عدم ساقی شراب لا کہ طبیعت اداس ہے

نیرنگ خیال نے 'پسندیدہ کلام' کی ذیل میں اس موضوع کا آغاز کیا، ‏دسمبر 10, 2012

  1. محمد تابش صدیقی

    محمد تابش صدیقی منتظم

    مراسلے:
    24,568
    جھنڈا:
    Pakistan
    موڈ:
    Breezy
    عدم صاحب کہیں عدم سے اس لڑی میں تشریف لے آئے تو اداسی ختم ہو جانی ہے۔
     
    • پر مزاح پر مزاح × 5
    • پسندیدہ پسندیدہ × 1
  2. سید شہزاد ناصر

    سید شہزاد ناصر محفلین

    مراسلے:
    9,391
    جھنڈا:
    Pakistan
    موڈ:
    Relaxed
    او پاء جی ایتھے سگریٹ تے چاء ای کج گھٹ نیں
    اس رند خرابات نے تو آتے ہی پینا پلانا شروع کر دینا ہے

    جیسے رندان بلانوش مل بیٹھیں جو باہم
    میکدے میں سفر جام بپا رہتا تھا
     
    • پر مزاح پر مزاح × 4
    • پسندیدہ پسندیدہ × 2
  3. محمد تابش صدیقی

    محمد تابش صدیقی منتظم

    مراسلے:
    24,568
    جھنڈا:
    Pakistan
    موڈ:
    Breezy
    پھر انہوں نے ایک اور غزل لکھنی تھی
    ساقی شراب لا کہ طبیعت بحال ہے
     
    • پر مزاح پر مزاح × 6
  4. فرخ منظور

    فرخ منظور لائبریرین

    مراسلے:
    12,702
    جھنڈا:
    Pakistan
    موڈ:
    Cold
    مکمل غزل

    ساقی شراب لا کہ طبیعت اداس ہے
    مطرب رباب اٹھا کہ طبیعت اداس ہے

    رک رک کے ساز چھیڑ کہ دل مطمئن نہیں
    تھم تھم کے مے پلا کہ طبیعت اداس ہے

    چبھتی ہے قلب و جاں میں ستاروں کی روشنی
    اے چاند ڈوب جا کہ طبیعت اداس ہے

    مجھ سے نظر نہ پھیر کہ برہم ہے زندگی
    مجھ سے نظر ملا کہ طبیعت اداس ہے

    شاید ترے لبوں کی چٹک سے ہو جی بحال
    اے دوست مسکرا کہ طبیعت اداس ہے

    ہے حسن کا فسوں بھی علاجِ فسردگی
    رخ سے نقاب اٹھا کہ طبیعت اداس ہے

    میں نے کبھی یہ ضد تو نہیں کی پر آج شب
    اے مہ جبیں نہ جا کہ طبیعت اداس ہے

    امشب گریز و رم کا نہیں ہے کوئی محل
    آغوش میں در آ کہ طبیعت اداس ہے

    کیفیّتِ سکوت سے بڑھتا ہے اور غم
    قصہ کوئی سنا کہ طبیعت اداس ہے

    یوں ہی درست ہوگی طبیعت تری عدمؔ
    کمبخت بھول جا کہ طبیعت اداس ہے

    توبہ تو کر چکا ہوں مگر پھر بھی اے عدمؔ
    تھوڑا سا زہر لا کہ طبیعت اداس ہے

    (عبدالحمید عدمؔ)
     
    • پسندیدہ پسندیدہ × 1

اس صفحے کی تشہیر