عاطف اسلم کی سریلی آواز میں اسماء الحسنیٰ

اچھی بات ہے مگر سوچ رہا ہوں کہ اب اگر پروفیشنل سنگر بھی "مولویوں" کے کاروبار پر ہاتھ مارنا شروع کر دیں گے تو وہ بیچارے کدھر جائیں گے!

 

واہ ،ماشاءاللہ ۔ بہت عمدہ ۔

 

سبحان اللہ۔ ماشاءاللہ۔

دعا گو ہوں کہ اللہ جی ہم سب کو دین کی طرف مذید رغبت عطا فرمائیں۔ آمین

 

مولویوں نے بھی تو ایک عرصے سے فنکاروں کے کاروبار پر ہاتھ صاف کیا ہوا ہے، کچھ اب فنکاروں کو بھی موقع ملنا چاہیے۔

 

اب درست ہے؟

 

اسے ٹانگیں توڑنا نہیں دور حاضر کے تقاضوں کے مطابق چلنا کہتے ہیں۔ یقین نہیں آتا تو سوشل میڈیا پر عاطف اسلم اور ان فنکاروں کی ویڈیوز کا موازنہ کرکے دیکھ لیں جن کی آپ کے مطابق ٹانگیں توڑی گئی ہیں۔

 

ویسے اسمائے الہی کی اصل یہ ہے کہ انہیں یاد کیا جائے بلکہ ان پر غور کیا جائے۔

 

جنگ اخبار کی یہ خبر بھی اسی سلسلے کی ہے۔

حدیقہ کیانی کی آواز میں سورۂ رحمٰن کی خوبصورت تلاوت

 

سیریس نوٹ پر یہ عرض کرنا چاہتا ہوں کہ قران کو خوش الحانی سے پڑھنے پر کسی مخصوص طبقے کی اجارہ داری نہیں ہے، بلکہ ہر صاحب ایمان کو اپنی بساط کے مطابق تجوید سے قران پڑھنا چاہیے۔ (زینو القران باصواتکم)۔

 

سوشل میڈیا پر اسلام کے روایتی ٹھیکہ دار وں کے علاوہ سب ہی نے عاطف اسلم اور حدیقہ کیانی کو پسند کیا ہے۔

 

یہ بات درست ہے البتہ جن کو تجوید نہیں آتی انہیں صرف اس بنیاد پر قرآن پاک یا اسماءالحسنیٰ پڑھنے سے روکنا بھی ٹھیک نہیں ہے۔ جن کو پسند ہے وہ سُن لیں اور اللہ کا ذکر کریں بے شک وہ بعض کے نزدیک بھونڈا ہی کیوں نہ ہو۔ اسے قبول کرنا نہ کرنا تو بہرحال اللہ تعالیٰ کا ہی کام ہے۔

 

آپ کی بات اصولی طور پر درست ہے لیکن یہ بھی درست ہے کہ اگر آپ کوئی کام قواعد و ضوابط و حدود و قیود کے ساتھ نہیں کر سکتے اور وہ بھی اس صورت میں کہ کوئی دوسرا کام آپ بکمال و تمام کر سکتے ہوں ، تو دنیا کو وہ کام دکھانا بھی احسن نہیں ہے۔ چپکے چپکے اکیلے اکیلے، تنہا تنہا نمدیدہ نمدیدہ پکار کو بھی تو وہ السمیع البصیر سُنتا اور دیکھتا ہی ہے!

 

عاطف اسلم، حدیقہ کیانی اور جینیفر گراؤٹ کی اصل شہرت گلوکاری میں ہے۔ حدیقہ اور جینیفر پر تو خواتین ہونے کے ناطے برسر عام قرآن کی تلاوت پر تو ویسے ہی تاویل ہوتی اگر کہ وہ گلوکارہ اور خوبصورت نہ بھی ہوتیں۔ لیکن عاطف اسلم کی بحیثیت مرد بھی قرآن و حدیث کی برسرعام تلاوت ایک حیرت میں ڈالنے والا عمل ہے۔ ناظر اسماء الہی پر غور و فکر کے بجائے ایک فلمی گلوکار کے ان اسماٰء پڑھنے کی حیرت میں ہی ڈوبا رہے گا۔ ہر عمل کی ایک حقیقت ہوتی ہے اور ناظر اسی میں محو ہوتا ہے۔ جیسے کہ حدیقہ اور جینیفر چاہے قرآن پڑھیں یا نعت، ناظر انکی خوبصورتی ہی ملاحظہ کرے گا نہ کہ قرآن کی آیات پر غور کرے یا نعت کے ذریعے حب رسول ﷺ پائے۔ میرا خیال ہے کہ اپنی موجودہ گلوکاری کی حالت میں عاطف اسلم، حدیقہ کیانی اور جینیفر گراؤٹ تنہائی میں جس قدر چاہیں تلاوت کریں۔ لیکن برسرعام اس سے صرف حیرت حاصل ہو گی۔

یہی حال قوالی کا ہے۔ ایک دور تھا جب شاعر و قوال کسی صوفی بزرگ کے مرید ہوتے۔ وہ باشرع ہوتے۔ نماز و قرآن کی تلاوت کرتے اور اپنے باطن کا خیال رکھتے۔ ایسے میں جب وہ قوالی سناتے تو انکا شیخ اپنے موجودہ مقام سے اوپر اٹھ جاتا۔ یہی وجہ ہے کہ بعض شیخ اگلے مقامات کی مٹھاس سے بالکل ہی بے خبر ہوتے، چنانچہ جب قوالی سے وہ اگلے مقامات طے کرتے تو وجد میں آجاتے۔

 

خواتین ہونے کے ناطے؟ یہ کیا مذاق ہے؟