ظہیراحمدظہیر
لائبریرین
عمر بھر میں نے محبت کی کمائی کے سوا
نہ کیا کچھ بھی ترے در کی گدائی کے سوا
جب کبھی دیدۂ احساس نے دیکھا ہے کہیں
کچھ نہیں پایا تری جلوہ نمائی کے سوا
اور کیا کرتا میں رقاصۂ ہستی تجھے نذر
پاس کچھ تھا ہی نہیں نغمہ سرائی کے سوا
چاہے جس طور چلے دشتِ تمنا میں کوئی
حاصلِ کار نہیں آبلہ پائی کے سوا
اپنے کشکولِ محبت سے نہیں عار مجھے
ممکن اِس میں نہیں کچھ غم کی سمائی کے سوا
سرِ قرطاس رواں ہو تو گرہ کھولے کوئی
زیبِ خامہ نہیں کچھ عقدہ کشائی کے سوا
عشق الزام به لب اور مرے پاس ظہیؔر
کچھ صفائی نہیں اس دل کی صفائی کے سوا
۲۰۲۰ ء
) ترک کرچکا ہوں ۔ اس کلام کو یہاں پوسٹ تو اس لیے کیا تھا کہ میری تمام شاعری اس محفل کے علاوہ انٹرنیٹ یا سوشل میڈیا پر کہیں اور موجود نہیں۔ اور دس سال پہلے شاملِ بزم بھی اسی لیے ہوا تھا کہ زندگی بھر کا سرمایۂ حرف ایک جگہ جمع ہوجائے کہ میں اس دورِ ناسپاس میں کتاب شائع کرنے کا قائل نہیں ۔ویسے بھی ہم برقی کتب کے (پی ڈی ایف