طارق شاہ
محفلین
غزلِ
سائمن ڈیوڈ ضیا
جب وہ مُجھ کو، مِرا نہیں لگتا
کچھ بھی اپنی جگہ نہیں لگتا
دل لگاتا ہُوں سو بہانوں سے
پر یہ تیرے سِوا نہیں لگتا
جب سے اچھا لگا ہے اِک گُل رُو
مجھ کو کچھ بھی بُرا نہیں لگتا
ایک اُلجھی سی ڈور ہے یہ حیات
ہاتھ جس کا سِرا نہیں لگتا
روز مر مر کے یُوں مِرا جینا
کیا تمھیں معجزہ نہیں لگتا
اُف یہ افسونِ بےحسی، کہ ہمیں
سانحہ، سانحہ نہیں لگتا
سائمن ڈیوڈ ضیا
آخری تدوین:
