سانچ کو آنچ نہیں

جاسمن نے 'محفل چائے خانہ' کی ذیل میں اس موضوع کا آغاز کیا، ‏اگست 21, 2017

  1. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    میرے بیٹے کو ابھی ابھی تقریر چاہیے۔ میں لاہور بیٹھی ہوں۔ اس کا فون آیا ہے کہ کل اس موضوع پہ اسے تقریر کرنی ہے۔ مہربانی فرما کے اردو محفلین کچھ دلائل سے میری مدد کریں۔
    موضوع ہے۔
    "سانچ کو آنچ نہیں"
     
    • زبردست زبردست × 2
  2. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    سچ کی طاقت۔
    جھوٹ کے پاؤں نہیں ہوتے۔
     
    • پسندیدہ پسندیدہ × 1
  3. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
  4. عائشہ صدیقہ

    عائشہ صدیقہ محفلین

    مراسلے:
    619
    جھنڈا:
    Pakistan
    موڈ:
    Twisted
    میں سچ کہوں گی اور ہار جاوں گی
    وہ جھوٹ بولے گا اور لاجواب کردے گا:LOL:
     
    • پر مزاح پر مزاح × 1
  5. عائشہ صدیقہ

    عائشہ صدیقہ محفلین

    مراسلے:
    619
    جھنڈا:
    Pakistan
    موڈ:
    Twisted
    اس شعر سے تقریر کا آغاز کرنا ہے:LOL::p
     
    • معلوماتی معلوماتی × 1
  6. مریم افتخار

    مریم افتخار مدیر

    مراسلے:
    4,354
    جھنڈا:
    Pakistan
    موڈ:
    Festive
    بجو ! تقریر ہے یا مباحثہ ؟
     
    • پسندیدہ پسندیدہ × 1
  7. مریم افتخار

    مریم افتخار مدیر

    مراسلے:
    4,354
    جھنڈا:
    Pakistan
    موڈ:
    Festive
    سکوت سے سچ بہتر ہے
    ’سکوت سے سچ بہتر ہے‘‘
    سچ بات کوجھوٹ کے پردوں میں نہ چھپاؤ اگر تمہیں سچائی کا علم ہو تو اس کو جان بوجھ کر اپنے تک محدود نہ رکھو۔ (القرآن)
    جی ہاں جناب صدر سکوت سے سچ بہتر ہے کیونکہ سچ وہ حقیقت ہے جس کی ضوافشانی سے گلشن حیات کی رنگا رنگی ہے۔ یہ کائنات نغمہء الست کے سچ کی تعبیر میں بنی تھی اور پھر کن فیکون کی سچائی سے نبا تات، حیوانات و جود میں آئے۔ اس کائنات کی ہر اک شے بر ملا اظہار کر تی ہے کہ اس کی بنیاد سچ پر ۔پھولوں کی خوبصورتی کا سچ خوشبو کے اظہار میں لپٹ کر سکوت کے پر دوں کو چاک کر تاہے۔پرندوں کی پرواز پھڑ پھڑاہٹ کا تا ثر دیکر اس پر ور دگار لم یزل کی سچائیوں کی نقاب کشائی کرتی ہے۔بھنورے اور بلبل محبتوں کے گیتوں سے وہ سرالاپتے ہیں کہ سچ کی سچائی سکوت سے افضل قرار پاتی ہے۔ایک سچ کی سچائی کے جواب میں ہزار خو شے کھلیان سے نکلتے ہیں۔شہد کی مکھی کی لگن کی سچائی شہد میں شفا کا درس بنتی ہے۔
    خدا شاہد ہے کہ بلالؓ کی سچائی کبھی سکوت نہیں بنتی احد احد کی صداؤں میں ڈھلتی ہے۔
    حسینؓ کی سچائی نیزے پر چڑھ کر بھی خاموشی کے نقاب نہیں اوڑھتی ۔زینبؓ کی سچائی بھری محفل میں پکار پکار کر لوگوں کے دل پگھلاتی ہے۔ علی کی سچائی اسد اللہ کا نام پاتی ہے۔
    عثمانؓ کی سچائی ذوالنورین بن جایا کر تی ہے۔ عمرؓ کی سچائی عرب عجم کی سرحدوں تک نظر آتی ہے۔قرآن کی سچائی و اعتصمو بحبل اللہ جمیعاً کی صورت لوگوں کو متوجہ کر تی ہے۔اور میرے نبی ؐ کی سچائی کبھی یا ایہا الناس، کبھی یا ایہا المومنون بن کر قیامت تک لوگوں کو پکار پکار کر کہتی ہے:
    بلغو اعنی ولو آ یہ
    بلغو اعنی ولو آ یہ
    (پہنچا دو چاہے ایک آیت ہی کیوں نہ ہو)
    جی ہاں جنابِ صدر!سچائی اظہار مانگتی ہے اور سچ بات کو سکوت کے پردوں میں چھپانا ، سچ کے قتل کے مترادف ہے۔
    ارے مانا کہ یہ راستہ کڑا ہے مگر منصور کے سچ کی سچائی بازاروں میں انا الحق کے نعرے لگاتی ہے پھر کوڑے امام احمد بن حنبل کی راہ نہیں روک پاتے۔ پھر مجدد الف ثانی دین الٰہی کے خلاف علی الاعلان کلمہ حق بلند کیا کرتے ہیں۔ خلافت کے خاتمے کا سن کر مسلمان چپ نہیں سادھ لیتے بلکہ پابندیوں کے باوجود جلیا نوالہ کی تاریخیں رقم کیا کر تے ہیں۔
    جنابِ صدر! سکوت کم ہمتی اور بزدلی کا استعارہ ہے ۔ ہم وہ نہیں جو ایک رخسار پر تھپڑ کے جواب میں دوسرا پیش کر دیں بلکہ ہماری زندگیوں کو سچ بول بول کر کہتا ہے کہ سکوت نہ ہماری محبت ہے نہ ہماری نفرت۔ قر ن کے بازاروں میں ’’اولیس‘‘ کی محبت سکوت کی پناہیں نہیں ڈھونڈتی۔
    بلکہ اپنے سارے دندان شہید کر کے محبت کے اظہار کو نئے معنی سے نوازتی ہے۔ ہم تو وہ ہیں کہ
    دیتے ہیں اجالے میرے سجدوں کی گواہی
    کہ میں چھپ کر اندھیروں میں عبادت نہیں کرتا

    (رمضان رفیق صاحب)
     
    • پسندیدہ پسندیدہ × 1
  8. مریم افتخار

    مریم افتخار مدیر

    مراسلے:
    4,354
    جھنڈا:
    Pakistan
    موڈ:
    Festive
    • یہ معجزہ ہے کہ دنیا میں ایک بھی سچ کو
    ہزار جھوٹ کا لشکر دبا نہیں سکتا

    شاعر: مراق مرزا

    • کھلا ہے جھوٹ کا بازار ، آؤ سچ بولیں
      نہ ہو بلا سے خریدار ، آؤ سچ بولیں

      سکوت چھایا ہے انسانیت کی قدروں پر
      یہی ہے موقع اظہار ، آؤ سچ بولیں

      ہمیں گواہ بنایا ہے وقت نے اپنا
      بنامِ عظمت کردار ، آؤ سچ بولیں

      سنا ہے وقت کا حاکم بڑا ہی منصف ہے
      پکار کر سرِ دربار ، آؤ سچ بولیں

      جو وصف ہم میں نہیں کیوں کریں کسی میں تلاش
      اگر ضمیر ہے بیدار ، آؤ سچ بولیں

      چھپائے سے کہیں چھپتے ہیں داغ چہروں کے
      نظر ہے آئینہ بردار ، آؤ سچ بولیں

      قتیل جن پہ سدا پتھروں کو پیار آیا
      کدھر گئے وہ گنہ گار، آؤ سچ بولیں


      قتیل شفائی
    • کچھ لوگ جو خاموش ہیں یہ سوچ رہے ہیں
      سچ بولیں گے جب سچ کے ذرا دام بڑھیں گے
    • صادق ہوں اپنے قول کا غالب خدا گواہ
      کہتا ہوں سچ کہ جھوٹ کی عادت نہیں مجھے
      شاعر: مرزا غالب
     
    • پسندیدہ پسندیدہ × 1
  9. مریم افتخار

    مریم افتخار مدیر

    مراسلے:
    4,354
    جھنڈا:
    Pakistan
    موڈ:
    Festive
    امید ہے کہ مندرجہ بالا مواد کی تراش خراش سے ایک اچھی تقریر سامنے آ سکتی ہے۔ مجھے آئیڈیا نہیں ہے کہ ٹائمنگ کیا ہے۔
     
    • دوستانہ دوستانہ × 1
  10. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    میرا خیال ہے کہ مباحثہ ہے۔ کیونکہ اس کا کہنا ہے کہ مما حق میں کرنی ہے۔
     
    • پسندیدہ پسندیدہ × 1
  11. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    تین منٹ
     
    • پسندیدہ پسندیدہ × 1
  12. محمد تابش صدیقی

    محمد تابش صدیقی منتظم

    مراسلے:
    22,517
    جھنڈا:
    Pakistan
    موڈ:
    Breezy
    سچ گھٹے یا بڑھے تو سچ نہ رہے
    جھوٹ کی کوئی انتہا ہی نہیں

    چاہے سونے کے فریم میں جَڑ دو
    آئنہ جھوٹ بولتا ہی نہیں

    کرشن بہاری نور
     
    • پسندیدہ پسندیدہ × 1
  13. محمد تابش صدیقی

    محمد تابش صدیقی منتظم

    مراسلے:
    22,517
    جھنڈا:
    Pakistan
    موڈ:
    Breezy
    يَا أَيُّهَا الَّذِينَ آَمَنُوا اتَّقُوا اللَّهَ وَقُولُوا قَوْلًا سَدِيدًا
    سورۃ الاحزاب: ۷۰
    "اے ایمان والو! اللہ کا تقویٰ اختیار کرو اور سچی بات کہو۔"
     
    • زبردست زبردست × 1
    • متفق متفق × 1
  14. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    صادق ہوں اپنے قول کا غالب خدا گواہ
    کہتا ہوں سچ کہ جھوٹ کی عادت نہیں مجھے
     
    آخری تدوین: ‏اگست 21, 2017
    • پسندیدہ پسندیدہ × 3
  15. جاسمن

    جاسمن مدیر

    مراسلے:
    11,087
    جھنڈا:
    Pakistan
    موڈ:
    Fine
    بے حد شکر گذار ہوں مریمافتخاراور محمد تابش صدیقی آپ دونوں کی۔
    اتنے سے وقت میں تیار کر کے ابھی ای میل کی ہے۔ ابھی کل بیٹی کو ایک تقریر لکھ کے دے کے آئی ہوں۔میرا اپنا ڈھیروں کام پڑا ہے اور بچوں کی تقریروں میں الجھی ہوں۔
    اللہ آپ سب کو بہت ڈھیر ساری آسانیاں اور خوشیاں دے۔ کوئی غم نہ آئے ،کوئی آزمائش نہ آئے آپ کی زندگی میں۔آمین!
    بے حد شکر گذار ہوں۔
    جزاک اللہ خیرا کثیرا۔
     
    • دوستانہ دوستانہ × 4
  16. محمد فہد

    محمد فہد محفلین

    مراسلے:
    1,460
    جھنڈا:
    Pakistan
    موڈ:
    Inspired
    سچ ہر کسی کا اپنا اپنا ہوتا ہے میرا سچ آپکا نہیں ہو سکتا اور آپکا سچ میرا نہیں ہو سکتا لیکن ہوتے دونوں ہی سچ ہیں جس کی وجہ سمجھ اور پرکھ کی ہوتی ہے جو ظاہر ہے سب کی الگ الگ ہے اور اسی پراسس میں تجربہ اور مشاہدہ جنم لیتا ہے جس سے سوچ کے زاویئے مختلف سمتیں تراشتے ہیں اور سب سے زیادہ مظبوط اور پُر اثر خیال کو ہم سچ اور حق مانتے ہیں یا سمجھتے ہیں مثبت اور متوازن سوچ سے ہم حقیقی آگاہی یا سچ تک جا سکتے ہے۔۔۔۔۔۔۔۔
     
    • پسندیدہ پسندیدہ × 1
  17. سید عمران

    سید عمران محفلین

    مراسلے:
    9,387
    جھنڈا:
    Pakistan
    شکر ہے ہمیں ٹیگ نہیں کیا۔۔۔
    آج ہم ویسے بھی بہت مصروف ہیں!!!
    :D:D:D
     
    • پر مزاح پر مزاح × 1
  18. سفیر آفریدی

    سفیر آفریدی محفلین

    مراسلے:
    403
    جھنڈا:
    Pakistan
    موڈ:
    Brooding
    کدھر گئے وہ گنہگار آو سچ بولیں
     
    • دوستانہ دوستانہ × 1
  19. سفیر آفریدی

    سفیر آفریدی محفلین

    مراسلے:
    403
    جھنڈا:
    Pakistan
    موڈ:
    Brooding
    مثبت اور متوازن کی پرکھ بهی سب کی علیحدہ ہوگی
     
    • دوستانہ دوستانہ × 1
  20. محمد فہد

    محمد فہد محفلین

    مراسلے:
    1,460
    جھنڈا:
    Pakistan
    موڈ:
    Inspired
    یہ شعر ہے یا آپ کسی کو مخاطب کر رہے ہیں۔۔؟
     

اس صفحے کی تشہیر