طارق شاہ
محفلین
شفیق خلش
پیار
ہمارا پیار نہ دِل سے کبھی بُھلا دینا
ہمیشہ جینے کا تم اِس سے حوصلہ دینا
بھٹک پڑوں یا کبھی راستہ نظر میں نہ ہو !
ستارہ بن کے مجھے راستہ دِکھا دینا
دیے تمام ہی یادوں کے ضُوفشاں کرکے
ہو تیرگی کبھی راہوں پہ تو مِٹا دینا
تم اپنے پیار کے روشن خوشی کے لمحوں سے
غموں سے بُجھتے چراغوں کو پھر جَلا دینا
خِزاں گزیدہ کبھی راستے ٹھہر جائیں
بہار بن کے وہی راستے سجا دینا
ہمیشہ پیار کی کلّیوں کو سوچ کر، کہ ہمیں
خلش رہے نہ کوئی چُوم کر کِھلا دینا
ہماری پیار سے مخمُور زندگی کو، خلش !
کوئی نہ کام بجز اُن کو ہی دُعا دینا
شفیق خلش