سیاست سے متعلق شاعری

[سیما علی]

زمیں جب عدل سے بھر جائے گی نور علیٰ نور
بنام مسلک و مذہب تماشا ختم ہوگا!!!!!
افتخار عارف

 

[سیما علی]

سیاست کا ہر پہلواں لڑ رہا ہے
یہاں لڑ رہا ہے، وہاں لڑ رہا ہے
بیاں کے مقابل بیاں لڑ رہا ہے
حسابِ دلِ دوستاں لڑ رہا ہے
ضمیر جعفری

 

[سیما علی]

امیرِ شہر نے کاغذ کی کشتیاں دے کر
سمندروں کے سفر پر کیا روانہ ہمیں
محسن احسان

 

[سیما علی]

میں جانتا ہوں مگر تو بھی آئنہ لے کر
مجھے بتا کہ مرا اِنتخاب کیسا ہے؟؟؟؟
سید فخر الدین بلے

 

[سیما علی]

منافقت کا نصاب پڑھ کر محبتوں کی کتاب لکھنا
بہت کتھن ہے خزاں کے ماتھے پہ داستانِ گلاب لکھنا
محسن نقوی

 

[سیما علی]

سوال ہی نہ تھا دشمن کی فتح یابی کا
ہماری صف میں منافق اگر نہیں آتے
ماہر عبدالحی

 

[سیما علی]

ایسا بدلا ہوں ترے شہر کا پانی پی کر
جھوٹ بولوں تو ندامت نہیں ہوتی مجھ کو
محسن نقوی

 

[سیما علی]

چھپائے سے کہیں چھپتے ہیں داغ چہروں کے
نظر ہے آئینہ بردار ، آؤ سچ بولیں

قتیل جن پہ سدا پتھروں کو پیار آیا
کدھر گئے وہ گنہ گار، آؤ سچ بولیں

قتیل شفائی

 

[سیما علی]

آدمی، آدمی کو کھائے چلا جاتا ہے
کچھ تو تحقیق کرو اس نئی بیماری پر
سلیم کوثر

 

[سیما علی]

بس یہی وقت ہے سچ منہ سے نکل جانے دو
لوگ اُتر آئے ہیں ظالم کی طرف داری پر


سلیم کوثر

 

[سیما علی]

کبھی اِس جرم پہ سر کاٹ دئے جاتے تھے
اب تو انعام دیا جاتا ہے غدّاری پر

 

[سیما علی]

حاکم وقت کے قدموں پہ سبھی ابن الوقت
رکھ کے دستار کو سر اپنا بچا لے گئے ہیں

 

[سیما علی]

کون اس جا صاحب کردار ہے
ہر کوئی بس غازیٔ گفتار ہے

 

[سیما علی]

سارے دشمن ہو گئے زیر نگیں
خود سے اب وہ بر سر پیکار ہے

 

[جاسمن]

یقیناً رہبر منزل کہیں پر راستا بھولا
وگرنہ قافلے کے قافلے گم ہو نہیں سکتے
نثار اٹاوی

 

[سیما علی]

ان سے امید نہ رکھ ہیں یہ سیاست والے
یہ کسی سے بھی محبت نہیں کرنے والے

 

[جاسمن]

لبِ اظہار پہ تالے ہیں، زباں بندی ہے
فکرِ آزاد پہ اس دور میں پابندی ہے
حاکمِ شہر کو ہے زعم کہ وہ جو بھی کہے
بس وہ سُنت ہے، وہی شرعِ خداوندی ہے

 

[جاسمن]

حاکمِ شہر کی خواہش ہے کہ حکومت کی جائے
ورنہ حالات تو ایسے ہیں کہ ہجرت کی جائے
اب ضرورت ہے کہ سب مل کے بچائیں اس کو
ڈوبتی ناؤ میں ہرگز نہ سیاست کی جائے
انجم فاروق

 

[سیما علی]

حاکمِ شہر کی خواہش ہے کہ حکومت کی جائے
ورنہ حالات تو ایسے ہیں کہ ہجرت کی جائے
اب ضرورت ہے کہ سب مل کے بچائیں اس کو
ڈوبتی ناؤ میں ہرگز نہ سیاست کی جائے
انجم فاروق

ورنہ حالات تو ایسے ہیں کہ ہجرت کی جائے
سچ بٹیا ایسا لگتا ہے یہ ہر اُس شخص کا ترجمان ہے جو بے بسی محسوس کررہا ہے ۔۔۔

 

[سیما علی]

سرود و شعر و سیاست،کتاب و دِین و ہُنر
گُہر ہیں ان کی گِرہ میں تمام یک دانہ
ضمیرِ بندۂ خاکی سے ہے نمود ان کی
بلند تر ہے ستاروں سے ان کا کاشانہ
اگر خودی کی حفاظت کریں تو عینِ حیات
نہ کر سکیں تو سراپا فسُون و افسانہ
ہُوئی ہے زیرِ فلک اُمتوں کی رُسوائی
خودی سے جب اَدب و دِیں ہُوئے ہیں بیگانہ
علامہ اقبالؒ