شعر کا جواب شعر میں

[ماہی احمد]

ہم ایک عمر سے واقف ہیں، اب نہ سمجھاؤ
کہ لطف کیا ہے مرے مہرباں، ستم کیا ہے
فیض

 

[محمداحمد]

دل کی تاکید ہے ہر حال میں ہو پاسِ وفا
کیا ستم ہے، کہ ستم گر کو ستم گر نہ کہوں

داغ دہلوی

 

[محمد علم اللہ]

مجال کس کی ہے اے ستمگر سنائے جو تجھ کو چار باتیں
بھلا کیا اعتبار تونے، ہزار منہ ہیں ہزار باتیں
داغ دہلوی

 

[محمداحمد]

ہزار باتیں ہیں، چار راتیں ہیں، اُس سے کیا کیا کہو گے خاور
وہ چہرہ پڑھ پڑھ کے یاد کر لو، وہ جا چُکے تو کتاب لکھنا

 

[محمد علم اللہ]

وہ چہرہ پُر یقیں ہے، گرد سا ہوتے ہوئے بھی
میں سرتاپا گماں ہوں آئینہ ہوتے ہوئے بھی
عرفان ستار

 

[محمداحمد]

خود پر یقیں نہیں تھا سو اب کے محاذ پر
دشمن کا اک سوار بھی لشکر لگا مجھے

افتخار عارف

 

[محمد علم اللہ]

تا کرے نہ غمازی، کر لیا ہے دشمن کو
دوست کی شکایت میں ہم نے ہمزباں اپنا

غالب

 

[محمداحمد]

دشمن کو بھی سینے سے لگانا نہیں بھولے
ہم اپنے بزرگوں کا زمانہ نہیں بھولے

نواز دیوبندی

 

[محمد علم اللہ]

تو مرا دوست ہے دشمن ہے کچھ تو بتا
تیرا کردار ترازو نہیں ہوتا مجھ سے

جازب ضیائی

 

[محمداحمد]

وہ دوستی تھی، محبت کہ مصلحت کوئی
بچھڑتے لمحے تلک فیصلہ نہ ہو پائے

نجم الثاقب (غالباً)

 

[محمد علم اللہ]

اوّل اوّل کی دوستی ہے ابھی
اک غزل ہے کہ ہو رہی ہے ابھی

فراز

 

[محمداحمد]

راہ پر اُن کو لگا لائے تو ہیں باتوں میں
اور کھل جائیں گے دو چار ملاقاتوں میں

 

[ماہی احمد]

جن کو اپنی خبر نہیں اب تک
وہ مرے دل کا راز کیا جانیں

داغ

 

[محمد علم اللہ]

قیامت آئی کُھلا رازِ عشق کا دفتر
بڑا غضب ہُوا، پُھوٹا ہے آبلہ دل کا

یاس یگانہ عظیم آبادی

 

[محمداحمد]

حشر اُٹھا، نہ آسماں ٹوٹا
دل جلا تھا سو آبلہ پھوٹا

ادا جعفری

 

[ساقی۔]

جلا ہے جسم جہاں دل بھی جل گیا ہوگا
کریدتے ہو جو اب راکھ جستجو کیا ہے

 

[محمداحمد]

مرے دل کی راکھ کُرید مت، اِسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے

 

[ماہی احمد]

کتنا نازک ہے وہ پری پیکر
جس کا جگنو سے ہاتھ جل جائے

 

[اوشو]

خوشبو کا کوئی جھونکا ہو تو سانسوں سے زنجیر کروں
کتنے خواب ہیں آنکھوں آنکھوں ، کس کس کی تعبیر کروں؟

 

[محمد وارث]

کچھ دن تو بسو میری آنکھوں میں
پھر خواب اگر ہو جاو تو کیا