شہید، شہادت، شہدا

[ام اویس]

شہیدوں کے لہو سے جو زمیں سیراب ہوتی ہے
بڑی زرخیز ہوتی ہے بہت شاداب ہوتی ہے

جہاں سے غازیانِ ملّتِ بیضاء گزرتے ہیں
وہاں کی کنکری بھی گوہرِ شب تاب ہوتی ہے

ماہر القادری

 

[ام اویس]

شہید کا یہ مقام کیسا افق کے اس پار جا کے دیکھو
حیات تازہ کے کیا مزے ھے ذرا یہ گردن کٹا کے دیکھو

 

[ام اویس]

مرے خاک و خوں سے تونے یہ جہاں کیا ہے پیدا
صلہء شہید کیا ہے، تب و تاب جاودانہ

 

[ام اویس]

کسی۔ مقام جبر پر شہید ہو گئی ہوں میں
مجھے بھی دفن کیجیے گا سو سلامیوں کے ساتھ

رخشندہ نوید

 

[ام اویس]

ابرو سے ان کے غمزہ تیر ادا لگاتا
یہ دل قتیل ہوتا یہ جاں شہید ہوتی

غلام بھیگ نیرنگ

 

[ام اویس]

پیری ہوئی ہے اس لیے آساں کہ ہم جمیل
لڑتے ہوئے شہید جوانی کے فرش پر

صادق جمیل

 

[ام اویس]

شہید روشنی یہ کہہ گئی ہے لشکر سے
الاؤ درد کا رو رو کے یوں بجھائے نہیں

نوشین قمبرانی

 

[ام اویس]

اے راہ حق کے شہیدو، وفا کی تصویرو
تمہیں وطن کی ہوائیں سلام کہتی ہیں

 

[ام اویس]

کسی سے رابطے اتنے شدید ہو گئے ہیں
کہ ہم لڑے بھی نہیں اور شہید ہو گئے ہیں

 

[ام اویس]

خوں شہیدان وطن کا رنگ لا کر ہی رہا
آج یہ جنت نشاں ہندوستاں آزاد ہے

امین سلونی

 

[ام اویس]

نہ انتظار کرو ان کا اے عزا دارو
شہید جاتے ہیں جنت کو گھر نہیں آتے

صابر ظفر

 

[ام اویس]

حسن بے پردا کی یلغار لئے بیٹھے ہیں
ترچھی نظروں کے کڑے وار لئے بیٹھے ہیں
دیکھیے کون شہادت کی سعادت پائے
ہاتھ میں آج وہ تلوار لئے بیٹھے ہیں

 

[ام اویس]

لہو وطن کے شہیدوں کا رنگ لایا ہے
اچھل رہا ہے زمانے میں نام آزادی

فراق گورکھپوری

 

[ام اویس]

کن شہیدوں کے لہو کے یہ فروزاں ہیں چراغ
روشنی سی جو ہے زنداں کے ہر اک روزن میں

گلنار آفرین

 

[ام اویس]

کیا مول لگ رہا ہے شہیدوں کے خون کا
مرتے تھے جن پہ ہم وہ سزا یاب کیا ہوئے

ساحر لدھیانوی

 

[ام اویس]

اک خونچکاں کفن میں کروڑوں بناؤ ہیں
پڑتی ہے آنکھ تیرے شہیدوں پہ حور کی

مرزا غالب

 

[ام اویس]

اڑاتی ہے وہ تیغ چادر لہو کی
شہیدوں کو خلعت عطا ہو رہا ہے

جلیل مانکپوری

 

[ام اویس]

اے وطن جب بھی سر دشت کوئی پھول کھلا
دیکھ کر تیرے شہیدوں کی نشانی رویا

جعفر طاہر

 

[ام اویس]

گل اس نگہ کے زخم رسیدوں میں مل گیا
یہ بھی لہو لگا کے شہیدوں میں مل گیا

ابراھیم ذوق

 

[ام اویس]

ہمیں دنیا سے کیا حاصل شہادت ہے مشن اپنا
پہاڑوں میں دفن ہوں گے برف ہوگی کفن اپنا۔

نا معلوم