فانی شوکت علی خاں فانی بدایونی :::: ہر گھڑی اِنقلاب میں گُزری ::::: Fani Badayuni

طارق شاہ

محفلین




غزل

ہر گھڑی اِنقلاب میں گُزری
زندگی کِس عذاب میں گُزری

شوق تھا مانَعِ تجلّیِ دوست !
اُن کی شوخی حِجاب میں گُزری

کَرَمِ بے حِساب چاہا تھا
سِتَمِ بے حِساب میں گُزری

ورنہ دُشوار تھا سُکونِ حیات
خیر سے اِضطراب میں گُزری

رازِ ہستی کی جُستجُو میں رہے
رات تعبیرِخواب میں گُزری

کُچھ کٹی ہمّتِ سوال میں عُمر
کچھ اُمیدِ جواب میں گُزری

کِس خرابی سے زندگی، فانی
اِس جہانِ خراب میں گُزری

فانی بدایونی
 
Top