نبیل
تکنیکی معاون
عامر خان باکسنگ کی دنیا کا درخشندہ ستارہ مانا جاتا ہے، اگرچہ اسے اپنی چند تکنیکی خامیوں کے باعث کئی مرتبہ نقصان بھی اٹھانا پڑا ہے۔ عامر خان برطانوی پاکستانی ہے اور اس کے والدین کا تعلق پاکستان سے ہے۔ عامر خان نے 2004 کے اولمپکس میں فلائی ویٹ باکسنگ کے مقابلوں میں سلور میڈل جیتا تھا اور بعد میں اس نے پروفیشنل باکسنگ کا آغاز کر دیا۔ اس وقت عامر خان لائٹ ویٹ کلاس میں ورلڈ چیمپین ہے اور 15 مئی کو اس نے نیویارک میں باکسر مالیناگی کے خلاف عمدہ کارکردگی کا مظاہرہ کرتے ہوئے اپنے ٹائٹل کا کامیاب دفاع کیا ہے۔ جہاں عامر خان کے برق رفتار مکوں کی تعریف کی جاتی ہے وہاں اس کے کمزور دفاع پر تنقید بھی کی جاتی ہے۔ اسی کمزور دفاع کے باعث اسے 2008 میں کولمبین باکسر پریسکوٹ کے خلاف شکست کا سامنا کرنا پڑا تھا۔ اس کے بعد سے عامر خان کی کارکردگی بہتر رہی ہے اور مالیناگی کے خلاف فتح کے بعد اب وہ امریکہ میں بھی سٹار بن گیا ہے۔
