہ ایڈوبی کی پراڈکٹس میں مستقبل میں cursive فونٹس کی مکمل سپورٹ شامل ہو جائے۔ یہ بھی ممکن ہے کہ کوئی ہیکر ایڈوبی کی پراڈکٹس میں یونی سکرائب کو سپورٹ کو پیچ کردے اور یہ سپورٹ اس میں خود بخود شامل ہو جائے۔ ہونے کو کچھ بھی ہو سکتا ہے۔
     
    • پسندیدہ پسندیدہ × 2
  11. دوست

    دوست محفلین

    مراسلے:
    13,081
    جھنڈا:
    Germany
    موڈ:
    Fine
    سکرائبس اچھا اوپن سورس پبلشنگ پلیٹ‌فارم ہے۔ لیکن اس میں دائیں‌سے بائیں‌ زبانوں کی سپورٹ‌ بہت بری ہے۔ اس میں‌عربی، عبرانی کی سپورٹ‌ڈالنے کا وعدہ تو ہے لیکن دیکھیں کب وفا ہوتا ہے۔ یہ پروگرام پی ڈی ایف بہت اچھے تخلیق کرتا ہے۔
     
    • پسندیدہ پسندیدہ × 2
  12. علوی امجد

    علوی امجد محفلین

    مراسلے:
    300
    جھنڈا:
    Pakistan
    موڈ:
    Brooding
    نبیل بھائی!
    یہ اس فانٹ کا ابتدائی اور ٹرائل ورژن تھا اور ساتھ میرا بھی پہلا نستعلیقی تجربہ بھی تھا۔ میں دعویٰ تو نہیں کرتا ہوں لیکن انشاء اللہ اگلا ورژن بہت مختلف اور مکمل فانٹ ہوگا۔جو ویب اور ڈسک ٹاپ پبلشنگ (خصوصا ایڈوبے کی پراڈکٹس وغیرہ) دونوں میں نمایاں ہوگا۔ صرف آپ کی دعا اور حوصلہ افزائی چاہیئے۔
     
    • پسندیدہ پسندیدہ × 9
  13. ساجداقبال

    ساجداقبال محفلین

    مراسلے:
    2,018
    مدیر کا نام تو میں نبیل الرحمٰن شامی لکھ رہا تھا، پر میں نے سوچا کچھ ذاتیات والا قصہ ہو جائیگا۔
    پبلشر کے لے آؤٹس دیکھ کر میں سوچ رہا ہوں کہ ان سے تو سی ایس یس کے اچھے خاصے ڈیزائن بن سکتے ہیں۔
     
    • پسندیدہ پسندیدہ × 2
  14. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    بھائی جان اس وجہ سے میں بھی بہت تنگ پڑا ہوں۔ ٹائپو فائل، اڈوبی، وولٹ کمیونیٹی اور نہ جانے کہاں کہاں سر کھپایا ہے۔ سب کا ایک ہی جواب ہے کہ اڈوبی والے مائکروسافت‌ سے ''دشمنی'' کی وجہ سے اسکی اسپورٹ شامل نہیں کر رہے۔ ہیکنگ والا آئیڈیا خوب رہے گا، لیکن یہ کرے گا کون؟ شاید کوئی ایرانی۔۔۔۔۔
     
  15. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    ساجد بھائی کیا اخبار نکالا ہے
     
  16. راسخ کشمیری

    راسخ کشمیری محفلین

    مراسلے:
    854
    جھنڈا:
    Pakistan
    موڈ:
    Busy
    ان ڈیزائن سی ایس ورزن ۳ میں‌ لکھا اور درج ذیل تصویر واضح ہوئی

    علوی صاحب نے خوشخبری دی ہے کہ آئندہ یہ مسئلہ بھی ہوجائے گا

    بہت خوب
     

    منسلک فائلیں:

    • InD.GIF
      InD.GIF
      File size:
      6.6 KB
      مناظر:
      19
  17. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    میں نے گزشتہ روز علوی نستعلیق کو اوبنٹو لینکس پر ویکٹر گرافکس سافٹ ویئر "انک اسکیپ" اور راسٹر گرافک سافٹ ویئر "گمپ" پر چیک کیا، اتنا شاندار نتیجہ آیا کہ میں حیران رہ گیا، آپ بھی ملاحظہ کیجیے:
    یہ انک اسکیپ پر
    [​IMG]



    اور یہ گمپ پر:
    [​IMG]
     
    • پسندیدہ پسندیدہ × 11
  18. عارف انجم

    عارف انجم محفلین

    مراسلے:
    143
    جھنڈا:
    Pakistan
    ابوشامل، شاکر اور دیگر حضرات جو لینکس استعمال کرتے ہیں، ان سب سے درخواست ہے کہ وہ ونڈوز پر کثیر الاستعمال سافٹ ویئرز کے لینکس میں ’’اوپن سورس‘‘ متبادل کے بارے میں‌معلومات فراہم کریں، تاکہ لوگ جلد سے جلد لیکنس پر منتقل ہوجائیں اور علوی نستعلیق کو اسی پلیٹ فارم پر ٹیسٹ کیا جا سکے۔

    متبادل سافٹ ویئرز کی ایک مثال مائیکروسافٹ آفس کے مقابلے میں اوپن آفس ہے۔ اسی طرح دیگر سافٹ ویئرز کے متبادل بھی ہوسکتے ہیں۔ مثلآ

    ایڈوب فوٹو شاپ کا بہترین نعم البدل کیا ہے؟

    کوارک ایکسپریس کا متبادل کیا ہوسکتا ہے ؟ ایسا متبادل جو ہمیں لینکس پر ان پیج کی طرح‌پیج میکنگ کی سہولت فراہم کردے۔

    کورل ڈرا یا فری ہینڈ کی خوبیاں کون سے اوپن سورس سافٹ ویئر میں حاصل ہوسکتی ہیں ، جسے لینکس پر استعمال کیا جاسکے؟
     
    • پسندیدہ پسندیدہ × 2
  19. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    عارف بھائی! لینکس میں فوٹو شاپ کا متبادل GIMP ہے جبکہ کورل ڈرا یا فری ہینڈ کا بہترین متبادل Inkscape ہے۔ علاوہ ازیں پیج میکنگ کے لیے Scribus بہت اچھا سافٹ ویئر ہے لیکن بدقسمتی سے اس میں ابھی تک عربی اسکرپٹ میں لکھی جانے والی زبانوں کی سپورٹ موجود نہیں۔ اول الذکر دونوں سافٹ ویئر بہت عمدہ اور معیاری ہیں۔
     
    • پسندیدہ پسندیدہ × 2
  20. نبیل

    نبیل محفلین

    مراسلے:
    16,804
    جھنڈا:
    Germany
    موڈ:
    Depressed
    شکریہ عارف انجم۔ یہ دیکھ کر خوشی ہوئی کہ انک سکیپ اور گمپ پر علوی نستعلیق ٹھیک چل رہا ہے۔ سکرین شاٹس میں کوئی حرف ٹوٹے ہوئے بھی نظر نہیں آ رہے۔ ہو سکتا ہے کہ ان میں کوئی نان لگیچر لفظ موجود نہ ہو۔ بدقسمتی سے سکریبس میں ابھی تک پیچیدہ سکرپٹس کی سپورٹ شامل نہیں ہے۔ اس سلسلے میں تحقیق کرنی پڑے گی کہ لینکس میں کونسے فونٹ لے آؤٹ انجن میں کمپلیکس سکرپٹس کی سپورٹ‌ شامل ہے جو نستعلیق کو بھی درست دکھا سکے۔ اس کے لیے میں علیحدہ موضوع کا آغاز کروں گا۔
     
    • پسندیدہ پسندیدہ × 2

اس صفحے کی تشہیر