شعر و شاعر (اشعار اور خالق)

[طارق شاہ]

پڑے ہیں دَر پہ تُمھارے اِس اعتقاد کے ساتھ
بنایا سر نہ خُدا نے یہ، در بدر کے لئے

شفیق خلؔش

 

[طارق شاہ]

درونِ بزمِ یاراں ہُوں ، مگر ہُوں کِس قدر تنہا
شریکِ کارواں ہوکر بھی کرتا ہُوں سفر تنہا

مجھے حاصل رہی تیری رفاقت زندگانی بھر
تِرے ہوتے ہُوئے ، لیکن رہا میں عُمر بھر تنہا

اِنتخاب عالَم
( شی شوان)

 

[کاشفی]

بہت نزدیک آتی جا رہی ہو
بچھڑنے کا ارادہ کر لیا کیا
(جون ایلیا)

 

[کاشفی]

آگاہ اپنی موت سے کوئی بشر نہیں
سامان سو برس کا ہے پل کی خبر نہیں
(حیرت الہ آبادی)

 

[طارق شاہ]

اُس کے لب اور چشمِ مِینا سے
کیا چَھلکتی شراب دیکھوں مَیں

جس کے سِینے میں دِل ہے پتّھر کا
دِل کو اُس پر ہی آب دیکھوں مَیں

دُور ہو تیرگئ شب جس سے !
دِن کو اکثر وہ خواب دیکھوں مَیں

منعقد کیا نہیں تماشے ہیں !
کیا نہیں بے حساب دیکھوں مَیں

اب مسائل کا کچھ بُجز جاناں !
حل نہ کوئی جواب دیکھوں مَیں

شفیق خلؔش

 

[طارق شاہ]

ایک دِل کم ہے محبّت کی تواضع کے لئے
کِس طراح اِتنے حَسِینوں کی مدارات کروں

باقؔر زیدی

 

[طارق شاہ]

دَم ہے ہونٹوں پہ، تو سب آئے ہیں مِلنے کے لئے
آخری وقت ہے، کِس کِس سے مُلاقات کروں

باقؔر زیدی

 

[طارق شاہ]

اُس سے اِک بات بھی کہتے نہیں بنتی باؔقر !
جس سے چاہے ہے بہت جی، کہ ہر اِک بات کروں

باؔقر زیدی

 

[طارق شاہ]

آگے قدم بڑھائیں، جنھیں سُوجھتا نہیں
روشن چراغِ راہ کیے جا رہا ہُوں مَیں

مجھ سے جگر، ہُوا ہے ادا جستُجو کا حق
ہر ذرّے کو ، گواہ کیے جارہا ہُوں مَیں

جگرمُراد آبادی

 

[طارق شاہ]

ہَمَہ فِتنہ و ہَمَہ فِتنہ گر ، ہَمَہ تِیرہ دِل ، ہَمَہ خِیرہ سر
ہے یہ، حالِ اہلِ وطن اگر، تو کریں گے جا کے وطن میں کیا ؟

اختؔر شیرانی

 

[ابن توقیر]

غالبؔ نہ کر حضور میں تو بار بار عرض
ظاہر ہے تیرا حال سب اُن پر کہے بغیر

مرزا اسداللہ خان غالب

 

[طارق شاہ]

ہم کو خیال اپنی ہی بس ذات کا نہیں!
اِس سے تمھاری ذات کے الحاق کا بھی ہے

شفیق خلؔش

 

[طارق شاہ]

زیب کی حاجت حَسِینوں کو نہیں ہوتی نؔسیم !
پیرہن بے بخیہ ہے خورشید کی تنوِیر کا

نؔسیم دہلوی

 

[طارق شاہ]

ملبُوس و زیب کا ہو وہاں خاک کُچھ گِلہ
درپیش مسئلہ جہاں ارزاق کا بھی ہے
۔
شفیق خلؔش

 

[طارق شاہ]

یہ غمگینی بھی ہے مسنون تاؔبش !
بہت خوش ہُوں کہ مجھ کو غم بہت ہے

تابؔش دہلوی

 

[طارق شاہ]

مِٹ چلے میری اُمیدوں کی طرح حرف، مگر
آج تک تیرے خطوں سے، تِری خوشبونہ گئی

اختؔر شیرانی

 

[طارق شاہ]

حالِ دِل سُن کے وہ آزردہ ہیں، شاید اُن کو
اِس حکایت پہ، شکایت کا گُماں گُذرا ہے

عبدالمجید سالؔک

 

[طارق شاہ]

تنگ دستی اگر نہ ہو ،سالؔک
تندرستی ہزار نعمت ہے

قربان علی سالؔک بیگ

 

[طارق شاہ]

تُو بھی گر لب سے خموشی میں نہ نِکلے گاہے
مجھ پہ، اے آہ! نہ اطلاق ہو گویائی کا

قُربان علی سالؔک

 

[طارق شاہ]

جو مُشتِ خاک ہو، اِس خاکداں کی بات کرو
زمِیں پہ رہ کے، نہ تم آسماں کی بات کرو

یہی جہان ہے ہنگامہ زارِ سُود وزِیاں !
یہِیں کے سُود، یہِیں کے زِیاں کی بات کرو

عبدالمجید سالؔک