امیر مینائی ریاضِ دہر میں پوچھو نہ میری بربادی - امیرالشعراء منشی امیر احمد صاحب امیرمینائی

[پیاسا صحرا]

ریاضِ دہر میں پوچھو نہ میری بربادی
برنگِ بو ادھر آیا ادھر روانہ ہوا

خدا کی راہ میں دینا ہے گھر کا بھر لینا
ادھر دیا ۔ کہ ادھر داخل خزانہ ہوا

قدم حضور کے آئے مرے نصیب کھلے
جوابِ قصرِ سلیماں غریب خانہ ہوا

جب آئی جوش پہ میرے کریم کی رحمت
گرا جو آنکھ سے آنسو ۔ درِ یگانہ ہوا

چنے مہینوں ہی تنکے غریب بلبل نے
مگر نصیب نہ دو روز آشیانہ ہوا

اٹھائے صدمے پہ صدمے ۔ تو آبرو پائی
امیر ٹوٹ کے دل گوہر یگانہ ہوا

امیرالشعراء منشی امیر احمد صاحب امیرمینائی

 

[ملائکہ]

واہ واہ زبردست ایک ایک شعر خوصورت ہے ۔۔۔۔۔ شکریہ

 

[محمد وارث]

لا جواب، شکریہ 'پیاسا صحرا' شیئر کرنے کیلیے!

 

[شاہ حسین]

بہت خوب انتخاب ہے