عشق

[جاویداقبال]

السلام علیکم ورحمۃ اللہ وبرکاتہ،


وہ توجاں لے کے بھی ویساہی سبک نام رہا
عشق کے باب میں سارے جرم ہمارے نکلے

والسلام
جاویداقبال

 

[سارہ خان]

عشق اک کوہِ گراں تھا پہلے
اب محبت کے وہ آداب کہاں

 

[شمشاد]

کیا عشق ایک زندگی مستعار کا
کیا عشق پایدار سے ناپایدار کا

وہ عشق جس کی شمع بجھا دے اجل کی پھونک
اس میں مزہ نہیں تپش و انتظار کا

 

[ظفری]

عشق کرنا جو سیکھا تو دُنیا برتنے کا فن آگیا
کاروبارِ جنوں آگیا ہے تو کارِ جہاں آئے ہیں​

 

[شمشاد]

لطف وہ عشق میں پائے ہیں کہ جی جانتا ہے
رنج بھی اتنے اٹھائے ہیں کہ جی جانتا ہے

جو زمانے کے ستم ہیں وہ زمانہ جانے
تم نے دل اتنے دکھائے ہیں کہ جی جانتا ہے

 

[ظفری]

مجھ کو دُشوار ہوا جس کا نظارہ تنہا
کاش مل جائے کہیں مجھ کو دوبارہ تنہا
عذر کیا کیا نہ تراشا کئے اربابِ ہوس
جان دینے کا ہوا عشق کو یارا تنہا​

 

[شمشاد]

عشق کے مضراب سے نغمہ تارِ حیات
عشق سے نورِ حیات، عشق سے نارِ حیات

 

[ظفری]

وہ جو ہمر ہی کا غرور تھا ، وہ سواد راہ میں جل بجھا
تُو ہوا کے عشق میں گھل گیا میں زمیں کی چاہ میں جل بجھا​

 

[شمشاد]

عشق کی مستی سے ہے پیکرِ گُل تابناک
عشق ہے صہبائے خام، عشق ہے کاس الکرام

 

[ظفری]

عشق میں منزل آرام بھی تھی
ہم سر کوچہِ وحشت ٹہرے
​

 

[شمشاد]

عقل کی منزل ہے وہ عشق کا حاصل ہے وہ
حلقہء آفاق میں گرمی محفل ہے وہ

 

[ظفری]

عشق تنہا ہے سرِ منزلِ غم
کون یہ بوجھ اُٹھانے آئے​

 

[شمشاد]

عشق دم جبرئیل، عشق دلِ مصطفٰی
عشق خدا کا رسول، عشق خدا کا کلام

 

[ظفری]

تو میری زندگی ہے مگر جانِ من
اب وہ عشق و محبت کی رسمیں نہیں​

 

[شمشاد]

عشق کی تقویم میں عصرِ رواں کے سوا
اور زمانے بھی ہیں جن کا نہیں کوئی نام

 

[ظفری]

عشق میں دنیا گنوائی ہے نہ جاں دی ہے
پھر بھی ہم اہلِ محبت کی مثالوں میں رہے​

 

[شمشاد]

عشق فقیہہ حرم، عشق امیرِ جنود
عشق ہے ابن السبیل، اس کے ہزاروں مقام

 

[ظفری]

کچھ اس قدر بھی تو آساں نہیں عشق ترا
یہ زہر دل میں اُتر کر ہی راس آتا ہے​

 

[شمشاد]

کبھی آوارہ و بے خانماں عشق
کبھی شاہِ شہاں نوشیرواں عشق
کبھی میداں میں آتا ہے زرہ پوش
کبھی عریاں و بے تیغ و سناں عشق

 

[ظفری]

مال عشق پہلے سے اگر معلوم ہو جائے
جنوں کی لذتوں سے زندگی محروم ہو جائے
بہت دل کش ادائے رقص بسمل ہوتی جاتی ہے
کہیں ایسا نہ ہو ظالم ہی خود مظلوم ہو جائے​