1. اردو محفل سالگرہ پانزدہم

    اردو محفل کی یوم تاسیس کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

سالانہ عالمی اردو مشاعرہ 2016 تبصرے

محمد خلیل الرحمٰن نے 'بزم سخن' کی ذیل میں اس موضوع کا آغاز کیا، ‏اگست 5, 2016

  1. منیب احمد فاتح

    منیب احمد فاتح محفلین

    مراسلے:
    301
    جھنڈا:
    Pakistan
    موڈ:
    Breezy
    جناب کی قدر افزائی ہے۔
    آپ کا تخلص بھی فاتح ہے۔ :)
    پہلے میں بھی فاتح استعمال کیا کرتا تھا۔ مگر اب صرف منیب احمد ہی لکھتا ہوں۔
     
    • دوستانہ دوستانہ × 2
  2. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    قریہء سیم و زر و نام و نسب یاد آیا
    پھر مجھے ترکِ تعلق کا سبب یاد آیا

    ہجر میں بھول گئے یہ بھی کہ بچھڑے تھے کبھی
    دور وہ دل سے ہوا کب ،ہمیں کب یاد آیا


    عارضِ شب ہوئے گلنار ، صبا شرمائی
    جب ترا غمزہء غمازِ طلب یاد آیا

    یاد آئے ترےکم ظرف بہکنے والے
    جامِ کم کیف بصد شور و شغب یاد آیا

    چاندنی ، جھیل ، ہوا ، زلفِ پریشاں ، بادل
    دل و جاں ہم نے کہاں کھوئے تھے اب یاد آیا


    کیا لکھے کوئی بجز نوحہء قرطاس کہ حیف
    بے ادب خامہء ارزاں کو ادب یاد آیا
    ظہیراحمدظہیر بھیا سبحان اللہ، کیا خوب کلام عطا کیا ہے، لطف سے جھوم رہا ہوں اب تک۔
     
    • دوستانہ دوستانہ × 1
  3. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    میں اشکبارہوں نا ممکنہ کی خواہش میں
    نمک مثال گھلے جارہا ہوں بارش میں

    دیا ہے میں نے ہی دشمن کو وار کا موقع
    مرا بھی ہاتھ ہے اپنے خلاف سازش میں

    یہ جبرِ راہ گزر ہے ، سفر نہیں میرا
    کہ دل شریک نہیں منزلوں کی کاوش میں

    وہ عکس ہوں جو کسی آنکھ سے بچھڑ کے ظہیر
    بھٹک رہا ہے وصالِ نظر کی خواہش میں

    ظہیراحمدظہیر بھیا ماشاءاللہ، کیا خوب اشعار ہیں، ایسے مشکل قافیہ کو نبھانا اور وہ بھی اس طرح کہ مضمون قائم رہے اور روانی بھی رہے یہ آپ کا ہی خاصہ ہے۔ بہت مزہ آیا۔ سلامت رہیں۔
     
    • دوستانہ دوستانہ × 2
  4. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    ایک دو غزلوں کے کچھ منتخب اشعار پیش ِ خدمت ہیں ۔
    راز درپردہء دستار و قبا جانتی ہے
    کون کس بھیس میں ہے خلقِ خدا جانتی ہے

    کون سے دیپ نمائش کے لئے چھوڑنے ہیں
    کن چراغوں کو بجھانا ہے ہوا جانتی ہے


    اک مری چشمِ تماشہ ہے کہ ہوتی نہیں سیر
    فکرِ منزل ہے کہ رُکنے کو برا جانتی ہے

    اور کیا دیتی محبت کے سوا ارضِ وطن
    ماں تو بیٹوں کے لئے صرف دعا جانتی ہے

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    دونوں سرے ہی کھوگئے ، بس یہ سرا ملا
    اپنی خبر ملی ہے نہ اُس کا پتہ ملا

    اُس کو کمالِ ضبط ملا ، مجھ کو دشتِ ہجر
    لیکن سوال یہ ہے کہ دنیا کو کیا ملا

    رو رو کے مٹ گیا ہوں تو مجھ پر ہوئی نظر
    بینائی کھوگئی تو مجھے آئنہ ملا
    ظہیراحمدظہیر بھیا بہت خوب، بہت اعلیٰ۔ داد قبول فرمائیں۔
     
    • دوستانہ دوستانہ × 2
  5. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    گھر بسانے کی تمنا کوچہء قاتل میں ہے
    زندگی مصروف اک تحصیلِ لاحاصل میں ہے

    شورِ طوفاں قلقلِ مینا ہے پیاسوں کے لئے
    اک پیالے کی طرح ساگر کفِ ساحل میں ہے

    مرکزِ دل سے گریزاں ہے محیطِ روزگار
    دائرہ کیسے بنے ، پرکارِ جاں مشکل میں ہے

    دے گیا ہے ڈوبتا سورج اجالے کی نوید
    ایک تازہ دن کہیں تقویم کی منزل میں ہے

    عیب اُنہی کی آنکھ میں ہو عین ممکن ہے ظہیر
    جو سمجھتے ہیں کہ خامی جوہرِ کامل میں ہے
    ظہیراحمدظہیر بھیا، میں آپ کا فین ہو گیا، ایک ایک شعر پوری غزل کے برابر ہے۔ کیا مفہوم ہے، کیا روانی ہےِ، کیا جدتِ خیال ہے۔ سبحان اللہ، بہت ساری داد پیشِ خدمت ہے۔
     
    • دوستانہ دوستانہ × 2
  6. حسن محمود جماعتی

    حسن محمود جماعتی محفلین

    مراسلے:
    2,505
    جھنڈا:
    Pakistan
    موڈ:
    Breezy
    قبلہ بے شک الامر فوق الادب۔۔۔۔۔۔۔۔ لیکن استاد کو استاد نہ کہا جائے تو کیا کہا جائے۔۔۔؟؟
     
    • دوستانہ دوستانہ × 1
    • متفق متفق × 1
  7. زیک

    زیک محفلین

    مراسلے:
    38,329
    جھنڈا:
    UnitedStates
    موڈ:
    Bookworm
    پھر لگتا ہے مفتوح ہو گئے۔
     
    • پر مزاح پر مزاح × 6
  8. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    بہت نیک کام کیا۔ اللہ آپ کو جزا دے۔ :)
    (میرا تخلص ہی نہیں میرا نام ہی فاتح ہے)
     
    آخری تدوین: ‏اگست 23, 2016
    • پر مزاح پر مزاح × 2
    • پسندیدہ پسندیدہ × 1
    • زبردست زبردست × 1
    • معلوماتی معلوماتی × 1
  9. ظہیراحمدظہیر

    ظہیراحمدظہیر محفلین

    مراسلے:
    2,970
    جھنڈا:
    Pakistan
    موڈ:
    Busy
    بہت شکریہ مریم بیٹا ! بہت نوازش !! اللہ تعالیٰ آپ کو ہمیشہ خوش رکھے اور کمال ِبے زوال عطا فرمائے !!
     
    • دوستانہ دوستانہ × 2
    • پسندیدہ پسندیدہ × 1
  10. ظہیراحمدظہیر

    ظہیراحمدظہیر محفلین

    مراسلے:
    2,970
    جھنڈا:
    Pakistan
    موڈ:
    Busy
    بہت بہت شکریہ امجد بھائی ! یہ سراسر آپ کی ذرہ نوازی ہے ! جب اہلِ قلم سے پذیرائی ملے تو سمجھئے کہ محنت وصول ہوجاتی ہے ۔ آپ کی ان محبتوں کا مقروض ہوں ! اللہ آپ کو سلامت رکھے اور دونوں جہان کی نعمتیں عطا فرمائے ۔
     
    • زبردست زبردست × 1
    • دوستانہ دوستانہ × 1
  11. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    واہ واہ واہ ظہیر بھائی، اتنا خوبصورت کلام عطا کرنے کے بعد آپ نے مجھ جیسے الفاظ گھڑنے والے کو تو اس قابل ہی نہیں چھوڑا کہ کچھ پیش کر سکوں۔
    ڈھیروں داد اور مبارک باد ان خوبصورت تخلیقات پر
     
    • دوستانہ دوستانہ × 2
    • پسندیدہ پسندیدہ × 1
  12. مریم افتخار

    مریم افتخار مدیر

    مراسلے:
    5,181
    جھنڈا:
    Pakistan
    موڈ:
    Cold
    آمین ثم آمین!!!!!:in-love:
     
    • دوستانہ دوستانہ × 2
    • پسندیدہ پسندیدہ × 1
  13. ظہیراحمدظہیر

    ظہیراحمدظہیر محفلین

    مراسلے:
    2,970
    جھنڈا:
    Pakistan
    موڈ:
    Busy
    ظہیر بھائی کہہ لیا کیجئے ۔ یہ اپنائیت کے الفاظ اچھے لگتے ہیں ۔ :):):)
     
    • دوستانہ دوستانہ × 2
  14. ظہیراحمدظہیر

    ظہیراحمدظہیر محفلین

    مراسلے:
    2,970
    جھنڈا:
    Pakistan
    موڈ:
    Busy
    لو وہ بھی کہہ رہے ہیں ۔ ۔ ۔ ۔ ۔
    فاتح بھائی ! ہمیشہ کی طرح یہ آپ کی محبت اور اعلیٰ ظرفی ہے ۔ اس حقیر کے گھڑے ہوئے یہ الفاظ آپ کو پسند آئے تو سمجھئے محنت وصول ہوئی ۔ بہت نوازش !! بہت شکریہ!! اللہ تعالیٰ آپ کو ہمیشہ شادآباد رکھے اور اپنی امان کا سایہ سر پر رکھے ! آمین! آپ کی باری کا تو انتظار ہے ۔ بہت عرصے بعد آپ کا نیا کلام پڑھنے کو ملے گا ۔ اچھا ہوا کہ اس مشاعرے کے بہانے آپ کے قلم کا یہ جمود ٹوٹنے لگا ہے ۔
     
    • دوستانہ دوستانہ × 2
    • پسندیدہ پسندیدہ × 1
  15. ظہیراحمدظہیر

    ظہیراحمدظہیر محفلین

    مراسلے:
    2,970
    جھنڈا:
    Pakistan
    موڈ:
    Busy
    واہ واہ واہ!! بہت اعلیٰ !! ہر یک مسامِ جاں ہے بصارت لئے ہوئے !! کیا اچھا کہا ہے فاتح بھائی ! سلامت رہیں !
    خوبصورت!! سبحان اللہ سبحان اللہ! ایک ازلی حقیقت ہے !

    واہ واہ!!
    بہت اعلیٰ!! دیر ہی کتنی لگتی ہے یہ خیمۂ جاں اڑ جانے میں ۔ کیا مصرع دیا ہے جناب !! واہ واہ!
     
    • دوستانہ دوستانہ × 2
  16. محمد تابش صدیقی

    محمد تابش صدیقی منتظم

    مراسلے:
    25,201
    جھنڈا:
    Pakistan
    موڈ:
    Breezy
    واہ واہ، فاتح بھائی۔ ایک غیر ادبی سی داد دے رہا ہوں۔ کرکٹ میں کہتے ہیں کہ فارم عارضی ہے لیکن کلاس مستقل۔
    آج اس کا ایک اور تجربہ ہو گیا۔
    مزا آ گیا کلام پڑھ کر بھی اور سن کر بھی۔
    خاص کر ان اشعار نے تو بہت لطف دیا۔
    بے شک۔
    کاش کہ ہم سمجھ سکیں
    آ ہاہاہا۔ کیا ہی سچا نقشہ کھینچا ہے دنیا کا۔

    بہت سی داد فاتح بھائی۔ امید ہے مشاعرہ کے بعد اس سلسلے کو توڑیں گے نہیں۔ :)
     
    • دوستانہ دوستانہ × 2
  17. محمد وارث

    محمد وارث لائبریرین

    مراسلے:
    26,140
    جھنڈا:
    Pakistan
    موڈ:
    Depressed
    کیا کہنے جناب فاتح صاحب، ہر شعر ہی لاجواب ہے، موتی پروئے ہوئے ہیں، اور آواز کا جادو الگ سے۔ جتنی بھی تعریف کی جائے کم ہے۔ بہت داد آپ کے لیے۔ سبھی اشعار بہت پسند آئے لیکن یہ تو کچھ بہت ہی بھا گئے۔

    خاک قاتل ہے خاک ہی مقتول
    خاک مدفن ہے خاک ہی مدفون
    -----
    ایک شرابِ طہور کی خاطر کس کس کو ہم ترک کریں
    قدم قدم پر نشّے بچھے ہیں دنیا کے مے خانے میں
    ----

    کیا کمالِ جذب پنہاں جذبۂ کامل میں ہے
    منزلِ مجذوب گویا جادۂ منزل میں ہے

    واہ واہ واہ۔۔۔۔۔۔
     
    • دوستانہ دوستانہ × 2
  18. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    آمین،جزاک اللہ
     
    • دوستانہ دوستانہ × 2
  19. منیب احمد فاتح

    منیب احمد فاتح محفلین

    مراسلے:
    301
    جھنڈا:
    Pakistan
    موڈ:
    Breezy
    ہے کچھ ایسی ہی بات ۔۔۔ ;)
     
    • پر مزاح پر مزاح × 1
  20. امجد علی راجا

    امجد علی راجا محفلین

    مراسلے:
    2,023
    جھنڈا:
    Pakistan
    موڈ:
    Breezy
    میری اوقات، سیکھتا ہوں فُنون​
    تیرا منصب، کہے تُو کُن، فَیَکُون

    خاک قاتل ہے خاک ہی مقتول
    خاک مدفن ہے خاک ہی مدفون

    سر میں سودا تھا، پھُوٹتا ہی رہا
    نقشِ دیوار ہو گیا ہے جنون

    یہ جہاں ہو یا وہ جہاں فاتحؔ
    جس کی طاقت اسی کا ہے قانون
    سبحان اللہ، بہت خوب فاتح بھیا بہت خوب
     
    • دوستانہ دوستانہ × 2

اس صفحے کی تشہیر