طارق شاہ
محفلین
غزل
کب سماں دیکھیں گے ہم زخموں کے بھر جانے کا
نام لیتا ہی نہیں وقت گُزرجانے کا
جانے وہ کون ہے جو دامنِ دِل کھینچتا ہے
جب کبھی ہم نے اِرادہ کِیا مرجانے کا
دستبردار، ابھی تیری طلب سے ہو جائیں!
کوئی رستہ بھی تو ہو، لَوٹ کے گھر جانے کا
لاتا ہم تک بھی کوئی، نیند سے بَوجھل راتیں
آتا ہم کو بھی مزہ ،خواب میں ڈر جانے کا
سوچتے ہی رہے، پُوچھیں گے تیری آنکھوں سے
کِس سے سِیکھا ہے ہُنر دِل میں اُتر جانے کا
شہریاؔر