سعود عثمانی سعود عثمانی کی نئی غزل

چوہدری لیاقت علی نے 'پسندیدہ کلام' کی ذیل میں اس موضوع کا آغاز کیا، ‏جنوری 9, 2015

  1. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    عجب قفس تھا ، عجب خوش نوا پرندہ تھا
    نہیں وہ دل نہیں ، اک دوسرا پرندہ تھا

    کلام کرتا ہوا ، پنکھ پھڑ پھڑاتا ہوا
    چراغ ِبام تھا یا شام کا پرندہ تھا

    ہر ایک جانتا تھا گرم پانیوں کا سراغ
    سو جو بھی ڈار میں تھا رہنما پرندہ تھا

    روپہلی جھیل کے پہلو میں تھی سیہ بندوق
    اور ان کی سمت اترتا ہوا پرندہ تھا

    کُھلا جو شہر تو داخل ہوا نیا قاتل
    وہ بادشاہ پرندہ بھی کیا پرندہ تھا

    اترنے والی تھی کیا شب زمین زادوں پر
    سواد ِ شام تھا ، بے انتہا پرندہ تھا

    پھر ایک ہُوک نے تنہائی دور کردی مری
    بہت قریب کوئی دل زدہ پرندہ تھا

    عجیب حالت ہجرت تھی قبل ِ ہجر سعود
    مرے وجود میں پر تولتا پرندہ تھا
     
  2. سید عاطف علی

    سید عاطف علی محفلین

    مراسلے:
    7,384
    جھنڈا:
    SaudiArabia
    موڈ:
    Cheerful
    چوہدری لیاقت علی
    آپ کا انتخاب اچھا ہے تاہم شاعری پوسٹ کر نے کے لیے مناسب زمرے کا خیال رکھا جاتا ہے۔۔۔ آپ شاعری کی تخلیقات کو شیئر کرنا چاہیں تو ۔آپ کی خود کی شاعری یا آپ کی پسندیدہ شاعری کے زمرے موجود ہیں جہاں آپ یہ پوسٹ کر سکتے ہیں ۔
    اس سے محفل کے منتظمین کو امور میں سہولت ہوتی ہے۔
    محمد خلیل الرحمٰن بھائی یا محمد وارث بھائی زیادہ مناسب مشورہ دے سکتے ہیں۔
     
    • پسندیدہ پسندیدہ × 1
    • دوستانہ دوستانہ × 1
  3. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    عجب قفس تھا ، عجب خوش نوا پرندہ تھا
    نہیں وہ دل نہیں ، اک دوسرا پرندہ تھا

    کلام کرتا ہوا ، پنکھ پھڑ پھڑاتا ہوا
    چراغ ِبام تھا یا شام کا پرندہ تھا

    ہر ایک جانتا تھا گرم پانیوں کا سراغ
    سو جو بھی ڈار میں تھا رہنما پرندہ تھا

    روپہلی جھیل کے پہلو میں تھی سیہ بندوق
    اور ان کی سمت اترتا ہوا پرندہ تھا

    کُھلا جو شہر تو داخل ہوا نیا قاتل
    وہ بادشاہ پرندہ بھی کیا پرندہ تھا

    اترنے والی تھی کیا شب زمین زادوں پر
    سواد ِ شام تھا ، بے انتہا پرندہ تھا

    پھر ایک ہُوک نے تنہائی دور کردی مری
    بہت قریب کوئی دل زدہ پرندہ تھا

    عجیب حالت ہجرت تھی قبل ِ ہجر سعود
    مرے وجود میں پر تولتا پرندہ تھا
     
  4. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    یم انسان مخلوق سے
    ………………………………………………………………

    ایک مخلوق نے اسکی تخلیق کی


    خاک ِ سفاک سےاس کا نطفہ بنایا گیا

    رحم ِ بے رحم کے گھپ اندھیروں میں رکھا گیا

    آتش ِ بغض سے سارے اعضا بناکر انہیں

    گدلے آب ِ تعصب کی تلچھٹ سے دھویا گیا

    سازشی استخواں جوڑ کر

    لحم ِنفرت سے اسپرخد و خال لکھے گئے

    اور دل

    سرخ سنگ ِشقاوت کے بے جوڑ ٹکڑے سے ڈھالا گیا

    کوہ ِ کینہ سے سینہ تراشا گیا

    عقربی ذہن کو

    اپنے کالے عقیدوںکی تعظیم کرتے ہوئے

    دوسرے ہر عقیدےکی توہین کرنی سکھائی گئی

    زہر ِسیال تشنہ رگوںمیں بہایا گیا

    اور پھر

    زردجلتی بھلستی ہوئی جلد ڈھانچے پر مڑھ دی گئی


    خالق خیر و شر

    سب بجا ہےمگر

    اس زمانے کی فریاد کس سے کریں

    جس میں چاروں طرف دستِ خوں ریز ہیں

    مذہبی گُرگ ہو یا کوئی دہریہ بھیڑیا

    دانت اور کچلیاں ایک سے تیز ہیں

    کیا زمانہ ملاہے ہمیں

    جس میں اس خوک کو خوب کہنے کی تاکید ہے


    کیا زمانہ ملاہے ہمیں

    جس میں اس نیم انسان مخلوق سے

    ربط رکھنا بھی لازم ہے اور رابطے کے فقط

    دو ہی امکان ہیں

    دوستی ۔ دشمنی

    نیم انسان دو پایہ مخلوق سے

    دوستی دشمنی ۔ دوہی امکان ہیں


    شہر ویران ہیں

    فیصلے کی گھڑی سر پہ ہے

    لوگ بے جان ہیں

    کیا کریں ؟کیا کریں ؟

    یہ جو انسان ہیں
     
  5. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    تو دکھ اٹھا رہا ہے جسے بھول جانے کا
    پاگل وہی تو روگ ہے جی کو لگانے کا

    تم.میں سے میں بھی ہوں سو مرا فیصلہ بھی ہے
    گلزار خرچ کرنے کا'صحرا کمانے کا

    اے کوہسار و ارض و سما چاہے کچھ کہو
    اب میں نہیں یہ بار ِ امانت اٹھانے کا

    کچھ رنگ زنگ ہوگئے ' کچھ عکس بجھ گئے
    منظر بدلتا جاتا ہے آئینہ خانے کا

    اس چو مکھے چراغ کو کتنا خیال ہے
    تیرا ' حریم ِ حرف کا ' دل کا 'زمانے کا

    مالک!بساط بھر تو سخن کر رہا ہوں میں
    سو مجھ کو وہم بھی نہیں بیکار جانے کا

    کیسا ہے یہ چراغ ِ رواں کا سفر سعود
    تاریکیوں کے بیچ سے رستہ بنانے کا
     
  6. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    یہی مسئلہ تجھے ہر جگہ نظر آئے گا
    جو نہیں ملے گا وہ جابجا نظر آئے گا

    کبھی جھانک تو کسی برگِ زرد کی آنکھ میں
    کوئی آشنا تجھے دیکھتا نظر آئے گا

    کبھی اپنا اصل بھی دیکھ آئنہ توڑ کر
    کوئی کرچیوں میں بٹا ہوا نظر آئے گا

    کہیں کائنات کے باغ میں گل ِ نیلگوں
    کہیں سرخ پھول گلاب سا نظر آئے گا

    نظر آئے گی تجھے سات رنگ کی روشنی
    کوئی راستا تجھے دودھیا نظر آئے گا
    ٰ

    ہے تری تلاش میں ' تو ہے جس کی تلاش میں
    مگر اس غبارِ سفر میں کیا نظر آئے گا
     
  7. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    پھر مجھ کو خامشی میں کسی نے پکارا کیا
    مہتاب آگیا ہے پلٹ کر دوبارہ کیا

    ہر روز صبح دم کوئی آئینہ ٹوٹنا
    اس خواب میں بچے گا ہمارا تمہارا کیا

    دیکھو یہ کارِ عشق نہیں 'کار ِ خیر ہے
    تم.اس میں کر رہے ہو میاں استخارہ کیا

    یہ تم جو آئنے کی طرح چُور چُور ہو
    تم نے بھی اپنی عمر کو دل پر گزارا کیا
     
  8. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    قدیم وقت بھی رہتا ہے نوجواں کی طرح
    ہری زمیں کی طرح' نیلے آسماں کی طرح

    جو سال ِ نو تھے بتدریج کہنہ ہوتے گئے
    نئے لباس کی صورت' نئے مکاں کی طرح

    وہ یاد مٹ کے بھی اک زخم ِ تازہ چھوڑ گئی
    ہے سطح آئنہ کھرچے ہوئے نشاں کی طرح

    میں کیا کروں مجھے بے طرح یاد آتے ہیں
    تمام سالِ گزشتہ گزشتگاں کی طرح
     
  9. محمد خلیل الرحمٰن

    محمد خلیل الرحمٰن مدیر

    مراسلے:
    7,840
    جھنڈا:
    Pakistan
    موڈ:
    Festive
    سعود عثمانی ( چوہدری لیاقت علی ) بھائی نے یہ غزل دوبارہ بھی پوسٹ کردی ہے جسے ہم نے آپ کی پابندِ بحور شاعری میں منتقل کردیا ہے۔ محمد وارث بھائی سے گزارش ہے کہ اس غزل کو حذف کردیں یا ان کے تعارف کے زمرے میں ضم کردیں۔
     
    • پسندیدہ پسندیدہ × 1
  10. الف عین

    الف عین لائبریرین

    مراسلے:
    33,751
    جھنڈا:
    India
    موڈ:
    Psychedelic
  11. محمد وارث

    محمد وارث لائبریرین

    مراسلے:
    25,457
    جھنڈا:
    Pakistan
    موڈ:
    Depressed
    سعود عثمانی تو معروف شاعر ہیں اور لاہور سے تعلق ہے۔ انکی دو کتابیں بھی شائع ہو چکی ہیں، حیرت ہے کہ یہ چوہدری صاحب بھی سعود عثمانی ہیں؟
     
    • پسندیدہ پسندیدہ × 1
    • متفق متفق × 1
  12. محمد خلیل الرحمٰن

    محمد خلیل الرحمٰن مدیر

    مراسلے:
    7,840
    جھنڈا:
    Pakistan
    موڈ:
    Festive
    اف فوہ۔ ہمیں غلط فہمی ہوئی۔ یہ فیصل ہیں جو اپنے والد چوہدری لیاقت کے نام سے یہ اکاؤنٹ بنائے ہوئے ہیں اور انہوں نے سعود عثمانی کی نگارشات پسندیدہ شاعری کے طور پر پیش کی ہیں۔
     
    • پسندیدہ پسندیدہ × 1
  13. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    جی با لکل درست فرما یا خلیل صاحب نے۔ سعود عثمانی میرے بڑے پسندیدہ شاعر ہیں۔ حیرت انگیز طور پر ان کا کلام آپ کی محفل میں شامل نہیں تھا۔ میری ان سے ذاتی شناسائی ہے ۔ لہذا غلطی سے پہلے ایک لڑی ٹیوٹوریل میں شامل کردی۔ تاہم بعد ازاں پسندیدہ کلام میں ان کی بالکل نئی غزلیں اور نظم شامل کردی ہے۔ امید ہے اب بات واضح ہو گئی ہو گی
     
  14. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    وارث صاحب میں سعود عثمانی نہیں۔ بلکہ سعود عثمانی میرے بڑے پسندیدہ شاعر ہیں۔ حیرت انگیز طور پر ان کا کلام آپ کی محفل میں شامل نہیں تھا۔ میری ان سے ذاتی شناسائی ہے ۔ لہذا غلطی سے پہلے ایک لڑی ٹیوٹوریل میں شامل کردی۔ تاہم بعد ازاں پسندیدہ کلام میں ان کی بالکل نئی غزلیں اور نظم شامل کردی ہے۔ امید ہے اب بات واضح ہو گئی ہو گی
     
    • پسندیدہ پسندیدہ × 1
  15. چوہدری لیاقت علی

    چوہدری لیاقت علی محفلین

    مراسلے:
    305
    جھنڈا:
    Pakistan
    موڈ:
    Bookworm
    صاحب میں سعود عثمانی نہیں۔ بلکہ سعود عثمانی میرے بڑے پسندیدہ شاعر ہیں۔ حیرت انگیز طور پر ان کا کلام آپ کی محفل میں شامل نہیں تھا۔ میری ان سے ذاتی شناسائی ہے ۔ لہذا غلطی سے پہلے ایک لڑی ٹیوٹوریل میں شامل کردی۔ تاہم بعد ازاں پسندیدہ کلام میں ان کی بالکل نئی غزلیں اور نظم شامل کردی ہے۔ امید ہے اب بات واضح ہو گئی ہو گی
     
  16. الف عین

    الف عین لائبریرین

    مراسلے:
    33,751
    جھنڈا:
    India
    موڈ:
    Psychedelic
    تو ان کا مکمل مجموعہ یہاں پوسٹ کر دیں، ان پیج سے اردو میں تبدیل کر کے
     
    • متفق متفق × 1
  17. سید عاطف علی

    سید عاطف علی محفلین

    مراسلے:
    7,384
    جھنڈا:
    SaudiArabia
    موڈ:
    Cheerful
    کلام کے ساتھ ہی اگر شاعر کا نام بھی شامل کر دیا جائے تو ایسی وضاحت کی ضرورت نہ پڑے ۔
     
    • پسندیدہ پسندیدہ × 1
    • متفق متفق × 1

اس صفحے کی تشہیر