سعد نستعلیق نسخہ 3 ریلیز!

تو کیا جمیل نوری نستعلیق بھی آپ کا ایجاد کردہ ہے؟

 

ہم جمیل نوری نستعلیق ٹیم کے رُکن ہیں جنکی یہ باہم ایجاد ہے

 

اوہ! تو یہ بات ہے، دراصل ہمارے ایک دوست ہے جو ذاتی استعمال کے لیے فونٹس میں کچھ تبدیلیاں کرتے رہتے ہیں۔ جمیل نوری نستعلیق میں حروف پر اعراب درست طور پر ظاہر نہیں ہو رہے تھے تو انہوں نے اس پر بھی کام کیا تھا جس کے بعد اعراب کافی حد تک بہتر ہو گئے تھے۔ اگر آپ نے ایسا نہیں کیا تو پھر یہ بھی انہی کا کام ہو گا شاید!!
آپ کے فونٹ کا نیا ورژن چیک کر کے رپورٹ کرتا ہوں، انتظار۔۔۔۔۔۔۔۔۔۔۔۔

 

اسکے لئے انہیں جمیل نوری نستعلیق کے سورس فائل کی ضرورت ہوگی جو کہ چنیدہ احباب کے علاوہ اور کسی کے پاس نہیں۔ ہو سکتا ہے یہ انہیں احباب میں سے ایک ہوں جنہیں کسی خاص وجہ سے یہ فراہم کیا گیا۔۔۔

 

ہو سکتا ہے اس بارے میں ، میں کچھ کہہ نہیں سکتا۔

 

اگر ذاتی پیغام میں بتانا چاہیں تو بتا سکتے ہیں

 

جی! اب قدرے بہتر ہے لیکن اب جمیل نوری سے بھی چھوٹا دکھائی دے رہا ہے:

یہاں پہلی لائن جمیل نوری نستعلیق اور دوسری سعد نستعلیق میں ہے۔
کہیں اکتا ہی نہ جائیں کہ بار بار جمیل نوری نستعلیق کا ہی حوالہ دئیے جا رہا ہوں دراصل جمیل نوری نستعلیق اور علوی نستعلیق میری معلومات کے مطابق اردو کتب کی ٹائپنگ کے لیے سب سے زیادہ استعمال ہونے والے فونٹس ہیں اگر یہ بنیادی چیزیں اس کے مطابق رکھی جائیں تو میرے خیال میں اسے بھی کسی کتاب کی ٹائپنگ کے لیے استعمال کیا جا سکتا ہے بصورت دیگر یہ صرف ڈیزائیننگ تک محدود ہو کر رہ جائے گا۔

الفاظ کا سائز کم کرنے سے قدرے بہتر تو ہوا ہے مگر میم کی پوری ہائٹ پھر بھی دکھائی نہیں دیتی، یہاں ایک چیز میرے خیال میں آئی ہے سمبل کے فونٹس بنانے کے لیے میں اس سے اندازہ کیا کرتا ہوں۔ آفس میں کسی بھی لائن کو سلیکٹ کرنے سے اس کی لائن سپیس ظاہر ہو جاتی ہے، ذرا دیکھیے:

یہاں سلیکٹ کی گئی لائن میں کل لائن سپیس ظاہر ہونے سے یہ پتا چل رہا ہے کہ ترسیموں کو کچھ اوپر کرنے کی گنجائش موجود ہے، اگر انہیں اوپر کی جانب کھسکا دیا جائے تو میم کی پوری ہائٹ بھی ظاہر ہو گی اور لائن اسپیس کا مسئلہ بھی حل ہو جائے گا۔
اب یہی لائن جمیل نوری نستعلیق فونٹ میں ملاحظہ کیجئے:

یہاں ترسیمے اوپر کی جانب کھسکے ہوئے ہیں، اوپر اسپیس کم ہے یہی وجہ ہے کہ ایک ہی جیسی لائن اسپیس ہونے کے باوجود اس میں میم کی ہائٹ تقریباً مکمل ظاہر ہو رہی ہے۔

یہ اتنی زیادہ تفصیل فقط اپنا ما فی الضمیر واضح کرنے کے لیے بیان کی ورنہ آپ اسے بہتر طور پر سلجھا سکتے ہیں۔

 

بات اکتاہٹ کی نہیں اقدار کی ہے۔ دراصل ہم کافی عرصہ سے ا ن دونوں فانٹس کی اوسط اونچائی معلوم کرنے کی کوشش کر رہے ہیں۔ لیکن چونکہ ہم تمام گلفس کا ڈیٹا ایک ساتھ فیڈ نہیں کر سکتے یوں ہمیں سطور کی اونچائی کی قدریں معلوم کرتے وقت مختلف اندازے لگانے پڑتے ہیں۔ جس کی وجہ سے بعض گلفس لائن ہائٹ سے باہر جا پڑتے ہیں۔ بہر حال آپکے مشورہ سے میں نے مختلف لائن ہائٹ کیساتھ یہاں فانٹ اپلوڈ کر دیا ہے۔ ذرا چیک کر کے بتائیں کہ آپکے مطابق کونسی فانٹ فائل کا سائز مناسب ہے؟ میری رائے میں تو SaadNastaleeq3_2348em.ttf ہی بہترین رزلٹ دے رہی ہے:

 

کیا آپ کچھ ایسا رزلٹ چاہ رہے ہیں؟

ٹیسٹ فانٹ یہاں سے اتار لیں:
http://arifkarim.no/Public/SaadNastaleeq3_2348em2.7z

 

شاید ان کا یہ مطلب تھا کہ Italics سے کشیدہ ہو جاتی ہے سکرپٹ۔

 

اوہ تو یہ صاحب کشیدہ کو کرننگ کہہ رہے ہیں۔۔۔

 

خرم صاحب کشش کو کرننگ کہہ رہے ہیں عارف بھائی

 

عارف بھائی انڈیزائن میں استعمال کرکے مزاآ گیا اب بتائیں جمیل نستعلیق کا انڈیزائن والا ورژن کب ریلیز کر رہے ہیں شدت سے انتظار رہے گا۔

 

میں نے پہلے بھی کہیں ذکر کیا تھا کہ اب کی بار فانٹ کے ترسیمے ان پیج میں لکھوا کر جنریٹ کئے جائیں گے تا کہ غلطی کا امکان کم سے کم ہو سکے۔ اسکام کیلئے وقت، ہمت اور حوصلہ چاہئے جو کہ اسوقت ہمارے پاس تھوڑا کم ہے

 

جی! اب بہت بہتر ہو گیا ہے الفاظ کا سائز بھی مناسب ہے لیکن اسپیس کا مسئلہ بدستور موجود ہے۔ دراصل آپ لائن اسپیس اس طرح آٹو پر رکھ کر چیک کرتے ہیں:

اس طرح الفاظ کی ہائٹ جتنی بھی ہوتی ہے ورڈ اس کے مطابق اسپیس بڑھا کر پوری ہائٹ ظاہر کرتا ہے۔ اس صورت میں چند الفاظ لکھ کر کورل و فوٹو شاپ وغیرہ میں امپورٹ کر کے ڈیزائننگ کے لیے تو استعمال کیا جا سکتا ہے لیکن اگر کسی کتاب کی تحریر کے لیے استعمال کیا جائے تو حجم بہت زیادہ بڑھ جائے گا چونکہ میرے تھوڑے بہت روابط بک پبلشنگ کمپنیوں سے ہے اس لیے جہاں تک مجھے معلوم ہو سکا وہ لوگ ٹائپنگ میں عام طور پر 16 کے فونٹ سائز میں 26 لائن اسپیس رکھتے ہیں:

بعض ادارے تو اس سے بھی کم، خصوصاً کئی کئی جلدوں پر مشتمل کتابوں میں ان کی کوشش ہوتی ہے کہ حجم کم سے کم ہو۔ ولہذا آپ اگر چاہیں تو مذکورہ طریقے کے مطابق فونٹ سائز اور لائن اسپیس درج کر کے فونٹ چیک کر لیجئے۔ امید ہے کہ اس طرح زیادہ بہتر طور پر میرا ما فی الضمیر جان پائیں گے۔
ابھی ایک اور مسئلہ سامنے آیا ہے ان شاء اللہ عزوجل! اسے اپنے اگلے مراسلے میں بیان کرنے کی کوشش کرتا ہوں۔

 

آخر کار آپ کی محنت رنگ لائی
امید ہے بہت سے لوگ اس خوبصورت فانٹ سے استفادہ حاصل کریں گے۔
بہت بہت مبارک ہو عارف

 

اصل کریڈٹ تو آپ ہی کو جاتا ہے۔ میں تو خود ہمت ہار بیٹھا تھا کہ اتنے سارے گلفس پر اعراب کیسے لگاؤں گا

 

حیرانگی والی بات ہے۔ میرا خیال ہے اس سارے کام میں مجھے شاید 2 سے 3 گھنٹے لگے تھے۔
ہاں کام کو سمجھنے میں اس سے زیادہ ٹائم لگ گیا تھا
میرے خیال میں تو یہ اتنا کام نہیں تھا کہ مجھے کریڈٹ دیا جائے ۔ اصل محنت تو آپ کی تھی پھر بھی آپ کریڈٹ دے رہے ہیں تو ہم بھی انگلی کٹوا کر شہیدوں کی لسٹ میں نام لکھوا لیتے ہیں

 

اپنی اپنی طبیعت کی بات ہے بھائی۔ میں Repetitive Tasks میں بالکل اناڑی ہوں۔ ہاں آٹومیشن والے کام با آسانی کر لیتا ہوں

 

بہت ہی پیارا تحفہ ہے ۔ عارف بھائی زندہ باد۔ بڑی تیزی سے سعد نستعلیق پر کام ہوا ہے ۔ زبردست کام پر ڈھیروں دعائیں۔