ساغر صدیقی زلفوں کی گھٹائیں پی جاؤ - ساغر صدیقی

[کاشفی]

غزل
(ساغر صدیقی)

زلفوں کی گھٹائیں پی جاؤ
وہ جو بھی پلائیں پی جاؤ

اے تشنہ دہانِ جور خزاں
پھولوں کی ادائیں پی جاؤ

تاریکی دوراں کے مارو
صبحوں کی ضیائیں پی جاؤ

نغمات کا رس بھی نشہ ہے
بربط کی صدائیں پی جاؤ

مخمور شرابوں کے بدلے
رنگین خطائیں پی جاؤ

اشکوں کا مچلنا ٹھیک نہیں
بے چین دعائیں پی جاؤ

احساس کے ٹوٹے ساغر میں
یاروں کی وفائیں پی جاؤ​

 

[محمد وارث]

شکریہ جناب ساغر کے "قیمتی مشورے" شیئر کرنے کیلیے

 

[کاشفی]

شکریہ محمد وارث صاحب۔۔

 

[فرخ منظور]

عمدہ انتخاب ہے۔ شکریہ کاشفی صاحب!

 

[کاشفی]

شکریہ سخنور صاحب۔۔