شبِ مہ

[La Alma]

شبِ مہ
چاندنی کے پیرہن کی سرسراہٹ
یوں لگے ہے
کوئی جیسے داستانِ غم سے پہلے
درد کی تمہید باندھے
یہ شبِ مہ ہے کہ جس میں
دور تاروں کے جلو میں
روشنی کے کاغذوں پر
چاند اندوہِ شبِ آزار لکّھے
کب گُلِ تر کو خبر ہے
گر ہو نم چشمِ فلک،
شبنم فشانی ہی دلیلِ صبح ٹھہرے

 

[الف عین]

سَمت کے لئے منتخب کی جا سکتی ہے نظم، کس نام سے دی جائے؟ مزید ایک نظم بھیجو

 

[La Alma]

سَمت کے لئے منتخب کی جا سکتی ہے نظم، کس نام سے دی جائے؟ مزید ایک نظم بھیجو

سر آپکی تشریف آوری اور توجہ کے لیے بہت شکریہ۔
اپنی ایک آدھ نظم مزید تلاش کرتی ہوں شاید مل جائے۔ پھر آپ سے شیئر کرونگی انشاءاللہ!

 

[جاسمن]

خوبصورت نظم۔
بہت خوب!
لیکن غلط زمرہ میں ہے۔

 

[La Alma]

خوبصورت نظم۔
بہت خوب!
لیکن غلط زمرہ میں ہے۔

نظم پسند کرنے کے لیے شکریہ۔
زمرہ شاید اصلاحِ سخن ہونا چاہیے تھا۔

 

[محمد عبدالرؤوف]

بہت خوب المیٰ بہن ، اچھی نظم ہے

 

[La Alma]

بہت خوب المیٰ بہن ، اچھی نظم ہے

بہت نوازش ۔

 

[جاسمن]

زمرہ شاید اصلاحِ سخن ہونا چاہیے تھا

بھئی مجھے کچھ زیادہ تو نہیں معلوم لیکن شاید یہ بحور سے آزاد شاعری کے زمرے میں ہونی چاہیے تھی۔

 

[محمد عبدالرؤوف]

بھئی مجھے کچھ زیادہ تو نہیں معلوم لیکن شاید یہ بحور سے آزاد شاعری کے زمرے میں ہونی چاہیے تھی۔

آپا، جو بحور سے آزاد شاعری ہوتی ہے اس میں وزن کی قید نہیں ہوتی جبکہ اس نظم میں "فاعلاتن" کی تکرار ہے۔

 

[فیصل عظیم فیصل]

آپا، جو بحور سے آزاد شاعری ہوتی ہے اس میں وزن کی قید نہیں ہوتی جبکہ اس نظم میں "فاعلاتن" کی تکرار ہے۔

وزن کی قید نہ ہونا کیا بے وزن ہونے کے التزام جیسا ہے؟؟

 

[محمد عبدالرؤوف]

وزن کی قید نہ ہونا کیا بے وزن ہونے کے التزام جیسا ہے؟؟

بے وزن تو شاعری میں ایک عیب کو کہتے ہیں جسے اکثر مبتدی سہواً کرتے ہیں لیکن آپ جس کا پوچھ رہے ہیں وہ تو نثری شاعری ہوتی ہے۔

 

[سیما علی]

بہت خوب ۔
جیتی رہیے۔۔۔

 

[فیصل عظیم فیصل]

بے وزن تو شاعری میں ایک عیب کو کہتے ہیں جسے اکثر مبتدی سہواً کرتے ہیں لیکن آپ جس کا پوچھ رہے ہیں وہ تو نثری شاعری ہوتی ہے۔

تو کیا یہ لازم ہے کہ نثری شاعری کسی وزن میں نہ ہو ؟ اس سلسلے میں رہ نمائی کیجئے کہ نثری شاعری کی وہ کیا خصوصیات ہیں جو نہ ہوں تو اسے نثری شاعری نہ کہا جائے گا اس سلسلے میں (میرے نزدیک لاعلمی کی )بڑی دھند ہے۔ اسے تھوڑا سا واضح فرما دیجئے ۔ یا کم از کم اتنا کہ واضح نظر آنا شروع ہو جائے

 

[محمد عدنان اکبری نقیبی]

بہت شاندار کلام

 

[محمد عبدالرؤوف]

تو کیا یہ لازم ہے کہ نثری شاعری کسی وزن میں نہ ہو ؟ اس سلسلے میں رہ نمائی کیجئے کہ نثری شاعری کی وہ کیا خصوصیات ہیں جو نہ ہوں تو اسے نثری شاعری نہ کہا جائے گا اس سلسلے میں (میرے نزدیک لاعلمی کی )بڑی دھند ہے۔ اسے تھوڑا سا واضح فرما دیجئے ۔ یا کم از کم اتنا کہ واضح نظر آنا شروع ہو جائے

یہ بڑی ٹیڑھی کھیر ہے فیصل بھائی 🙂
بہرحال آپ اس ربط پر جائیں یہاں پرشمس الرحمٰن فاروقی صاحب نے نثری شاعری پر بحث کی ہوئی ہے۔

 

[فیصل عظیم فیصل]

یہ بڑی ٹیڑھی کھیر ہے فیصل بھائی 🙂
بہرحال آپ اس ربط پر جائیں یہاں پرشمس الرحمٰن فاروقی صاحب نے نثری شاعری پر بحث کی ہوئی ہے۔

ہم لائے تھے کچھ تیرے تبرک کی تشنگی
بے گانگی سے کہہ دیا ، چل اس کے گھر کو جا
ہم نے سوال جرع کا تم سےہی کیا تھا
ہے تو ذرا سا جام یہ تھوڑا سا بھر پلا


کبھی کبھی کسی اپنے سے پوچھ کر اس کا بیان سننے کی حرص ہوتی ہے ۔ کتابیں تو یوں بھی ہزار روفی بھائی

 

[محمد عبدالرؤوف]

ہم لائے تھے کچھ تیرے تبرک کی تشنگی
بے گانگی سے کہہ دیا ، چل اس کے گھر کو جا
ہم نے سوال جرع کا تم سےہی کیا تھا
ہے تو ذرا سا جام ہے تھوڑا سا بھر پلا


کبھی کبھی کسی اپنے سے پوچھ کر اس کا بیان سننے کی حرص ہوتی ہے ۔ کتابیں تو یوں بھی ہزار روفی بھائی

میں اپنی بے حد محدود معلومات کی بنا پر غلط تشریحات ، تعریفات اور تعبیرات کر بیٹھوں گا اور اساتذہ میری سرزنش کر دیں گے۔ کیا آپ یہی چاہتے ہیں 😊
اب مجھے تو یہ خوف بھی ہو رہا ہے کہ المیٰ بہن کہہ دیں گی کہ بھائیو کسی اور جگہ اپنی بیٹھک لگاؤ۔🙂

 

[La Alma]

بہت خوب ۔
جیتی رہیے۔۔۔

بہت شکریہ۔
آپ بھی سلامت رہیے۔

 

[La Alma]

بہت شاندار کلام

بہت عنایت!

 

[La Alma]

اب مجھے تو یہ خوف بھی ہو رہا ہے کہ المیٰ بہن کہہ دیں گی کہ بھائیو کسی اور جگہ اپنی بیٹھک لگاؤ۔

جاری رکھیے۔