شاکر القادری:::::اِک لُطفِ نا تمام بڑی دیر تک رہا:::::Shakir Ul Qadri

[طارق شاہ]

غزل
شاکر القادری

اِک لُطفِ نا تمام بڑی دیر تک رہا
وہ مُجھ سے ہمکلام بڑی دیر تک رہا

میں تشنۂ وصال تھا، پیتا چلا گیا
گردِش میں آج جام بڑی دیر تک رہا

تادیر میکدے میں رہی ہے مِری نماز
ساقی مِرا اِمام بڑی دیر تک رہا

کل بارگاہِ حُسنِ تقدّس مآب میں
دل محوِ احترام بڑی دیر تک رہا

اُلجھا رہا وہ زُلفِ پریشاں میں دیر تک
آئینہ زیر دام بڑی دیر تک رہا

کل رات اُس کا قرب تھا، صہبا تھی، جام تھا
شاکرؔ یہ اہتمام بڑی دیر تک رہا

شاکر القادری​