شعر و شاعر (اشعار اور خالق)

[طارق شاہ]

پہلے سُنانہ حال بھی اہلِ چمن کا یُوں !
شاید یہ دَور عبرت و اسباق کا بھی ہے

شفیق خلؔش

 

[طارق شاہ]

آپ ہی آپ، یہ سوچیں کوئی آیا ہوگا!
اور پھر آپ ہی، دروازے پہ جا کر دیکھیں

کُچھ عجب رنگ سے، کٹتے ہیں شب و روز اپنے
لوگ کیا کچھ نہ کہیں ہم کو ، جو آ کر دیکھیں

مشفؔق خواجہ

 

[طارق شاہ]

کہِیں اِنتہا کی مَلامَتیں،کہِیں پتَھروں سے اَٹی چَھتَیں
تِرے شہر میں مِرے بعد اب، کوئی سر پِھرا نہیں آئے گا

بیدؔل حیدری

 

[طارق شاہ]

میں جو آ یا تو اِلتفات نہیں
وہ نظر، وہ سُخن، وہ بات نہیں

مومن خاں مومؔن

 

[طارق شاہ]

کیا کیا نہ کرم ہوں گے تِرے مجھ پہ، میں آخر
اے شُومئی قسمت! تِرا مظُورِ نظر ہُوں

کیا غم ہے، کہ ہُوں عزم کی تقدیرِ حَسِیں بھی
میں راہروِ جادۂِ آلام اگر ہُوں

خلوت کے سمندر کی سدا جاگتی تہہ میں
برسوں سے جو مانُوسِ صدف ہو، وہ گُہر ہُوں

کیا کیا تھے وہ طوفان، جو جھیلے ہیں یہ سوچو !
قبل اِس کے، کہ تم پُوچھو میں کیوں خاک بَسر ہُوں

تخت سنگھ

 

[طارق شاہ]

مُنتظر ہیں دَمِ رُخصت ، کہ یہ مرجائے تو جائیں !
پھر یہ احسان کہ، ہم چھوڑ کے جاتے بھی نہیں

داغ دہلوی

 

[طارق شاہ]

پُوچھتا ہُوں ہزار باعثِ کیں
جُز خموشی وہاں جواب نہیں

مومن خاں مومؔن

 

[طارق شاہ]

رشک جب باعثِ کُدُورت ہو
پِھر صفائی کی خاک صُورت ہو

مومن خاں مومؔن

 

[طارق شاہ]

کیا کہیں تسلؔیم ! ہجرِ یار میں
پھر وہی ہے شام سے دِل کی طرح

امیراللہ تسلؔیم لکھنوی

 

[طارق شاہ]

مضموُن کے بھی شعر اگر ہوں تو خُوب ہیں
کچھ ہو نہیں گئی ہے غزل، عاشقانہ فرض

نسیؔم دہلوی

 

[طارق شاہ]

خارہائے دشتِ غُربت، داغِ سودائے جنُوں
کُچھ نہ کُچھ رکھتا ہُوں اکثر، زیرِ پا بالائے سر

امیراللہ تسلؔیم لکھنوی

 

[طارق شاہ]

تشبیہ یا مِثال کی صُورت کوئی تو ہو !
کچھ بھی کہاں جہاں میں ہے خوش ناز کی طرح

شفیق خلؔش

 

[فاخر رضا]

پچھلا پہر ہےکاتِب اعمال، ہوشیار!
آمادہْ گناہ، کوئی جاگتا نہ ہو
یاس یگانہ

 

[طارق شاہ]

کفن باندھے ہوئے یہ شہر سارا جا رہا ہے کیوں
سُوئے مقتل ہی ہر رستہ ہمارا جا رہا ہے کیوں

مُسَلسَل قتل ہونے میں بھی اِک وقفہ ضرُوری ہے
سرِ مقتل ہَمِیں کو، پِھر پُکارا جا رہا ہے کیوں

ڈاکٹر پیرزادہ قاسم

 

[طارق شاہ]

اے اجَل ! جلد کَرَم کر ، کہ تِری فُرقت میں
مجھ پہ جو لمحہ بھی گُذرا ہے ، گراں گُذرا ہے

عبدالمجید سالِؔک

 

[طارق شاہ]

تیری محِفل بھی گئی ، چاہنے والے بھی گئے
شب کے آہیں بھی گئیں ، صُبح کے نالے بھی گئے

دِل تجھے دے بھی گئے ، اپنا صِلا لے بھی گئے
آ کے بیٹھے بھی نہ تھے اور نِکالے بھی گئے

علامہ اقبال

 

[طارق شاہ]

سر میں سودا نہ رہا، پاؤں میں بَیڑی نہ رہی !
میری تقدیر میں تھا ، بے سروساماں ہونا

پنڈت برج نارائن چکبست

 

[طارق شاہ]

اُن سے مل کر بھی نہ کافُور ہُوا
درد یہ سب سے جُدا لگتا ہے

احمد ندیؔم قاسمی

 

[طارق شاہ]

دیکھو تو ذرا چشمِ سُخن گو کے اِشارے
پِھر تم کو یہ دعوٰی ہے کہ، میں کُچھ نہیں کہتا

یہ خُوب سمجھ لیجیے غمّاز وہی ہے !
جو آپ سے کہتا ہے کہ، میں کچھ نہیں کہتا

داغؔ دہلوی

 

[طارق شاہ]

یہ وقت کِس کی رعونت پہ خاک ڈال گیا
یہ کون بول رہا تھا خُدا کے لہجے میں

افتخار عارف